គ្រួសារជនរងគ្រោះ ផ្ទុះមីនស្លាប់២នាក់ នៅស្រុកវាលវែង ទទួលអំណោយមនុស្សធម៌ពីសាខាកាកបាទក្រហមខេត្តពោធិ៍សាត់
![](https://blogger.googleusercontent.com/img/b/R29vZ2xl/AVvXsEiinMzjWegOvdhd5wrKXjrhTpFfAD9BpwNtl7Z5axG4Z9NbEA1yJrRltJuXEjtgWNhsb56GzVGzIQYfx82Iv3agrH3QHPW2fGcBMTttt44eTto-BcDx8KrfNVYFrVa2icAYEOQBZ72DKNI/s1600/1+%25281%2529.jpg)
ថ្លែងក្នុងពិធីប្រគល់អំណោយ នៅថ្ងៃទី៤ ខែសីហា ឆ្នាំ២០២០ លោក វ៉ាន់ ហ៊ាង បានពាំនាំនូវការផ្ដាំផ្ញើសួរសុខទុក្ខ និងរំលែកទុក្ខពីលោក ម៉ៅ ធនិន និងលោក ខូយ រីដា អនុប្រធានអចិន្រ្តៃយ៍ សាខា ជាពិសេសពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះក្រុមគ្រួសារសព ដែលបានបាត់បង់មនុស្សជាទីស្រលាញ់ ប្រកបដោយព្រហ្មវិហារធម៌ ខិតខំប្រកបការងារ ដើម្បីកសាងជីវភាពគ្រួសារឱ្យបានរុងរឿង។
ជាមួយគ្នានោះ លោកនាយកសាខា ក៏បានលើកទឹកចិត្តឱ្យក្រុមគ្រួសាររងគ្រោះទាំងអស់គ្នាកុំអស់សង្ឃឹម ត្រូវបន្តប្រកបរបរ ចិញ្ចឹមជីវិតប្រចាំថ្ងៃឱ្យបានកាន់តែប្រសើរតទៅថ្ងៃមុខ និងត្រូវមានការប្រុងប្រយ័ត្នខ្ពស់ចំពោះគ្រាប់មីន និងកាក សំណល់ពីសង្គ្រាម ដែលបណ្តាលឱ្យរងរបួស ឬគ្រោះថ្នាក់ ដល់អាយុជីវិតជាយថាហេតុ។
សម្ភារដែលត្រូវផ្តល់ជូនគ្រួសារសព ដោយក្នុងមួយគ្រួសារៗ ទទួលបានអង្ករ៥០គីឡូក្រាម, ទឹកត្រី២យួរ, ទឹកស៉ីអ៉ី ២យួរ, ទឹកក្រូច៣កេស និងថវិកា៥០ម៉ឺនរៀល៕