គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    កម្មករនិយោជិត រិះគន់ ម្ចាស់អាជីវកម្មផ្ទះជួល ដែលប្រកាសដំឡើងថ្លៃឈ្នួលបន្ទប់ ជាបន្តបន្ទាប់ ខណៈជំងឺកូវីដ-១៩ មិនទាន់ចប់ស្រួលបួល

    កម្មករនិយោជិត រិះគន់ ម្ចាស់អាជីវកម្មផ្ទះជួល ដែលប្រកាសដំឡើងថ្លៃឈ្នួលបន្ទប់ ជាបន្តបន្ទាប់ ខណៈជំងឺកូវីដ-១៩ មិនទាន់ចប់ស្រួលបួល

    ភ្នំពេញ៖ ផ្ទះជួលមួយកន្លែង ស្ថិតនៅភូមិដំណាក់ធំ២ (ហៅផ្សារដីថ្មី) សង្កាត់មានជ័យទី៣ ខណ្ឌមានជ័យ កំពុងរង់ការរិៈគន់ យ៉ាងខ្លាំង ពីសំណាក់ប្រជាពលរដ្ឋ និងកម្មករ កម្មការនី ខណៈឈ្មោះ «ហេងសេង មហាសាន» ដែលជាម្ចាស់អាជីវកម្មផ្ទះជួលបានដំឡើងថ្លៃឈ្នួលបន្ទប់ ជាបន្តបន្ទាប់ ក្នុងរដូវកាលកូវីដ-១៩។

    ប្រជាពលរដ្ឋជាច្រើនដែររស់នៅក្នុងផ្ទះជួលខាងលើនេះ បានសម្ដែងការមិនពេញចិត្ត នូវទង្វើ និងសកម្មភាពហួសហេតុ របស់លោក «ហេងសេង មហាសាន» ដែលជាម្ចាស់អាជីវកម្មផ្ទះជួល ដែលបានដំឡើងថ្លៃឈ្នួលបន្ទប់ចំនួនពីរលើក ក្នុងឆ្នាំ២០២១នេះ ខណៈប្រទេសជាតិកំពុងតែជួបវិបត្តិសេដ្ឋកិច្ចនៃវីរុសកូវីដ-១៩ ពោលគឺ៖ ⟨មិនទាន់បានកន្លះឆ្នាំស្រួលបួលផង ម្ចាស់អាជីវកម្មរូបនេះបានដំឡើងថ្លៃឈ្នួលបន្ទប់រហូតដ៏ទៅ២លើក⟩។

    បងប្អូនកម្មករកម្មការនី បានបន្តថា កាលពីថ្ងៃទី១ ខែមករា ដើមឆ្នាំ២០២១ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដំឡើងប្រាក់ បៀវត្ស ជូនកម្មករនិយោជិត ចំនួន ពីរដូល្លារ (2$) បន្ថែម ស្មើនិង មួយរយកៅសិបពីរដូល្លារ (192$) ប្រាក់បៀវត្ស។ ស្របពេលនោះម្ចាស់អាជីវកម្មផ្ទះជួល ឈ្មោះ «ហេងសេង មហាសាន» បានដំឡើងថ្លៃឈ្នួលបន្ទប់ ចាប់ពី ពីរដូល្លារ (2$) រហូតដល់ ដប់ដូល្លារ (10$) តាមជាន់នីមួយៗ ក្នុងខែមករា ដើមឆ្នាំ២០២១ ភ្លាមៗផងដែរ។ ទៀតសោត គិតមកដល់ខែឧសភា ឆ្នាំ២០២១នេះ គឺមិនទាន់បានកន្លះឆ្នាំស្រួលបួលផង ស្រាប់តែ ឈ្មោះ «ហេងសេង មហាសាន» ដែលជាម្ចាស់អាជីវកម្មផ្ទះជួលរូបនេះ បានដំឡើងថ្លៃឈ្នួលបន្ទប់បន្ថែមទៀត ស្របពេលជំងឺកូវីដ-១៩ មិនទាន់ស្ងប់ស្ងាត់ផង។

    កម្មករនិយោជិតទាំងនោះក៏បានថ្លែង និង ពោលពាក្យថា៖ (កាលដំឡើងថ្លៃឈ្នួលបន្ទប់នេះ គឺជាសិទ្ធិរបស់ម្ចាស់ផ្ទះជួល ដែលបានបើកអាជីវកម្មជួលបន្ទប់ ស្របតាមគោលការណ៍របស់រដ្ឋ ក៏ប៉ុន្តែបញ្ហាដំឡើងថ្លៃឈ្នួលបន្ទប់នេះ សូមប្រមុខរាជរដ្ឋាភិបាល ក្រសួង មន្ទីរ ស្ថាប័ន ពាក់ព័ន្ធក៏គួរតែមានចំណាត់ការចំពោះម្ចាស់អាជីវកម្ម បន្ទប់ជួលណា ដែលដំឡើងថ្លៃឈ្នួលបន្ទប់ជួលហួសហេតុ ខុសពីប្រក្រតី) «ក្រោមហេតុផល៖ ប្រមុខរាជរដ្ឋាភិបាលកម្ពុជា បានដំឡើង ប្រាក់បៀវត្ស ចំនួនពីរដូល្លារ (2$) បន្ថែមពីលើប្រាក់បៀវត្សនូវឆ្នាំចាស់ ប៉ុន្តែម្ចាស់អាជីវកម្មផ្ទះជួល ឆ្លៀតឱកាសនោះបានដំឡើងថ្លៃឈ្នួលបន្ទប់ លើសលប់រហូតដល់ (2$-10$) ហើយមិនទាន់បានកន្លះឆ្នាំ ស្រួលបួលផង បែរជាប្រកាសដំឡើងថ្លៃឈ្នួលបន្ទប់បន្ថែមទៀត ស្របពេលជំងឺកូវីដ-១៩ មិនទាន់មានភាពស្ងប់ស្ងាត់ទៅវិញផង»៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ