កុមារី២នាក់ នឹងកុមារាម្នាក់ បានស្លាប់យ៉ាងអាណោចអាធ័ម ក្រោមគំនរឥដ្ឋ បន្ទាប់ពីពួកគេទៅលេងក្បែរជញ្ជាំងថ្ម នៅខណ្ឌដង្កោ!
ភ្នំពេញ ៖ កុមារី២នាក់ នឹងកុមារាម្នាក់ បានស្លាប់យ៉ាងអាណោចអាធ័ម ក្រោមគំនរឥដ្ឋ បន្ទាប់ពីពួកគេទៅលេងក្បែរជញ្ជាំងថ្ម ហើយត្រូវជញ្ជាំនោះរលំសង្កត់ពីលើ។
ហេតុការណ៍នេះបានកើតឡើង កាលពីថ្ងៃទី០៣ ខែ មិថុនា ឆ្នាំ២០២០ វេលាម៉ោង១៣.០០នាទី នៅចំណុចផ្ទះល្វែងជាន់ផ្ទាល់ដី (កំពុងសាងសង់ថ្មី) ខាងកើតវត្តឬស្សីសាញ់ ខ័ណ្ឌដង្កោ រាជធានីភ្នំពេញ។
ប្រភពបានឱ្យ ដើមរាំង ដឹងថា៖កុមារ រងគ្រោះទាំង៣នាក់
ទី១-ឈ្មោះ ឆេង ញ៉ ភេទប្រុសអាយុអាយុ ៧ឆ្នាំ។
ទី២-ឈ្មោះ ឆេង ចំរើន ភេទស្រីអាយុ ២ឆ្នាំ។
ឪពុកឈ្មោះ ម៉េង នី អាយុ ៤២ឆ្នាំ និងម្តាយឈ្មោះព្រុំ ហួន អាយុ ៤៣ឆ្នាំមានទីលំនៅបច្ចុប្បន្ន នៅភូមិសំនយ ឃុំសេនារាជឧត្តម ស្រុកព្រះស្ដេច (ជាជាងសំណង់ រៀបឥដ្ឋ)។
រីឯសពក្មេងទី៣ឈ្មោះ ម៉េង ទូច ភេទស្រីអាយុ3ឆ្នាំ។
ឪពុកឈ្មោះ ម៉ាប់ ឡុង អាយុ ២៨ឆ្នាំ និងម្តាយឈ្មោះឆេង នាង អាយុ ២៧ឆ្នាំ មានទីលំនៅបច្ចុប្បន្ន នៅភូមិសំនយ ឃុំសេនារាជឧត្តម ស្រុកព្រះស្ដេច (ជាជាងសំណង់ រៀបឥដ្ឋ)។
សេចក្ដីរាយការណ៍ប្រាប់ថា នៅមុនពេលកើតហេតុ ក្មេងទាំង៣នាក់ ដែលមានឪពុកម្ដាយជាជាងសំណង់ បានទៅស្នាក់នៅជាមួយឪពុកម្ដាយ ក្នុងការដ្ឋានសំណង់ខាងលើ។
ដោយបានទៅលេងក្បែរជញ្ជាំងឥដ្ឋនោះ ខណៈពេលកើតហេតុ ឪពុកម្តាយឡើងទៅធ្វើការ រៀបឥដ្ឋនៅជាន់លើ។ចៃដន្យជញ្ជាំងឥដ្ឋបានរលំសង្កត់កូនៗពួកគាត់ស្លាប់ទាំង៣នាក់តែម្ដង។
បច្ចុប្បន្នក្រុមគ្រួសារកំពុងធ្វើបុណ្យតាមប្រពៃណីនៅឯស្រុកកំណើតនៅស្រុកព្រះស្ដេច៕