ចាប់ខ្លួនជនសង្ស័យបានចំនួន០៥នាក់ពាក់ព័ន្ធករណីចែកចាយនិងប្រើប្រាស់នូវគ្រឿងញៀន
ខេត្តកំពង់ឆ្នាំង ៖ នៅវេលាម៉ោងប្រមាណ ១៥.៣៥នាទី កាលពីថ្ងៃទី២៤ ខែមិថុនា ឆ្នាំ២០២០ កំលាំងការិយាល័យជំនាញ និង កំលាំងកងរាជអាវុធហត្ថមូលដ្ឋានក្រុងកំពង់ឆ្នាំ ចំនួន០៩នាក់ រថយន្ត០២គ្រឿង ដឹកនាំដោយលោកវរសេនីយ៍ត្រីយ៉ាងលឿន សហការ ពន្លាតដែនដីសមត្ថកិច្ច ជាមួយកងរាជអាវុធហត្ថ ខេត្តពោធិ៍សាត់ និង មានការសម្របសម្រួលពីលោក កូយ កាន់យ៉ា ព្រះរាជអាជ្ញាអមសាលាដំបូង ខេត្តពោធិ៍សាត់ បានចុះបង្ក្រាបបទល្មេីសចែកចាយ និង ប្រេីប្រាស់ដោយខុសច្បាប់នូវសារធាតុញៀន ចំនួន០១ករណី។
ក្នុងករណីបង្ក្រាបការចែកចាយនិងប្រើប្រាស់គ្រឿងញៀនខាងលើនេះបានធ្វេីការឃាត់ខ្លួនជនសង្ស័យចំនួន០៥នាក់៖
ទី១-ឈ្មោះ ទុយ គឹមសឿន ភេទប្រុសអាយុ៣៨ឆ្នាំ រស់នៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង មុខរបរមិនពិតប្រាកដ។
ទី២-ឈ្មោះ សុឹម បូរីជលសារ ភេទប្រុស អាយុ១៧ឆ្នាំ រស់នៅភូមិទី៣ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង មុខរបរមិនពិតប្រាកដ។
ទី៣-ឈ្មោះ ម៉ៅ សំណាង ភេទប្រុស អាយុ១៧ឆ្នាំ រស់នៅភូមិស្ទឹងតូច សង្កាត់ឆ្លងកាត់ ក្រុងពោធិ៍សាត់ខេត្តពោធិ៍សាត់ មុខរបរមិនពិតប្រាកដ។
ទី៤-ឈ្មោះ វ៉ាយ វ៉ាត់ ភេទប្រុសអាយុ១៧ឆ្នាំ រស់នៅភូមិមាន់ចែ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ មុខរបរមិនពិតប្រាកដ។
ទី៥-ឈ្មោះ ផល្លា ដារ៉ាសុវតី ភេទស្រី អាយុ១៧ឆ្នាំ រស់នៅភូមិទី៣ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង មុខរបរមិនពិតប្រាកដ៊
បើយោងតាមការបញ្ជាក់ពីកម្លាំងសមត្ថកិច្ចបានឲ្យដឹងថាជនសង្ស័យទាំង០៥នាក់ខាងលើនេះបានជួលបន្ទប់ផ្ទះសំណាក់ស្នាក់នៅភូមិប្រឡាយធំ សង្កាត់ព្រៃញី ក្រុងពោធិ៍សាត់ ខេត្តពោពិ៍សាត់ ដេីម្បីធ្វេីសកម្មភាពចែកចាយនឹងប្រេីប្រាស់នូវសារធាតុញៀន ។
ហើយនៅក្នុងករណីបង្ក្រាបការចែកចាយនិងប្រើប្រាស់គ្រឿងញៀនខាងលើនេះ វត្ថុតាងចាប់យករួមមាន៖
១.ម្សៅក្រាមព៌ណសថ្លា (ម៉ាទឹកកក) ចំនួន១៤កញ្ចប់តូច ទម្ងន់ ៩.៥៨ក្រាម និង សម្ភារៈវេចខ្ចប់មួយចំនួនផងដែរ។
២.ម៉ូតូចំនួន០៣គ្រឿង។
៣.ទូរស័ព្ទដៃចំនួន០២គ្រឿង។
បច្ចុប្បន្នជនសង្ស័យរួមទាំងវត្ថុតាងត្រូវបានកម្លាំង ការិយាល័យជំនាញកសាងសំណុំរឿងបញ្ជូនបន្តទៅសាលាដំបូងខេត្តកំពង់ឆ្នាំងនៅថ្ងៃទី២៥ ខែមិថុនា ឆ្នាំ២០២០ នេះដើម្បីចាត់ការតាមនីតិវិធីច្បាប់។