បង្ក្រាបនិងឃាត់ខ្លួនជនសង្ស័យចំនួន០២នាក់ ពីបទជួញដូរដោយខុសច្បាប់នូវសារធាតុញៀន

បង្ក្រាបនិងឃាត់ខ្លួនជនសង្ស័យចំនួន០២នាក់ ពីបទជួញដូរដោយខុសច្បាប់នូវសារធាតុញៀន

ខេត្តកណ្ដាល៖ នៅវេលាម៉ោង ១៣:០០នាទី រសៀលថ្ងៃទី១០ ខែមិថុនា ឆ្នាំ២០២១ យោងតាមបទបញ្ជាដល់ម៉ឺងម៉ាត់របស់លោកវរសេនីយ៍ឯក ឯក លន់ អធិការនៃអធិការដ្ឋាននគរបាលស្រុកមុខកំពូល ក្រោមការដឹកនាំផ្ទាល់ដោយលោកវរសេនីយ៍ទោ ឡេក តារា អធិការរងទទួលការងារប្រឆាំងគ្រឿងញៀន ដឹងនាំកម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលឃុំឫស្សីជ្រោយបានធ្វើការបង្រ្កាប និងឃាត់ខ្លួនជនសង្ស័យបានចំនួន ០២នាក់ ពីបទជួញដូរដោយខុសច្បាប់នូវសារធាតុញៀន នៅចំណុចទំនប់រាហ៊ូ ស្ថិតនៅភូមិព្រែកយាយហ៊ិនទី១ ឃុំឫស្សីជ្រោយ ស្រុកមុខកំពូល ខេត្តកណ្ដាល។

ជនសង្ស័យឃាត់ខ្លួនបានចំនួន០២នាក់រួមមាន៖
ទី១.ឈ្មោះ ឆន ស៊ីដែត ភេទប្រុស អាយុ ២២ឆ្នាំ រស់នៅភូមិព្រែកយាយហ៊ិនទី១ ឃុំឫស្សីជ្រោយ ស្រុកមុខកំពូល ខេត្តកណ្ដាល មុខរបរមិនពិតប្រាកដ។

ទី២.ឈ្មោះ ស៊ុំ ភក្ដី ភេទប្រុស អាយុ ១៦ឆ្នាំ រស់នៅភូមិព្រែកយាយហ៊ិនទី១ ឃុំឫស្សីជ្រោយ ស្រុកមុខកំពូល ខេត្តកណ្ដាល មុខរបរមិនពិតប្រាកដ។

វត្ថុតាងដកហូតរួមមាន៖
ទី១.ម្សៅក្រាម ស ថ្លា សង្ស័យសារធាតុញៀនចំនួន ១៥ កញ្ចប់តូច។
ទី២.ទូរស័ព្ទ អិនចុចពិលចំនួន ០២ គ្រឿង។

នៅចំពោះមុខសមត្ថកិច្ចជនសង្ស័យទាំងពីរនាក់បានសារភាពថាខ្លួនបានយកថ្នាំញៀនពីបុរសម្នាក់ ដើម្បីយកទៅលក់បន្ត។

បច្ចុប្បន្នជនសង្ស័យ រួមនិងវត្ថុតាង ត្រូវបានបញ្ជូនទៅការិយាល័យជំនាញខេត្តដើម្បីបន្តនីតិវិធី។