គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    លោក ថាំង ប៊ុនសុង តំណាងប្រធាន សមាគមរាជសីហ៍ អញ្ជើញចុះសួរសុខទុក្ខ និង ផ្តល់អំណោយ ជូនគ្រួសារចាស់ជរាពិការក្រីក្រចិញ្ចឹមចៅតូចៗ៥នាក់ នៅស្រុកសាមគ្គីមានជ័យ

    លោក ថាំង ប៊ុនសុង តំណាងប្រធាន សមាគមរាជសីហ៍ អញ្ជើញចុះសួរសុខទុក្ខ និង ផ្តល់អំណោយ ជូនគ្រួសារចាស់ជរាពិការក្រីក្រចិញ្ចឹមចៅតូចៗ៥នាក់ នៅស្រុកសាមគ្គីមានជ័យ

    ខេត្តកំពង់ឆ្នាំង៖ ឆ្លើយតបការអំពាវនាវពីលោកយាយជរាពិការភ្នែកក្រីក្រកំពុងធ្លាក់ខ្លួនឈឺទើប លោក ស៊ូម សារឿន ប្រធាន សមាគមរាជសីហ៍ បានចាត់ លោក ថាំង ប៊ុនសុង អនុប្រធានចលនាអប់រំផ្សព្វផ្សាយ រួមជាមួយ លោក ថោង សុភ័ក្ត្រ លោក  ជួប សុភារ៉ា  និង លោក  គង់ សារីម សមាជិករាជសីហ៍ ចុះសួរសុខទុក្ខ និង នាំអំណោយជូន លោកយាយ សុខ គិន រស់នៅភូមិស្រែឬស្សី ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី០៧ ខែកក្កដា ឆ្នាំ២០២១។

    អំណោយដែលបានចែកជូនរួមមាន៖ អង្ករ២៥គីឡូ, មី១កេស, ត្រីខ១០កំប៉ុង, ទឹកត្រី១យូរ, ទឹកស៊ីអីវ១យូរ, ប្រេងឆា១លីត្រ, អំបិល១គីឡូ, ទឹកសុទ្ធ១កេស, ម៉ាស់១ប្រអប់, អាកុល១ដប, ជេលលាង៣ដប, ភួយ២និងសំលៀកបំពាក់ច្រើនកំប្លេរ។

    ទន្ទឹមនោះ លោក ថាំង ប៊ុនសុង បាននាំថវិកា 100$ របស់  «ឯកឧត្តម សេង ស៊ីវុត្ថា ប្រធានសាលាឧទ្ធរណ៍ភ្នំពេញ និងលោកជំទាវ» និង ថវិកា 100$ ទៀត ព្រមទាំងអង្ក៥០គីឡូ, មី១កេស, ទឹកផ្លែឈើ១កេស , ពងទា២៥គ្រាប់ និងនំប៉័ង នំផ្អែម របស់ លោកស្រីមេធាវី តាំង ស៊ីនហុង ប្រធាន សមាគមខ្មែរអភិវឌ្ឍន៍ និង លោកជំទាវ ហោ ណាវីន ភរិយា ឯកឧត្តម ឧត្តមសេនីយ៍ទោ ងួន ពិសិដ្ឋ។

    សូមជម្រាបថា៖ លោក យាយ សុខ គិន អាយុ៨០ឆ្នាំ ពិការភ្នែក បច្ចុប្បន្នកំពុងចិញ្ចឹមចៅតូចៗ៥នាក់ដែលម្តាយស្លាប់ចោល និងឳពុកមានប្រពន្ធក្រោយរស់នៅឆ្ងាយពីគ្នា ហើយកាលពីម៉ោង៤ទាបភ្លឺថ្ងៃទី០៣ ខែកក្កដា ឆ្នាំ២០២១ លោកយាយដើររាវរហូតធ្លាក់រណ្តៅជម្រៅ៣ម៉ែត្រ បណ្តាលឲ្យឈឺគ្រាំគ្រា។

    ក្នុងឱកាសនោះ លោក ថាំង ប៊ុនសុង បានជម្រាបពីសកម្មភាពចម្បងៗ និង ទិសដៅសំខាន់របស់ សមាគមរាជសីហ៍ គឺចូលរួមចំណែកអភិវឌ្ឍន៍សង្គមជាតិយើងឲ្យកាន់តែរីកចម្រើនថែមទៀត ក្រោមការដឹកនាំដ៏ត្រឹមត្រូវរបស់ សម្តេចតេជោ ហ៊ុន សែន នាយករដ្ឋមន្ត្រីរ នៃព្រះរាជាណាចក្រកម្ពុជា។

    ក្រៅពីសំណេះសំណាល សាកសួរសុខទុក្ខ លោក ថាំង ប៊ុនសុង បានពាំនាំការនឹករលឹក និងការផ្តាំផ្ញើសួរសុខទុក្ខ  ពីសំណាក់ លោក ស៊ូម សារឿន ប្រធាន សមាគមរាជសី ជូន លោកយាយនិងចៅៗ ព្រមទាំង ណែនាំឲ្យពួកគាត់ ថែរក្សាសុខភាព អនាម័យ ចូលរួមប្រយុទ្ធប្រឆាំង ជំងឺកូវីដ១៩ និងសូមជូនពរឲ្យលោកយាយឆាប់ជាសះស្បើយ មានសុខភាពល្អឡើងវិញ និងប្រកបដោយព្រះពុទ្ធពរគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ