បុរសម្នាក់បានស្លាប់យ៉ាងអនោចអធម៌ដោយសាររថយន្តកែច្នៃបុកនៅស្រុកស្វាយអន្ទរ

ព្រៃវែង ៖ ករណីគ្រោះថ្នាក់ចរាចរណ៍ដ៏រន្ធត់មួយរវាងគោយន្តកែច្នៃនិងម៉ូតូក្នុងទិសដៅបញ្ចាស់ទិសគ្នាបណ្ដាលឱ្យជនរងគ្រោះស្លាប់នៅនឹងកន្លែងកើតហេតុយ៉ាងអនោចអធម៌។
ហេតុការណ៍គ្រោះថ្នាក់ចរាចរណ៍បានកើតឡើងកាលពីល្ងាចថ្ងៃទី៣១ ខែកក្កដា ឆ្នាំ២០២០ វេលាម៉ោង ២រសៀល ស្ថិតនៅភូមិជ្រៃផ្សារ ឃុំជ្រៃ ស្រុកស្វាយអន្ទរ ខេត្តព្រៃវែង។
គ្រោះថ្នាក់រវាងគោយន្តកែឆ្នៃបើកបរបញ្ច្រាសទិសគ្នា បានបុកម៉ូតូ c125 ពណ៌ខ្មៅស៊េរីឆ្នាំ២០២០ ស្លាកលេខ ព្រៃវែង 1R-8256 បណ្ដាលឲ្យបុរសជាអ្នកបើកបរម៉ូតូម្នាក់ស្លាប់នៅកន្លែងកើតហេតុ។
ជនរងគ្រោះមានឈ្មោះ សូយ ទ្រី ភេទប្រុសអាយុ ២០ឆ្នាំ ស្លាប់នៅនឹងកន្លែងកើតហេតុ។
ជនបង្ករអ្នកបើកគោយន្តកែច្នៃដឹកដីមានឈ្មោះ ហុង ដែន ភេទប្រុសអាយុ ២៨ឆ្នាំ។
ក្រោយកើតហេតុសមត្ថកិច្ចបានចុះមកដល់កន្លែងកើតហេតុបានហៅជំនាញខាងចរាចរណ៍មកវាស់វែងនឹងឃាត់ខ្លួនជនបង្ករយកមកអធិការរដ្ឋាននគបាលស្រុកស្វាយអន្ទរ។
ចំណែករីឯគោយន្តកែឆ្នៃនិងម៉ូតូកម្លាំងជំនាញយកទៅរក្សាទុកនៅប៉ុស្តិ៍នគរបាលជ្រៃរង់ចាំការដោះស្រាយគ្នានៅពេលក្រោយ៕