លោក ព្រុំ សំណាង អធិការស្រុកកៀនស្វាយ អញ្ជើញជាអធិបតីយកទៀនព្រះវស្សា និងទេយ្យវត្ថុប្រគេនព្រះសង្ឃគង់នៅវត្តចំនួនពីរវត្ត

លោក ព្រុំ សំណាង អធិការស្រុកកៀនស្វាយ អញ្ជើញជាអធិបតីយកទៀនព្រះវស្សា និងទេយ្យវត្ថុប្រគេនព្រះសង្ឃគង់នៅវត្តចំនួនពីរវត្ត

ខេត្តកណ្តាល៖ នៅថ្ងៃអាទិត្យ ០១រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៥ ខែកក្កដា ឆ្នាំ២០២១ វេលាម៉ោង ១៤និង៣០នាទីម្សិលមិញនេះ លោក ព្រុំ សំណាង អធិការនគរបាលស្រុកកៀនស្វាយ នៃស្នងការដ្ឋាននគរបាលខេត្តកណ្តាល បានអញ្ជើញជាអធិបតីយកទៀនព្រះវស្សា និងទេយ្យវត្ថុប្រគេនព្រះសង្ឃគង់នៅវត្តចំនួនពីរវត្ត សំរោងធំ និង វត្តពោធិសិរីដីដុះ ស្ថិតនៅក្នុងមូលដ្ឋានឃុំសំរោងធំ។

សមាសភាពចូលរួម៖ លោក ទេព ឈួន មេឃុំសំរោងធំលោក.លោកស្រីសមាជិកក្រុមប្រឹក្សាឃុំ លោក ស្មៀនឃុំកម្លាំងនគរបាលប៉ុស្តិ៍រដ្ឋបាលឃុំសំរោងធំ និងកម្លាំងប្រជាការពារ លោក លោកស្រីមេភូមិ អនុភូមិ តាជី យាយជី។

ទានព្រះវស្សានិងទេយ្យវត្ថុដែលបានប្រគេនក្នុងមួយវត្តៗរួមមាន៖ ថវិកាចំនួន ៥០០០០០៛ (ហាសុិបមុឺនរៀល) អង្ករ០១ប៉ាវ ៥០kg ទានព្រះវស្សា ១គូរ, មីម៉ាម៉ា ២កេះ, ទឹកក្រូច១កេះ, ទឹកសុទ្ធ០២កេះ, ទឹកត្រី២យួរ, ទឹកសុីអុិវ២យួរ,។

នាក្នុងឪកាសនោះ លោកអធិការ ក៏បានផ្សព្វផ្សាយអំពីគោលនយោបាយភូមិ-ឃុំមានសុវត្តិភាពលក្ខណៈសម្បត្តិ៧ចំណុច និងផ្សព្វផ្សាយនូវវិធានការការពារប្រយុទ្ធប្រឆាំងនឹងជំងឺកូវីដ-១៩ ដោយប្រកាន់ខ្ជាប់នូវ វិធានការ «៣កុំ និង ៣ការពារ»៕