ប្រជាពលរដ្ឋ​ ប្រទះឃេីញគ្រាប់សេសសល់ពីសម័យសង្គ្រាម​ ចំនួន​ ១៥៣គ្រាប់​ ក្នុងដីចំការ​ ស្ថិតនៅឃុំក្រពើពីរ ស្រុកវាលវែង ខេត្តពោធិ៍សាត់

ខេត្តពោធិ៍សាត់​ ៖ នៅថ្ងៃទី១៥ ខែមិថុនា​ ឆ្នាំ២០២០ ក្រុមស្រាវជ្រាវ និងកំទេចគ្រាប់របស់អង្គការហេឡូត្រាស់កម្ពុជា​ (HALO​ Trust) បានទទួលសំណើពីប្រជាពលរដ្ឋ និងកងកំលាំងសមត្ថកិច្ចនៅភូមិក្រពើពីរលើ ឃុំក្រពើពីរ ស្រុកវាលវែង ខេត្តពោធិ៍សាត់ បានប្រទះឃើញគ្រាប់ B40 ឬ PG2​ ចំនួន ១០៥គ្រាប់ គ្រាប់B62 ចំនួន​ ៤៤គ្រាប់ និងគ្រាប់ឡង់ ប្រភេទ Type67 ចំនួន​ ៤គ្រាប់​ សរុប​ ១៥៣គ្រាប់​ ស្ថិតក្នុងដីចំការរបស់ប្រជាពលរដ្ឋ។ អង្គការហេឡូត្រាស្ត បានធ្វើការកម្ទេចចោលជូនប្រជាពលរដ្ឋដោយសុវត្ថិភាព។
មន្ត្រីអាជ្ញាធរមីន​ សូមអំពាវនាវដល់បងប្អូនប្រជាពលរដ្ឋទាំង​អស់ នៅពេលឃើញគ្រាប់មិនទាន់ផ្ទុះ សូសូមកុំប៉ះពាល់ ជាពិសេសយកទៅ ដំ​ គប់លេង ឫកែច្នៃផ្សេងៗ វាអាចបណ្តាលអោយផ្ទុះស្លាប់ របួស​ ពិការ​ គ្រប់ពេល​ និងសូមរាយការណ៍ទៅអាជ្ញាធរមូលដ្ឋាន និងប្រតិបត្តិករបោសសំអាតមីនដែលនៅជិតទីនោះ ដើម្បីយកគ្រាប់ទាំងនោះទៅកំទេចចោល​ ៕