លោកអភិបាល ចំការមន និងក្រុមការងារដ្ឋបាលខណ្ឌចំការមន បានបន្តចុះត្រួតពិនិត្យទីតាំងអាជីវកម្មភោជនីយដ្ឋានចំនួន ០៣ទីតាំង ដែលស្ថិតនៅក្នុងសង្កាត់ទន្លេបាសាក់

នៅយប់ថ្ងៃពុធ ៨រោច ខែស្រាពណ៌ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១២ ខែសីហា ឆ្នាំ២០២០
រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាល នៃគណៈអភិបាលខណ្ឌចំការមន បានសហការជាមួយមន្ទីរទេសចរណ៍រាជធានីភ្នំពេញ បានចុះត្រួតពិនិត្យទីតាំងអាជីវកម្មចំនួន ០៣កន្លែង រួមមាន ភោជនីយដ្ឋាន ប៊ីអឹម, អេ ស៊ី អ៊ី ឡោយ និង ឌី អូ អេស ដែលស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ក្រោយពីក្រុមការងារត្រួតពិនិត្យទីតាំងអាជីវកម្មភោជនីយដ្ឋាន ៣ទីតាំងរួចមក ពិនិត្យឃើញថា៖
-អាជីវកម្មបានកែប្រែមកជាភោជនីយដ្ឋានស្របតាមការណែនាំរបស់រាជរដ្ឋាភិបាល
-នៅច្រកចូលមានម៉ាស៊ីនស្កេនកម្ដៅ ទឹកអាល់កុល នៅច្រកទ្វារចូល និងមានម៉ាស៊ីនកំចាត់មេរោគ ទាំងច្រកចេញទាំងច្រកចូល ដើម្បីការពារ និងទប់ស្កាត់ការរីករាលដាលជំងឺកូវីដ១៩។
ក្រោយពីត្រួតពិនិត្យទីតាំងលើរួចមក ក្រុមការងារបានណែនាំដល់ម្ចាស់អាជីវកម្មខាងលើដូចខាងក្រោម៖
-ត្រូវកាត់បន្ថយសំលេង និងពន្លឺពណ៌នៅក្នុងទីតាំងអាជីវកម្ម
-ត្រូវទទួលបម្រើសេវាក្នុងកម្រិតអប្បរមា ៥០% ដើម្បីរក្សាគម្លាតសុវត្ថិភាព ១.៥០ម៉ែត្រ
-អនុវត្តវិធានសុវត្ថិភាពទេសចរណ៍អោយបានត្រឹមត្រូវ និងត្រូវបន្តអនុវត្ត
-ចូលរួមលុបបំបាត់ផ្សែងបារីក្នុងទីតាំងអាជីវកម្ម។