គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    លោកឧត្តមសេនីយ៍ទោ ឯម កុសល ស្នងការខេត្តកំពង់ចាម បញ្ជាកម្លាំងធានាឲ្យបានសន្ដិសុខ សណ្ដាប់ធ្នាប់ជូនប្រជាពលរដ្ឋ ក្នុងឱកាសឈប់សម្រាក៥ថ្ងៃនេះ

    កងមាស
    កំពង់ចាម៖ នៅថ្ងៃតី១៧ ខែសីហា ឆ្នាំ២០២០នេះ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដាក់បទបញ្ជាយ៉ាងម៉ឺងម៉ាត់ឲ្យកម្លាំងនគរបាលខេត្ត ត្រូវធានាឲ្យបាននូវសន្ដិសុខ សណ្ដាប់ធ្នាប់ជូនប្រជាពលរដ្ឋ ក្នុងឱកាសឈប់សម្រាករយៈពេល៥ថ្ងៃនេះអោយមានសុវត្តិភាពខ្ពស់។
    ការដាក់បទបញ្ជារបស់លោកឧត្តមសេនីយ៍ស្នងការ ធ្វើឡើងក្នុងកិច្ចប្រជុំផ្សព្វផ្សាយផែនការការពារធានាសុវត្ថិភាព សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ក្នុងឱកាសដែលរាជរដ្ឋាភិបាលអនុញ្ញាតឲ្យមន្ត្រីរាជការ និយោជិក កម្មករ ឈប់សម្រាករយៈពេល៥ថ្ងៃ ចាប់ពីថ្ងៃទី១៧ ដល់ថ្ងៃទី២១ ខែសីហា ឆ្នាំ២០២០។
    ពិធីនេះ ប្រព្រឹត្តទៅនៅសាលប្រជុំធំ នៃស្នងការដ្ឋាននគរបាលខេត្តកំពង់ចាម ដោយមានការចូលរួមពី លោក លោកស្រី ស្នងការរង លោកអនុប្រធានផែន លោក លោកស្រី នាយ នាយរងការិយាល័យ លោក អធិការនគរបាលស្រុក ក្រុងទាំង១០ លោកនាយប៉ុស្តិ៍នគរបាលរដ្ឋបាលទាំង១០៩ សរុបអ្នកចូលរួមមានចំនួន៣០៦នាក់។
    ជាមួយគ្នានេះ លោកឧត្តមសេនីយ៍ទោ ឯម កុសល បានណែនាំដល់តាមបណ្តាការិយាល័យជំនាញ អធិការនគរបាលទាំង១០ស្រុក ក្រុង និងប៉ុស្តិ៍ទាំងអស់ ត្រូវតែយកចិត្តទុកដាក់ លើការសម្រួលចរាចរណ៍ជូនប្រជាពលរដ្ឋតាមដងផ្លូវ ដើម្បីកាត់បន្ថយការកកស្ទះ ជាពិសេសទប់ស្កាត់ឲ្យបាននូវគ្រប់ករណី បទល្មើស ។ ម្យ៉ាងវិញទៀត ត្រូវផ្សព្វផ្សាយដល់ប្រជាពលរដ្ឋក្នុងមូលដ្ឋានឲ្យយកចិត្តទុកដាក់ខ្ពស់ និងប្រុងប្រយ័ត្ន ដើម្បីចូលរួមបង្កា និងទប់ស្កាត់កុំឲ្យមានករណីអគ្គីភ័យ ការកើតឡើងដោយយថាហេតុ ។
    លោកឧត្តមសេនីយ៍ស្នងការ បានសង្កត់ធ្ងន់ថា គ្រប់ កងកម្លាំង ត្រូវខិតខំ យកចិត្តទុកដាក់ ពង្រឹងការងារប្រចាំបញ្ជា និងត្រៀមកម្លាំងចុះល្បាត អន្តរាគមន៍ឲ្យទាន់ពេលវេលា ២៤ម៉ោង លើ២៤ ម៉ោង ក្នុងករណីមិនអនុវត្តតាម បទបញ្ជា ហើយអនុវត្តខុសពីច្បាប់ មន្ត្រីនោះត្រូវទទួលពិន័យរបស់កងកម្លាំងនគរបាល ជាតិ ៕
    កងមាស
    កងមាស
    កងមាស

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ