គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    សម្តេច​តេជោ​ ហ៊ុន​ សែន​ ផ្តល់​ថវិកា​៤ម៉ឺន​ដុល្លារ​ ដេីម្បី​​ស្តារ​ស្រះ​ស្តុក​ទឹក​ ​ជូន​កសិករ​ក្នុង​ស្រុក​ត្បូងឃ្មុំ​ សម្រាប់ស្រោចស្រពស្រែចំការ

    សម្តេច​តេជោ​ ហ៊ុន​ សែន​ ផ្តល់​ថវិកា​៤ម៉ឺន​ដុល្លារ​ ដេីម្បី​​ស្តារ​ស្រះ​ស្តុក​ទឹក​ ​ជូន​កសិករ​ក្នុង​ស្រុក​ត្បូងឃ្មុំ​ សម្រាប់ស្រោចស្រពស្រែចំការ

    ត្បូងឃ្មុំ៖ ដោយទទួលបានសំណូមពរពីបងប្អូនប្រជាកសិករ​ ចំនួន៤ភូមិ ក្នុងឃុំអញ្ចើម ដែល​ខ្វះខាត​ប្រភពស្តុក​ទឹកសម្រាប់​ប្រើប្រាស់ ស្រោចស្រពស្រែចំការ នៅថ្ងៃទី០៣ ខែមីនា ឆ្នាំ២០២១នេះ ស្រះទឹកដែលមានបណ្តាយ១០០ម៉ែត្រ និងទទឹង១០០ម៉ែត្រ ជំរៅ៣ម៉ែត្រ អាចស្រោចស្រពលើផ្ទៃដីដាំដុះ៣០០ហិចតា ចំណាយថវិការអស់ប្រមាណជា៤ម៉ឺនដុល្លារ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា តាមរយៈឯកឧត្តម​ ឧបនាយករដ្ឋមន្ត្រី ជា សុផារ៉ា ប្រធានក្រុមការងារថ្នាក់ជាតិចុះមូលដ្ឋានខេត្តត្បូងឃ្មុំ ត្រូវបានបើកការដ្ឋានជីកស្តារឡើងវិញ ស្ថិតក្នុងភូមិព្រែកំពែង ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ។

    ពិធីបើកការដ្ឋានជីកស្តារស្រះទឹកឡើងវិញនេះ ធ្វើឡើងក្រោម​វត្តមាន​ ឯកឧត្តម ហាក់ សុខមករា អភិបាលរងខេត្តត្បូងឃ្មុំ ក្នុងនាមតំណាងឧបនាយករដ្ឋមន្ត្រី ជា សុផារ៉ា រួមដំណើរដោយឯកឧត្តម កេង ប៊ុនណា អភិបាលរងខេត្ត លោក អាន ស៊ីណា ប្រធានមន្ទីរអភិវឌ្ឍន៍ជនបទ លោក សេង សុខខឿន អភិបាលស្រុក-អភិបាលរងស្រុក អនុប្រធានមន្ទីរព័ត៌មានខេត្ត ក្រុមប្រឹក្សាឃុំ មេឃុំ មេភូមិ និងបងប្អូនប្រជាពលរដ្ឋដែលទទួលផលប្រមាណជា១០០នាក់។

    ក្នុង​ឳកាសនោះដែរ​ ឯកឧត្តម ហាក់ សុខមករា បានពាំនាំមកនូវប្រសាសន៍ផ្តាំផ្ញើសួរសុខទុក្ខពីសំណាក់សម្តេចតេជោហ៊ុន សែន នាយករដ្ឋមន្ត្រី​នៃ​កម្ពុជា និងឯកឧត្តម​ ឧបនាយករដ្ឋមន្ត្រី ជា សុផារ៉ា ជូនចំពោះបងប្អូន​ប្រជាពលរដ្ឋ​ដោយក្តីនឹករលឹកបំផុត។

    ឯកឧត្តម អភិបាលរងខេត្ត បានថ្លែងនូវការកោតសរសើរចំពោះបងប្អូន និងអាជ្ញាធរឃុំ-ស្រុក ដែលបានយកដីស្រះនេះ ដែលអតីតជាត្រពាំង ចុះបញ្ជីកម្មសិទ្ធជាទ្រព្យសម្បត្តិរួម ធានាដោយច្បាប់ការពារដោយរដ្ឋ ដោយមិនអាចអោយជនខិលខូចលួចរំលោពបំពានយកបាននោះឡើយ ក៏ដូចជាចូលរួមជាមួយមន្ទីរអភិវឌ្ឍន៍ជនបទខេត្ត ដើម្បីពិនិត្យមើលដំណើរការជីកស្តារឡើងវិញផងដែរ។

    ក្រោយទទួលបានស្រះទឹកថ្មីនេះ ក្នុងនាមតំណាងឧបនាយករដ្ឋមន្ត្រី ជា សុផារ៉ា, ឯកឧត្តម ហាក់ សុមករា បានផ្តាំផ្ញើដល់បងប្អូនប្រជាពលរដ្ឋ ត្រូវរួមគ្នាថែរក្សា ការពារ និងប្រើប្រាស់ស្រោចស្រពស្រែចំការ ឲ្យបានទិន្នផលខ្ពស់ និងលក់ចេញបានថ្លៃ ជួយសម្រួលកម្រិតជីវភាព ពិសេសរួមគ្នាបោះឆ្នោតជូនគណបក្សប្រជាជនកម្ពុជា ដែលជាគណបក្សតែមួយគត់ នៅរួមសុខរួមទុក្ខជាមួយបងប្អូន​ប្រជាពលរដ្ឋ​ នាថ្ងៃបោះឆ្នោតក្រុមប្រឹក្សាឃុំ-សង្កាត់ នាឆ្នាំ២០២២ ក៏ដូចជាថ្នាក់ជាតិ នាឆ្នាំ២០២៣ខាងមុខនេះ ដើម្បីបន្តដំណើរជាមួយសម្តេចតេជោ ហ៊ុន សែន កសាងសមិទ្ធផល​ថ្មីៗ​បន្ថែម​ទៀត​ ជាប្រយោជន៍ដល់ប្រជាកសិករ​ និងឆ្ពោះទៅកាន់ការអភិវឌ្ឍន៍ឥតឈប់ឈរ​ផងដែរ​៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ