ស្រុកអង្គស្នួល៖ ហាងកាហ្វេបង្កើតល្បែងស៊ីសង នៅស្រុកអង្គស្នួល កំពុងតែបើកទទួលអ្នកញៀនល្បែង យ៉ាងគឃ្លើន

ស្រុកអង្គស្នួល៖ ហាងកាហ្វេបង្កើតល្បែងស៊ីសង នៅស្រុកអង្គស្នួល កំពុងតែបើកទទួលអ្នកញៀនល្បែង យ៉ាងគឃ្លើន

ខេត្តកណ្ដាល៖ ហាងកាហ្វេមួយកន្លែងស្ថិតនៅភូមិខ្លាកូន ឃុំពើក ស្រុកអង្គស្នួល ខេត្តកណ្ដាល នៅតែបន្តប្រមែប្រមូលផ្ដុំជនញៀនល្បែង មកពពាក់ពពូនគ្នាលេងល្បែងភ្នាល់យ៉ាងគឃ្លើន ចំណែកអាជ្ញាធរមានសមត្ថកិច្ចមូលដ្ឋានបានត្រឹមតែចុះធ្វើកិច្ចសន្យា។

តាមប្រភពពីប្រជាពលរដ្ឋសុំមិនបញ្ចេញឈ្មោះ បានបង្ហើបប្រាប់ថា ទីតាំងហាងកាហ្វេមួយកន្លែងនេះ បានបង្កើតជាបនល្បែងយូរអង្វែងហើយ និងធ្លាប់បានសមត្ថកិច្ចហៅធ្វើកិច្ចសន្យា តែម្ចាស់ទីតាំងខាងលើនេះនៅតែគឃ្លើន មិនខ្លាចរអា បន្តិចសោះឡើយ។

ចំណែក លោក មាន សំណាង អធិការនគរបាលស្រុកអង្គស្នួល ខាងសារព័ត៌មានបានរាយការណ៍ជូន ២ទៅ៣ដង ពាក់ព័ន្ធទៅនិងករណីខាងលើ ប៉ុន្តែលោកបានត្រឹមតែឆ្លើយថា បាទបាទ បាទលោក គ្មានចំណាត់ការចំពោះទីតាំងបនល្បែងខុសច្បាប់ខាងលើ ។ ជាក់ស្តែងនៅថ្ងៃទី១៧ ខែសីហានេះ អង្គភាពសារព័ត៌មាន «កងមាស» បានរាយការណ៍ជូនលោក តាមខលទូរស័ព្ទសាជាថ្មីម្ដងទៀត ប៉ុន្តែគាត់បែរជាសួរដេញដោលសួររកកាដផ្ទាល់ខ្លួនរបស់អង្គភាពទៅវិញ និង ទាមទារឲ្យសារព័តមានយើងថតកាដផ្ទាល់ខ្លួនផ្ញើរទៅឲ្យលោក។ ចំពោះល្បែងស៊ីសងខុសច្បាប់វិញលោកមិនខ្វល់ខ្វាយជាមួយនោះទេ។

ប្រជាពលរដ្ឋជាច្រើនអស់សង្ឃឹមទៅលើលោក មាន សំណាង អធិការនគរបាលស្រុកអង្គស្នួល ទៀតហើយ (ក្រោមហេតុផល) ល្បែងស៊ីសងខុសច្បាប់នៅក្បែរកន្លែងដំណេករបស់គាត់បែរជាគាត់ប្រងើយកន្តើយទៅវិញ។

ដូច្នេះប្រជាពលរដ្ឋជាច្រើនសុំអំពាវនាវដល់លោក ឈឿន សុចិត្ត ស្នងការនគរបាលខេត្តកណ្តាល សូមមេត្តាចាត់កម្លាំងជំនាញចុះបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន៕