សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន លេីកទឹកចិត្តដល់កុមារក្រីក្រ ៣នាក់ ដែលបានចូលរួមក្នុងកីឡាប្រណាំងកង់នៅទីលានទួលម៉ូតូហោះព្រែកលាភ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន លេីកទឹកចិត្តដល់កុមារក្រីក្រ ៣នាក់ ដែលបានចូលរួមក្នុងកីឡាប្រណាំងកង់នៅទីលានទួលម៉ូតូហោះព្រែកលាភ
ដោយក្តីអាណិតអាសូរ និងមេីលឃេីញពីការតស៊ូក្នុងជីវិត នៅរសៀលថ្ងៃទី ១២ ខែវិច្ឆិកា ឆ្នាំ២០២០នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចាត់ឱ្យសហការីចុះសួរសុខទុក្ខនិងលេីកទឹកចិត្ត ព្រមទាំងនាំយកអំណោយមនុស្សធម៌ផ្តល់ជូនកុមារចំនួន ៣នាក់ ដែលរស់នៅក្នុងគ្រួសារក្រីក្រ បានចូលរួមប្រកួតកីឡាប្រណាំងកង់នៅទីលានទួលម៉ូតូហោះព្រែកលាភ ខណ្ឌជ្រោយចង្វារ រាជធានីភ្នំពេញ។
កុមារទាំង៣នាក់នោះរស់នៅភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ មានឈ្មោះ ៖ ១. ពេជ្រ ធារ៉ា អាយុ ១៣ឆ្នាំ, ២. សុវណ្ណ សាលី អាយុ ១៤ឆ្នាំ, ៣. ឈិន ភារម្យ អាយុ ៩ឆ្នាំ។
ក្នុងឱកាសនោះ លោកជំទាវ ម៉ែន នារីសោភ័គ អគ្គលេខាធិការរងទី១១ កាកបាទក្រហមកម្ពុជា បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញេីសួរសុខទុក្ខ ក្តីអាណិតអាសូរ និងកោតសរសេីរចំពោះការតស៊ូរបស់កុមារទាំង ៣នាក់ខាងលេីនេះដែលមានឆន្ទៈស្រឡាញ់កីឡាហេីយហ៊ានចូលរួមប្រកួតដោយមិនមានកង់ថ្មីៗដូចកុមារដទៃ។ ជាមួយគ្នានេះ លោកជំទាវ បានពាំនាំនូវការលេីកទឹកចិត្តពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដល់កុមារទាំង៣នាក់ ដែលមានចិត្តស្រឡាញ់វិស័យកីឡា ដែលនេះអាចយកធ្វេីជាគំរូដល់កុមារ និងយុវជនដទៃទៀត ប្រសេីរជាងការប្រព្រឹត្តគ្រឿងញៀន ល្បែងស៊ីសង ឬទង្វេីទាំងឡាយណាដែលសង្គមស្អប់ខ្ពេីម ។ ទន្ទឹមនឹងនេះ សូមក្មួយៗត្រូវខិតខំសិក្សារៀនសូត្រឱ្យបានពូកែដេីម្បីអនាគតភ្លឺស្វាង ចំណែកឯអាណាព្យាបាលត្រូវប្រឹងប្រែងប្រកបរបរចិញ្ចឹមជីវិតបន្ថែមទៀតដេីម្បីជីវភាពគ្រួសាររុងរឿង។
កុមារទាំង៣នាក់ខាងលេីនេះ និងក្រុមគ្រួសារ បានសម្តែងនូវការដឹងគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានលេីកទឹកចិត្ត និងផ្តល់ការសន្តោសប្រណី ហេីយពួកគេបានប្តេជ្ញាអនុវត្តតាមការទូន្មានរបស់មាតាមនុស្សធម៌ ត្រូវខិតខំសិក្សារៀនសូត្រឱ្យបានពូកែ ធ្វេីជាកូនល្អ សិស្សល្អ និងជាពលរដ្ឋល្អនៅក្នុងសង្គម។
ដេីម្បីជួយសម្រាលផ្នែកជីវភាពគ្រួសារ កាកបាទក្រហមកម្ពុជា បានឧបត្ថម្ភដល់គ្រួសារកុមារនីមួយៗទទួលបាន ៖ អង្ករ ១០០គីឡូក្រាម, មី ២កេស, ត្រីខ ២០កំប៉ុង, ឃីត (មុង ភួយ សារុង ក្រមា អាវយឺត) ១ឃីត, កញ្ចប់អាហារ ១កញ្ចប់, កាបូបស្ពាយ ១ និងថវិកា ៥០០.០០០រៀល៕
![](https://blogger.googleusercontent.com/img/b/R29vZ2xl/AVvXsEjwef5I1D1ID0F_MYzewrMWIohdfrqWYzuhNNnDWRPV7OJyZeFUyyNFe2ge9oX3nzVUJFYBEnaauyWSk3aDb1yI-R1Qssv36y-15BKIFmTOmrAA8Snz4NCyQTCugIgrv8UkRYRs4t_4jTM/s0/Polish_20201114_073815414.jpg)
![](https://blogger.googleusercontent.com/img/b/R29vZ2xl/AVvXsEgR6aDeQg0xOHrJ7JBMvy03SiU_NFlOUL5xZjQa8f00UyTtJQ7eSxWAQKWNycGgwLf8nFp8YpMRJLDo-QOsie2gsAFDinyluSRXNuHL4w2-1xRneBX9ONaaL1GZIR6Sl0lA4bY98oj3Vdc/s0/FB_IMG_1605314133018.jpg)
![](https://blogger.googleusercontent.com/img/b/R29vZ2xl/AVvXsEip-OMwrnKSjStgd9ElglHUrSpnV7OWgjZpeId0f6vgDB_dPQabY9d3u7mrgAQLEO-MuM16q1JVXaR6Jds3w-52pBW9jWXiLFVWrk7y14MOEMzEyyOwvtQhaxTFSI42uUf2_XMcGOeq1Cs/s0/FB_IMG_1605314135222.jpg)
![](https://blogger.googleusercontent.com/img/b/R29vZ2xl/AVvXsEgpEeV-JS7dtM0JaenbNbk45UxFuT2DDR8U81ykutc6PUA9uL7kwNhh8IiCgfNRzofcF762Gyh3slQtohG9K1IoShQKiBrAemNqlG1JSxpMJjdY6zWfe2Yf52_IQ2E-qF_KMRJ0lIgK74c/s0/FB_IMG_1605314137905.jpg)
![](https://blogger.googleusercontent.com/img/b/R29vZ2xl/AVvXsEhmbTxKPYE9Resy-ge9NhAeUnzvUFVoCyulApo9VOSveuIQQPxU1xQk1OqGcAQckrVbPztY88TqH0Z6qmWUBWXfLKgT2SMiLZG7_Dn9c1Amn7bp5w293Wh8pIGz6V04kLDtQAkifNy5_Xk/s0/FB_IMG_1605314140051.jpg)
![](https://blogger.googleusercontent.com/img/b/R29vZ2xl/AVvXsEh2xQc3YciJUeYtA5tKySn_3jtRo1Da0rYSwmSjhjUuCVPDKBZxtYALF_XPafbibDeotakhO2b-L5n0h9vvqiW6tZ9z2p9f63LkyP1WaYVij3dMb9MDQ5fD9pQVIZAdtF6Y7p__e5AMA7s/s0/FB_IMG_1605314142217.jpg)
![](https://blogger.googleusercontent.com/img/b/R29vZ2xl/AVvXsEiPuWODLjzcRRW035AYrOufZFAqjR7W7Zz9kg1D4M3_jNvJGot3UhZHg7MvocA7i6A8GijssljoyP614fWS7c4VJAkbTmxmpsaGjCd-gqIkWQRd1Rlb5S7EaPevlSJWLQvxSVTm99Ni3dQ/s0/FB_IMG_1605314144345.jpg)
![](https://blogger.googleusercontent.com/img/b/R29vZ2xl/AVvXsEhYIv5X0GxCB8BdtTOOopbDDAkRrYIPCJlETZUMno0bGPdRsq2VGi_K4U4U6YcUSKhpO8lOMiH9B-Quoxo30-FQrz8KMTADLpcqeBqG9Q72czKeVzY2fKxz5gUT0x_v3zFm035_-WF3BaQ/s0/FB_IMG_1605314146456.jpg)
![](https://blogger.googleusercontent.com/img/b/R29vZ2xl/AVvXsEgEDoaBqqDA4sVQnQWQUgy4ni5oosEP6TQMcFzLYOs69u8aO9fkFBE2xoG1QleEfWyruQPcIkMHv3toqlQhzhAdTgdppHUZLC_5vqibaswsiYaftWWZaMXZpMvjGxi3panT1XFDgGXs2mQ/s0/FB_IMG_1605314148655.jpg)
![](https://blogger.googleusercontent.com/img/b/R29vZ2xl/AVvXsEguwcLAjDPhFDnSL7_uIpBvY6TCwG4ZwFf4RfWm9ceXqY6nMqvjMdAxxwvBv9nfHSac5V4JsGhRz6PQXNnCIftInlXMlTj8GMTuu3vUcL_cIjrxMUSrl_5o5CjeEWTAgkMMJ5YkMGB2yCU/s0/FB_IMG_1605314151093.jpg)
No comments