គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    កម្លាំងសមត្ថកិច្ចបង្ក្រាបក្រុមឧក្រិដ្ឋជន កែច្នៃ និងចែកចាយគ្រឿងញៀន ៥នាក់ រឹបអូសបានគ្រឿងញៀន ១៥៦គីឡូក្រាម

    កម្លាំងសមត្ថកិច្ចបង្ក្រាបក្រុមឧក្រិដ្ឋជន កែច្នៃ និងចែកចាយគ្រឿងញៀន ៥នាក់ រឹបអូសបានគ្រឿងញៀន ១៥៦គីឡូក្រាម

    ភ្នំពេញ៖ នៅថ្ងៃទី២៤ ខែកក្កដា ឆ្នាំ២០២១នេះ កម្លាំងជំនាញ នៃមន្ទីរប្រឆាំងបទល្មើសគ្រឿងញៀន របស់អគ្គស្នងការដ្ឋាននគរបាលជាតិ បានបើកប្រតិបត្តិការបង្ក្រាបក្រុមឧក្រិដ្ឋជនកែច្នៃ រក្សាទុក ដឹកជញ្ជូន និងជួញដូរគ្រឿងញៀនបានមួយករណី និងចាប់ខ្លួនជនសង្ស័យបានចំនួន ៥នាក់ ក្នុងនោះវៀតណាម ៤នាក់ និងខ្មែរ ១នាក់ ព្រមទាំងរឹបអូសបានគ្រឿងញៀនសរុប ១៥៦គីឡូក្រោម។

    ប្រតិបត្តិការនេះធ្វើឡើងដោយអនុវត្តតាមបញ្ជា នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់លោកឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន។

    ជាលទ្ធផលក្រោយទទួលបានបទបញ្ជា នៅយប់ថ្ងៃទី២០ ខែកក្កដា ឆ្នាំ២០២១ សមត្ថកិច្ច នៃមន្ទីរប្រឆាំងបទល្មើសគ្រឿងញៀន (ក៨) ដឹកនាំដោយលោកឧត្តមសេនីយ៍ទោ វ៉ាន់ កុសល និងលោកឧត្តមសេនីយ៍ទោសារី បុត្រសត្យា នាយករងមន្ទីរ មានការចូលរួមពីកម្លាំងជំនាញ ស្នងការដ្ឋាននគរបាលរាជធានីភ្នំពេញ ព្រមទាំងមានការសម្របសម្រួលដោយ លោក វង្ស សាវ៉ាត ព្រះរាជអាជ្ញារង បានចុះសើបអង្កេត ស្រាវជ្រាវ ឈានទៅបង្ក្រាបក្រុមឧក្រិដ្ឋជន កែច្នៃ រក្សាទុក ដឹកជញ្ជូនជួញដូរដោយខុសច្បាប់នូវសារធាតុញៀន ស្ថិតនៅចំណុចផ្ទះលេខ៨០ ផ្លូវM៣ បុរីប៉េងហួត (បឹងស្នោ) សង្កាត់និរោធនិ៍ ខណ្ឌច្បារអំពៅ រាជធានីភ្នំពេញ។

    ក្នុងនោះកម្លាំងជំនាញចាប់ខ្លួនបានជនសង្ស័យ ចំនួន៥នាក់រួមមាន៖ ទី១៖ ឈ្មោះ ហម សាវុធ អាយុ៥២ឆ្នាំ, ទី២៖ ឈ្មោះ ឡេ វ៉ាន់ឌឿត (LE VAN DUOT) អាយុ៣១ឆ្នាំ, ទី៣៖ ឈ្មោះ ង្វៀន ថាន់គឿង (NGUYEN THANH CUONG) អាយុ២៦ឆ្នាំ, ទី៤៖ ឈ្មោះ ឡេ កឹមហ្វុក (LE CAM PHUNG) ភេទស្រី អាយុ២៥ឆ្នាំ និងទី៥៖ ឈ្មោះ ហ្វ័ង ង៉ុកហាន (HOANG NGOC HAN) ភេទស្រី អាយុ២៥។

    វត្ថុតាងចាប់យកបាន រួមមាន៖ អ៉ីស្តាស៉ី(MDMA) ទម្ងន់សុទ្ធ១០១គីឡូនិង៩៨២.០៤ក្រាម, កាទីណូន (CATHINONE) ទម្ងន់សុទ្ធ៣៩គីឡូនិង៨៥៤ក្រាម, មេតំហ្វេតាមីន (ICE) ទម្ងន់សុទ្ធ១៤គីឡូ និង៤៥០.៧៦ក្រាម, កេតាមីន (KETANINE) ទម្ងន់សុទ្ធ១១២.៨១ក្រាម, សារធាតុរាវប្រភេទ អាសេតូនមានទម្ងន់សុទ្ធ៦គីឡូ និង៦៦៨.២៥ក្រាម ព្រមទាំងមធ្យោបាយបម្រើក្នុងការកែច្នៃ សារធាតុញៀនជាច្រើនទៀតផងដែរ។

    ជនសង្ស័យទាំង៥នាក់ខាងលើរួម និងវត្ថុតាងត្រូវបាន កម្លាំងជំនាញកសាងសំណុំរឿងបញ្ជូនខ្លួនបន្តទៅ សាលាដំបូងរាជធានីភ្នំពេញ ដើម្បីចាត់តាមនីតិវិធីច្បាប់៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ