ឡានដឹកដែកលួសបើកលឿនបុកបង្គោល ថ្មគល់ស្ពាន បណ្តាលឲ្យក្រឡាប់ធ្លាក់ចូលប្រឡាយ

ខេត្ដតាកែវ ៖ នៅថ្ងៃទី០៤ ខែសីហា ឆ្នាំ២០២០ នៅ ចំណុចគល់ស្ពានអូថាន ភូមិទួលចារ ឃុំសំរោង ស្រុកសំរោង ខេត្ដតាកែវ ។
មុនពេលកើតហេតុគេបានឃើញរថយន្ដមួយគ្រឿងម៉ាក ហ៊ីយ៉ាន់ដាយ ពណ៌ស ពាក់ស្លាកលេខតាកែវ 3A-3498 បើកបរក្នុងទិសដៅពីត្បូងមកជើង (ពីតាកែវមកភ្នំពេញ) ស្រាប់តែមកដល់ចំណុចកើតហេតុប្រហែលវេលាម៉ោង ០៣ រំលងអាធ្រាត្រឈានចូលថ្ងៃទី០៤ ខែសីហា ក៏រ៉េចង្កូតទៅបុកបង្គោលថ្មជាប់គល់ស្ពានបណ្ដាលឲ្យរថយន្ដក្រឡាប់ធ្លាក់ចូលទៅក្នុងប្រឡាយ ប៉ុន្ដែមិនបណ្ដាលឲ្យមានអ្នករងរបួសនោះទេ ។
សមត្ថកិច្ចមូលដ្ឋានបានចុះទៅដល់កន្លែងកើតហេតុ ដោយមិនមានអ្នករងរបួសក៏ឲ្យតៃកុងរថយន្ដយករថយន្ដផ្សេងមករើឥវ៉ាន់ ដើម្បីស្ទូចរថយន្ដទៅរក្សាទុកនៅអធិការស្រុក៕