លោកឧត្តមសេនីយ៍ស្នងការចាត់ឲ្យតំណាងនាំយកថវិកា ឯកឧត្ដមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ឧបត្ថម្ភដល់មន្រ្តីមួយរូបដែលរងរបួសខណៈពេលបំពេញបេសកកម្ម...
កំពង់ចាម ៖ នៅរសៀលថ្ងៃទី០៦ ខែកក្កដា ឆ្នាំ២០២០ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់ឲ្យលោកឧត្តមសេនីយ៍ត្រី សាន សុភា ស្នងការរងទទួលផែនការងារធនធានមនុស្សដឹកនាំកម្លាំងការិយាល័យប្រឆាំងគ្រឿងញៀន ទៅសួរសុខទុក្ខលោកវរសនីយ៍ត្រី ស៊ាម ម៉េងសែ ឋាន:នាយផ្នែកសួរចម្លើយនិងសំណុំរឿង នៃការិយាល័យប្រឆាំងគ្រឿងញៀន ដែលរងគ្រោះដោយជួបឧបទ្ទវហេតុ ក្នុងពេលបំពេញបេសកកម្ម បច្ចុប្បន្នកំពុងសម្រាកព្យាបាលនៅមន្ទីរពេទ្យខេត្តកំពង់ចាម។
ក្នុងឱកាសនោះដែរ លោកឧត្តមសេនីយ៍ត្រី សាន សុភា តំណាងលោកឧត្ដមសេនីយ៍ស្នងការ ក៏បាននាំយកថវិកានិងគ្រឿងឧបភោគបរិភោគរួមមាន៖
១-ថវិកាឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកជំទាវ ឧបត្ថម្ភថវិកាចំនួន ១,០០០,០០០៛ (មួយលានរៀល) និងគ្រឿងឧបភោគបរិភោគមួយចំនួនផ្សេងទៀត។
២-ថវិកាលោកព្រះរាជអាជ្ញាអមសាលាដំបូងខេត្តកំពង់ចាមចំនួន ១,០០០,០០០៛ (មួយលានរៀល)។
៣-ថវិកាលោកស្នងការរងទទួលផែនការងារប្រឆាំងគ្រឿងញៀនចំនួន ៥០០,០០០៛ (ប្រាំសែនរៀល)។
៤-ថវិកាចលនាមិត្តជួយមិត្តរបស់ការិយាល័យប្រឆាំងគ្រឿងញៀនចំនួន ១,០៥០,០០០៛ (មួយលានប្រាំមុឺនរៀល)។
About កងមាស
