ខណ្ឌដូនពេញ៖ បង្ក្រាបទីតាំងបង្កើតអាខោនបង់ប្រាក់ លេងល្បែងខុសច្បាប់ តាមអ៊ីនធើណេត
![](https://blogger.googleusercontent.com/img/b/R29vZ2xl/AVvXsEhZ0rDTLSRO1JJuHips7vQ55Jqto8eg9KyMFD0_cf1ODoi5WeOcU2HkLjHo3cg2WbXGvAaRZRdGhGnJuiKoxKWhVwNxiT7-EPvXx7_UV7JESFpOaeW70I-pCuz7fJdm4cIg6i-R7NEi1pk/s0/PicsArt_07-04-06.30.29.jpg)
ខណ្ឌដូនពេញ៖ បង្ក្រាបទីតាំងបង្កើតអាខោនបង់ប្រាក់ លេងល្បែងខុសច្បាប់ តាមអ៊ីនធើណេត
ភ្នំពេញ៖ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់អោយ លោក ម៉ុក ច័ន្ទករុណា អភិបាលរងខណ្ឌដូនពេញ ដឹកនាំកម្លាំងចម្រុះ ចុះបង្ក្រាប ទីតាំងសង្ស័យ បង្កើតអាខោនបង់ប្រាក់ ដើម្បីលេងល្បែងស៊ីសងខុសច្បាប់ តាមប្រព័ន្ធអ៊ីនធឺណេតលើទូរស័ព្ទដៃចំនួន០៧ ដែលលបលួចបើកល្មើស និងការណែនាំ របស់ រដ្ឋបាលខណ្ឌដូនពេញ ក៏ដូចជារដ្ឋបាល រាជធានីភ្នំពេញ ក្នុងការរួមគ្នារបង្ការនិងប្រយុទ្ធប្រឆាំង និង ជម្ងឺ Covid-19 ក្នុងប្រទេសកម្ពុជា។
សូមបញ្ជាក់ថា៖ ទីតាំងខាងលើនេះ បើកដំណើរការ ដោយបិទទ្វារផ្ទះ មិនប្រើប្រាស់កំព្យូទ័រ អនុញ្ញាតអោយអ្នកចូលចាក់ បញ្ចូលលុយក្នុងអាខោនរួចគឺត្រូវចាក់ចេញពីផ្ទះ រួចចាក់សោរវិញ ដោយបញ្ជូលលុយរួចលេង ស៊ីសង លុយ តាមទូរស័ព្ទ ។
លទ្ធផលបង្ក្រាបទីតាំងល្មើសបាន០៧ទីតាំង រួមមាន៖
១-ផ្ទះលេខ១៣៥E០ ផ្លូវលេខ១១០ ក្រុម៣៨ ភូមិ៤ សង្កាត់វត្តភ្នំ ខណ្ឌដូនពេញ ។
២-ផ្ទះលេខ៤១CE១ ផ្លូវលេខ១៥៤ ភូមិ៧ សង្កាត់ផ្សារកណ្តាលទី១ ខណ្ឌដូនពេញ ។
៣-តូបលេខ៧ ផ្លូវលេខ១៥៤កែងផ្លូវលេខ៥ ភូមិ៦ សង្កាត់ផ្សារកណ្តាលទី១ ខណ្ឌដូនពេញ ។
៤- ផ្លូវលេខ៥ ភូមិ៦ សង្កាត់ផ្សារកណ្តាលទី១ ខណ្ឌដូនពេញ ។
៥- ផ្ទះលេខ៤៩ ផ្លូវលេខ៥១ ភូមិ៣ សង្កាត់សង្កាត់ផ្សារថ្មី៣ ខណ្ឌដូនពេញ ។
៦-ផ្ទះលេខ១៥៦ ផ្លូវលេខ៨០ ភូមិ២២ សង្កាត់សង្កាត់ស្រះចក ខណ្ឌដូនពេញ ។
៧-ផ្ទះលេខ៤៣ ផ្លូវលេខ៨៦ ភូមិ៧ សង្កាត់សង្កាត់ស្រះចក ខណ្ឌដូនពេញ ។
ក្រុមការងារបានសម្រេចបិទទ្វាចាក់សោរផ្ទះ ក្នុងករណីម្ចាស់ទីតាំងមិនអនុវត្តតាមការណែនាំ របស់ក្រុមការងារខាងលើនេះទេ រដ្ឋបាលខណ្ឌដូនពេញ និងអនុវត្តវិធានការរដ្ឋបាលយ៉ាងមុឺងម៉ាត់ដោយធ្វើការឃាត់ខ្លួន មនុស្សបញ្ជូនទៅអធិការនគបាលខណ្ឌដូនពេញដើម្បី កសាងសំណុំរឿងបញ្ជូនទៅកាន់តុលាការ៕
No comments