គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ទីតាំងបនល្បែងស៊ីសង នៅតែបន្តបើកដំណើរការបានយ៉ាងរលូន ដោយមានការអនុញ្ញាតពីលោក សាន ប៉ែត នាយប៉ុស្តិ៍សង្កាត់ចោមចៅ២

    ទីតាំងបនល្បែងស៊ីសង នៅតែបន្តបើកដំណើរការបានយ៉ាងរលូន ដោយមានការអនុញ្ញាតពីលោក សាន ប៉ែត នាយប៉ុស្តិ៍សង្កាត់ចោមចៅ២

    ភ្នំពេញ៖ ទីតាំងល្បែងស៊ីសងដុះស្លែខុសច្បាប់ «មាន់ជល់ហាយឡាយ» ស្ថិតនៅភូមិដំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ នៅបន្តប្រមូលផ្តុំគ្នាលេងល្បែងភ្នាល់បានដោយរលូន ដោយមានការចូលរួមសហការឯកភាព ជាមួយលោក សាន ប៉ែត នាយប៉ុស្តិ៍នគរបាលរដ្ឋបាលសង្កាត់ចោមចៅទី២ ។ នេះបើយោងតាមការអះអាងពីម្ចាស់ទីតាំង ដែលបានបញ្ជាក់ប្រាប់សារព័ត៌មាន នៅថ្ងៃទី១៧សីហានេះ។

    ម្ចាស់ទីតាំងបង្កើតបនល្បែងខាងលើបានបញ្ជាក់ថា៖ «មូលហេតុដែលខ្លួនបើកបនល្បែងស៊ីសងបានដោយរលូន ព្រោះមានការសហការ និងបង់លុយ ឲ្យទៅលោក សាន ប៉ែត នាយប៉ុស្តិ៍នគរបាលរដ្ឋបាលសង្កាត់ចោមចៅទី២»។

    ចំណែកឯលោក សាន ប៉ែត នាយប៉ុស្តិ៍នគរបាលសង្កាត់ចោមចៅ២ បានថ្លែងប្រាប់សារព័ត៌មានយើងថា៖ «លោកមិនបានយកលុយពីកន្លែងល្បែងស៊ីសង ដូចការចោទប្រកាន់ពីម្ចាស់ទីតាំងខាងលើនោះឡើយ»។ ការឆ្លើយបដិសេធរបស់លោក សាន ប៉ែត បានធ្វើឲ្យមហាជនជាច្រើនបានពោលពាក្យថា៖ «បើលោកនាយប៉ុស្តិ៍មិនសហការបើកដៃឲ្យម្ចាស់ទីតាំង ហេតុអ្វី..? ទីតាំងល្បែងស៊ីសងខាងលើនេះនៅតែបន្តបើកដំណើរការបានដោយរលូន ម្យ៉ាងវិញទៀតម្ចាស់ទីតាំងនោះហ៊ាននិយាយចំៗ ដោយមិនខ្លាចច្បាប់»។

    រីឯលោក ម៉ន វុធី អធិការនគរបាលខណ្ឌពោធិ៍សែនជ័យ បានថ្លែងប្រាប់សារព័ត៌មានថា លោកនឹងស៊ើបសួរករណីនេះ ហើយលោកនឹងធ្វើតាមច្បាប់វិន័យចំពោះមន្ត្រីនគរបាលណាប្រព្រឹត្តខុសច្បាប់។

    ពាក់ព័ន្ធករណីខាងលើនេះមហាជនជាច្រើនសុំសំណូមពរដល់ឯកឧត្តម ឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ និងលោក ម៉ន វុធី អធិការនគរបាលខណ្ឌពោធិ៍សែនជ័យ សូមមេត្តាបើកការស៊ើបអង្កេតលើករណីខាងលើនេះផងទាន ជៀសវាងម្ចាស់ទីតាំងល្បែងស៊ីសង និងលោក សាន ប៉ែត នាយប៉ុស្តិ៍នគរបាលចោមចៅ២ ធ្វើអ្វីៗតាមតែអំពើចិត្ត៕

    ជុំវិញទៅនិងការចុះផ្សាយខាងលើនេះអង្គភាពសារព័ត៌មានយើងនឹងរង់ចាំការបំភ្លឺបន្ថែមពីសមត្ថកិច្ចពាក់ព័ន្ធរៀងរាល់ម៉ោងធ្វើការ។

    ទំនាក់ទំនងការិយាល័យនិពន្ធ៖
    ☎️077906664
    ☎️077906664

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ