លោក អ៊ី សុខឡេង អភិបាលក្រុងព្រះសីហនុ បន្ដបើកផ្លូវ តាមប្លង់ប្រព័ន្ធដើម្បីសម្រួលការធ្វើចរាចរណ៍ និងបម្រើផលប្រយោជន៍រួមជាសាធារណៈ
![](https://blogger.googleusercontent.com/img/b/R29vZ2xl/AVvXsEhoO7oI-_35wmbyv2Ilj1oHh059TReryRhopRLI7bVr-c_jlXMWAeUHKZ_QMCGb3vo1dQSvPTLyaPXE9Zq9yeuuj-aUd1YONb53oxW6Jj93aY1LY9ZoF3miH9tgdO7-XSyguhP7plKoqQk/s0/FB_IMG_1611538779715.jpg)
លោក អ៊ី សុខឡេង អភិបាលក្រុងព្រះសីហនុ បន្ដបើកផ្លូវ តាមប្លង់ប្រព័ន្ធដើម្បីសម្រួលការធ្វើចរាចរណ៍ និងបម្រើផលប្រយោជន៍រួមជាសាធារណៈ
ព្រះសីហនុ ៖ ថ្ងៃសុក្រ ៩កើត ខែមាឃ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២២ ខែមករា ឆ្នាំ២០២១ លោក អ៊ី សុខឡេង អភិបាល នៃគណៈអភិបាលក្រុងព្រះសីហនុ បានបន្ដបើកផ្លូវ តាមប្លង់ប្រព័ន្ធដើម្បីសម្រួលការធ្វើចរាចរណ៍ និងបម្រើផលប្រយោជន៍រួមរបស់បងប្អូនប្រជាពលរដ្ឋ ដោយអនុវត្តតាមប្លង់ប្រព័ន្ធ និងគោលការណ៍រួមរបស់គណបញ្ជាការឯកភាពខេត្ត សម្រាប់ផលប្រយោជន៍រួមជាសាធារណៈ។
លោកអភិបាលបានអោយដឹងថា ការបើកផ្លូវតាមប្លង់ប្រព័ន្ធ នៅចំណុចក្រុម១៨-១៩ ភូមិ១ សង្កាត់លេខ៤ ទទួលបានជោគជ័យ ដោយមានការសហការល្អពីប្រជាពលរដ្ឋក្នុងមូលដ្ឋាន និងបន្ដអនុវត្តជាបន្ដបន្ទាប់នៅតាមទីតាំងផ្សេងៗទៀត។
លោកអភិបាលបានបញ្ជាក់បន្ថែមថា ការបើកបានផ្លូវនេះមានសារៈសំខាន់ណាស់ សម្រាប់ការធ្វើចរាចរណ៍ទូទៅរបស់អ្នកភូមិក្នុងតំបន់នោះ ហើយជាពិសេសគឺបង្កលក្ខណៈងាយស្រួលលើការសង្គ្រោះពលរដ្ឋ ក្នុងករណីមានគ្រោះអគ្គិភយ័ជាយថាហេតុណាមួយ៕
![](https://blogger.googleusercontent.com/img/b/R29vZ2xl/AVvXsEhQFmluRHukagEXrQsbSdPZZb1qRsWhgRgA1JJox1ojbf5P-Sa7VlqZlQX6kSRv8n7I3sNeFECVl0kMICxshkQRnrG_IRhaJSsBRRHHjQJHRlL3w66s6adncmDXGyrqdKg4fgx7AVtXh-Y/s0/FB_IMG_1611538781508.jpg)
![](https://blogger.googleusercontent.com/img/b/R29vZ2xl/AVvXsEjc0hIV9toj0HKC4oLTz7wCZmboUwzBf2wISf2UHsyK7-E5CGnzkYneB9pjdpAo1rHSqhdogHOrR5OfggyPoX8rfKbK4FZAAOxtALwAgYG1mGVqc7DBz6KINJ7_r5xI10RmloKGeMUvPkA/s0/FB_IMG_1611538783173.jpg)
![](https://blogger.googleusercontent.com/img/b/R29vZ2xl/AVvXsEhd0izff2nOio2-5ZeY0sb4_69dxihlg5iq5QQ7AiOUSKQKQvH1SPwL8Cnzh-gNdmE6QnUx26QzwXRCemX3-RxxE4J_eU6PQYAcUitg2n_ciPwfr77q7T169Z0pMs4NXmXxy2IqXw4Qlss/s0/FB_IMG_1611538785279.jpg)
No comments