អភិបាលខេត្តបាត់ដំបង ចុះសួរសុខទុក្ខ កងកម្លាំងប្រដាប់អាវុធប្រចាំការនៅព្រំប្រទល់ បាត់ដំបង-បន្ទាយមានជ័យ-ប៉ៃលិន
![](https://blogger.googleusercontent.com/img/b/R29vZ2xl/AVvXsEjf4gBmulXix3Xexedcpl-27ipR6On4w-fbK5jh665ill0n056LnRaR9Br2eJXFBXC4_rpngTJnNPOsW_hl5vHrtGpUynx82ObJLaJsIXv-43zGrDnVhtWhNaOHf5SwKKe67Vwsdcs9ZXk/s0/59089B69-6869-49A8-850B-320DDDD.jpeg)
អភិបាលខេត្តបាត់ដំបង ចុះសួរសុខទុក្ខ កងកម្លាំងប្រដាប់អាវុធប្រចាំការនៅព្រំប្រទល់ បាត់ដំបង-បន្ទាយមានជ័យ-ប៉ៃលិន
ខេត្តបាត់ដំបង៖ នៅរសៀលថ្ងៃ១២រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃព្រហស្បតិ៍ ទី០៥ ខែសីហា ឆ្នាំ២០២១ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានដឹកនាំគណៈប្រតិភូ ដែលរួមមាន អភិបាលរងខេត្ត ប្រធានមន្ទីរអង្គភាពជុំវិញខេត្ត និងមន្រ្ដីរាជការសាលាខេត្ត អញ្ជើញចុះសួរសុខទុក្ខក្រុមការងារ និងកងកម្លាំងប្រដាប់អាវុធ ដែលយាមប្រចាំការនៅតំបន់ព្រំប្រទល់ខេត្តបាត់ដំបង-បន្ទាយមានជ័យ និងបាត់ដំបង-ប៉ៃលិន នៅពេលដែលខេត្តបាត់ដំបង កំពុងស្ថិតក្នុងសភាពការណ៍បិទខ្ទប់។
ឯកឧត្តម ងួន រតនៈ បានមានប្រសាសន៍ណែនាំដល់ក្រុមការងារ និងកងកម្លាំងប្រដាប់អាវុធទាំងអស់ ដែលនៅជាប់តំបន់ព្រំប្រទល់ខាងលើ ត្រូវធ្វើការតាមដាន និងអនុវត្តន៍ទៅតាមគោលការណ៍ដែលរដ្ឋបាលខេត្តបានចេញ ដើម្បីទប់ស្កាត់ការរាលដាលជំងឺកូវីដ-១៩ ហើយបើសិនជាមានអ្នកដែលចេញរោគសញ្ញាសង្ស័យ ឬដឹងអំពីប្រវត្តិអ្នកដំណើរមកពីតំបន់សង្ស័យណាមួយ សូមធ្វើតេស្ដយកសំណាក់ជាបន្ទាន់ ដោយមានក្រុមគ្រូពេទ្យប្រចាំការស្រេច រៀបចំ និងពាក់ខោអាវការពាររួចជាស្រេចផងដែរ ដោយការធ្វើបែបនេះចៀសវាងបើសិនអ្នកដំណើរចូលមក ហើយមានសញ្ញាវិជ្ជមាន ដែលបង្កជាហានិភ័យដល់ក្នុងសហគមន៍។
ក្នុងឱ្យនោះដែរ ឯកឧត្តម អភិបាលខេត្ត ក៏បានពិនិត្យមើលស្ថានការណ៍ និង ពិនិត្យការអនុវត្តរបស់កងកម្លាំងប្រដាប់អាវុធ ដែលរដ្ឋបាលខេត្តបានដាក់ចេញ ដើម្បីអនុវត្តន៍ ព្រមទាំងបាននាំយកអំណោយជា គ្រឿងឧបភោគបរិភោគមួយចំនួន ដែលជាអំណោយដ៏ថ្លៃថ្លារបស់សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងលោកជំទាវ ញ៉ែម សាខន សខេង ជូនដល់ក្រុមការងារ និងកងកម្លាំងដែលប្រចាំការនៅតាមតំបន់ព្រំប្រទល់ខេត្តទាំងនោះផងដែរ៕
![](https://blogger.googleusercontent.com/img/b/R29vZ2xl/AVvXsEi4HPO3Wl6bLZRjx3HFajXw99usl1JzZFTeLmV2NRRpk1S2AWbhmtIQ_cIilayiLT26FA7RHFKDowDp3zimM-OszDMdI2MKR-fezV5tNh2RmSOrB5EugSGb4IfVsdSDv2ZlecZg1MdMBg4/s0/C9A0AAA7-55B8-4358-B0AC-DD888F5.jpeg)
![](https://blogger.googleusercontent.com/img/b/R29vZ2xl/AVvXsEjgtBXYa4ekA8OW9O2vP0H2qcYYlysvajYbNunlhlwwJyUlsDzC_BU-pvey6VPLYUY0r0eloex0f8mwFF01HU8RtohbtdOM1D4YsewMNbiD-B0PcsrVHVlwWXytbyix28hITxzW2B25JvU/s0/D2446F6D-175A-4F42-A9BD-5A81956.jpeg)
No comments