ចាប់ខ្លួនជនសង្ស័យអាយុ៦៧ឆ្នាំបានពីបទ ឃាតកម្ម សម្លាប់ស្ត្រីម្នាក់ នៅខេត្តកំពង់ឆ្នាំង
កំពង់ឆ្នាំង : ដោយមានការចង្អុលបង្ហាញដោយផ្ទាល់ពីលោក ឧត្តមសេនីយ៌ត្រី សាក់ សារ៉ាង មេបញ្ជាការ កងរាជអាវុធហត្ថខេត្ត និងដោយមានការសម្របសម្រួលពីលោកព្រះរាជអាជ្ញាអមសាលាដំបូងខេត្តកំពង់ឆ្នាំង នៅវេលាម៉ោង ០២:០០នាទី ថ្ងៃទី២៧ ខែមិថុនា ឆ្នាំ២០២០ នៅចំណុចភូមិក្រាំងកន្ទ្រោល ឃុំពាម ស្រុកសាមគ្គីមានជ័យ កម្លាំងកងរាជអាវុធហត្ថខេត្ត និងស្រុកសាមគ្គីមានជ័យ ចំនួន១០នាក់ មធ្យោបាយ រថយន្ត ០២គ្រឿង ដឹកនាំដោយលោក វរសេនីយ៌ទោ ហង្ស សុជាតិ មេបញ្ជាការរង បានចុះធ្វើការឃាត់ខ្លួនជនសង្ស័យ ០១នាក់ ឈ្មោះ ញ៉េប សុខុម (ហៅកុំ) ភេទប្រុស អាយុ ៦៧ឆ្នាំ មុខរបរជា ប្រធានភូមិក្រាំងកន្ទ្រោល ឃុំពាមស្រុកសាមគ្គីមានជ័យ ដែលបានធ្វើសកម្មភាពសំលាប់ទៅលើជនរងគ្រោះឈ្មោះ ជា ថន ភេទស្រី អាយុ ៥៦ឆ្នាំ ទីលំនៅភូមិ-ឃុំ កើតហេតុខាងលើ បណ្តាលអោយស្លាប់ កាលពីថ្ងៃទី២១ ខែមិថុនា ឆ្នាំ២០២០ ។
ក្នុងការឃាត់ខ្លួនជនសង្ស័យខាងលើនេះបានដកហូតវត្ថុតាងរួមមាន :ទូរស័ព្ទដៃចំនួន ០២គ្រឿង បច្ចុប្បន្នជនសង្ស័យ និងវត្ថុតាងត្រូវបានកម្លាំងការិយាល័យជំនាញកំពុងកសាងសំណុំរឿងដើម្បីបញ្ជូនខ្លួនបន្តទៅតុលាការដើម្បីចាត់ការតាមនីតិវិធីច្បាប់៕