វ៉ាក់សាំងកូវីដ-១៩ Johnson & Johnson ដែលជាជំនួយរបស់រដ្ឋាភិបាលអាមេរិក បានដឹកមកដល់ប្រទេសកម្ពុជាយើងហើយ
![](https://blogger.googleusercontent.com/img/b/R29vZ2xl/AVvXsEjK4kVl2pMMcNC1r8r7_llc7yz2S_ioEZD2zB_lEbR3aedqesn9YV6wulGwcp9fx1xqqxeoyw38tzSEkk83ZNf8DYPuXw9J7IKC-FhZWWsyqQMLT18TNwkI_oa7ChS3_ozLIFkMvj_moNM/s0/FB_IMG_1627612752324-1024x682.jpg)
វ៉ាក់សាំងកូវីដ-១៩ Johnson & Johnson ដែលជាជំនួយរបស់រដ្ឋាភិបាលអាមេរិក បានដឹកមកដល់ប្រទេសកម្ពុជាយើងហើយ
ភ្នំពេញ៖ វ៉ាក់សាំងកូវីដ-១៩ Johnson & Johnson ដែលជាជំនួយរបស់រដ្ឋាភិបាល និងប្រជាជនអាមេរិក តាមរយៈមជ្ឈមណ្ឌលកូវ៉ាក់ បានដឹកមកដល់ប្រទេសកម្ពុជាយើងហើយ នៅថ្ងៃទី៣០ ខែកក្កដា ឆ្នាំ២០២១នេះ។
តាមរយៈមជ្ឈមណ្ឌលកូវ៉ាក់ សហរដ្ឋអាមេរិក បានប្រកាសផ្តល់វ៉ាក់សាំងចំនួន ១លានដូសដល់រាជរដ្ឋាភិបាល និងប្រជាជនកម្ពុជា។ វ៉ាក់សាំងដែលមកដល់ថ្ងៃនេះ មានចំនួន ៥០ម៉ឺនដូស ដោយឡែកចំនួន ៥០ម៉ឺនដូស នឹងដឹកមកដល់នៅថ្ងៃទី០២ ខែសីហាខាងមុខ។ អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅក្នុងតំបន់ ក្នុងពេលកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។
វ៉ាក់សាំង គឺជាឧបករណ៍ដ៏សំខាន់មួយក្នុងការប្រយុទ្ធប្រឆាំងនឹងជំងឺកូវីដ១៩ ដែលកំពុងរីករាលដាលលើពិភពលោក។ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខនោះ ក៏បានដាក់ចេញផែនការផ្តល់វ៉ាក់សាំងជូនប្រជាពលរដ្ឋ ជាផែនការយុទ្ធសាស្ត្រមួយក្នុងការប្រយុទ្ធប្រឆាំងនឹងជំងឺកូវីដ-១៩។ កម្ពុជា ក៏បានស្វះស្វែងយ៉ាងខ្លាំងក្នុងការរកវ៉ាក់សាំងមកចាក់ជូនប្រជាពលរដ្ឋ។ មកដល់ពេលពេលបច្ចុប្បន្ននេះ រកបានវ៉ាក់សាំងជាង ១៧លានដូសហើយ ដែលក្នុងនោះមានទាំងការផ្តល់ជំនួយ និងការបញ្ជាទិញ។
ដើម្បីចូលរួមប្រយុទ្ធប្រឆាំងនឹងការរាតត្បាតជំងឺកូវីដ១៩នៅកម្ពុជា មានប្រទេសជាមិត្តចំនួន៤ហើយ បានផ្តល់ និងប្រកាសផ្តល់ជំនួយវ៉ាក់សាំងមកកម្ពុជា។ ប្រទេសដែលបានផ្តល់ និងបានប្រកាសផ្តល់រួមមាន៖ ចិន ផ្តល់វ៉ាក់សាំងជាង ២លានដូស ជប៉ុន ១លានដូស អាមេរិក ១លានដូស និងអង់គ្លេស ៤១ម៉ឺន ៥ពាន់ដូស៕
![](https://blogger.googleusercontent.com/img/b/R29vZ2xl/AVvXsEjS9O90snp76pFP2TJ_wiAQl8zjmg3zoxfeqJYO023jYXezpLNp-riS_FNrAerUSL6D6VnPqb-qyKGo54lT0CtXY7YiyzhcbD0ZLGe7oIhA6RZz3FiIf9B4Xh97qlp3XdHz7ZqcJJbiY-s/s0/FB_IMG_1627612755911-1024x682.jpg)
![](https://blogger.googleusercontent.com/img/b/R29vZ2xl/AVvXsEjTh_t_uZnm_CZT3szdotN2TG62Lgeokcw5VvUE4cJCbxiGsb2qmPuxSRF3KPB187EzBxLxd1ViSxrb8BjH2MKT-1UVg7mhPAkaUebx3oJbnlIqhSmSYnaExccU-NKaN5-nHDdojeEYn9s/s0/FB_IMG_1627612757538.jpg)
![](https://blogger.googleusercontent.com/img/b/R29vZ2xl/AVvXsEikaU4rCWM25ru1nv7UYb0gouiymyAn5wqLtxfb_6Ci2k_RGBlVsOnuWyHefWRckWC3OKw4_AOZTQpdksnnsQk51wAFDhDcBNtSc7B3gQy2yGGxl46mcgJLTpoxxrfQDdhOcW56WofSoWE/s0/FB_IMG_1627612759331.jpg)
![](https://blogger.googleusercontent.com/img/b/R29vZ2xl/AVvXsEgeQJZlvmlsbHSpm4dr_OrurJ2TCj9XEbG6g3Ad-ZTC3EjPiQV4c5_Ox-FZdOHaPD5-lcd3TiZBiRwzT9VdYL9OK8KNd166snh_mCaruiyMqQWk0XfGf43WUxpCQjsKdVATLyBUXebPiPM/s0/FB_IMG_1627612766021-1024x682.jpg)
No comments