រន្ធត់ណាស់បុរសវ័យក្មេងម្នាក់បើកបរលឿនក៏ជ្រុលទៅបុកបង្កាន់ដៃស្ពានអាកាសបាក់កស្លាប់ភ្លាមៗ និងនារីម្នាក់ទៀតរងរបួស..!
ភ្នំពេញ ៖ បុរសម្នាក់បោកក្បាលបាក់ ក ស្លាប់យ៉ាងរន្ធត់ និង នារីម្នាក់ដែលរួមដំណើររងរបួសស្រាលបន្ទាប់ពីជិះម៉ូតូមួយគ្រឿងលឿនដូចហោះខ្វះការប្រុងប្រយត្ន័ជ្រុលទៅបុកបង្កាន់ដៃស្ពានអាកាសផ្សារដីហុយពេញទំហឹង។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះកើតឡើងកាលវេលាម៉ោង ០៩.១០នាទីយប់ ថ្ងៃទី០៤ ខែកក្ដដា ឆ្នាំ២០២០ ស្ថិតតាមបណ្ដោយផ្លូវ សហពន្ធ័រុស្សី ចំនុចគល់ស្ពានផ្សារដីហ៊ុយក្នុងសង្កាត់ អូបែបក្អម ខណ្ឌសែនសុខ រាជធានីភ្នំពេញ។
សពបុរសម្នាក់ខាងលើឈ្មោះ ទ្រី សីហា ភេទប្រុស អាយុ៣០ឆ្នាំ មុខរបមេការសំណង់ ស្នាក់នៅស្ទឹងមានជ័យ ខណ្ឌមានជ័យ រាជធានីភ្នំពេញ មានស្រុកកំណើត នៅស្រុក បវិល ខេត្តបាត់ដំបង។
ចំណែកនារីរួមដំណើរមិនទាន់ស្គាល់អត្តសញ្ញណនៅឡើយ។
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេឃើញបុរសម្នាក់រួមដំណើរនិងនារីម្នាក់ជិះម៉ូតូមួយគ្រឿងម៉ាក ស្គុបពី ពណ៌សលាយផ្ទៃមេឃ ពាក់ស្លាកលេខបាត់ដំបង 1AI-8421 ធ្វើដំណើរក្នុងទិសដៅពីលិចទៅកើត ក្នុងល្បឿនលឿន ខណ:មកដល់ចំនុចកើតហេតុខាងលើក៏ជ្រុលទៅបុកបង្កាន់ដៃស្ពានផ្សារដីហុយពេញទំហឹងបណ្ដាលឲ្យបោកក្បាលបាក់កស្លាប់ភ្លាមៗនិងនារីដែលរួមដំណើររងរបួសស្រាល។
ក្រោយកើតហេតុសមត្ថកិច្ចជំនាញខណ្ឌបានចុះមកដល់កន្លែងកើតហេតុបានធ្វើកំណត់ហេតុរួចប្រគល់ឲ្យរថយន្តសាម៉ុយដឹកយកទៅតំលក់ទុកនៅវត្តទឹកថ្លាដើម្បីរងចាំអោយក្រុមគ្រួសារយកទៅធ្វើបុណ្យតាមប្រពៃណី។
ចំណែកម៉ូតូរងគ្រោះសមត្ថកិច្ចយកទៅរក្សាទុកនៅអធិការដ្ឋានខណ្ឌសែនសុខរងចាំក្រុមគ្រួសារយកឯកសារមកនិងប្រគល់ជូនវិញ។