គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ក្រសួងប្រៃសណីយ៍ និងទូរគមនាគមន៍ ចាត់វិធានការលើក្រុមហ៊ុនទូរសព្ទចល័តចំនួន២ ដែលចែកចាយស៊ីមកាត ដោយមិនទទួលយកឯកសារសម្គាល់ របស់អ្នកប្រើប្រាស់

    ក្រសួងប្រៃសណីយ៍ និងទូរគមនាគមន៍ ចាត់វិធានការលើក្រុមហ៊ុនទូរសព្ទចល័តចំនួន២ ដែលចែកចាយស៊ីមកាត ដោយមិនទទួលយកឯកសារសម្គាល់ របស់អ្នកប្រើប្រាស់

    ភ្នំពេញ៖ នៅថ្ងៃទី១១ ខែសីហា ឆ្នាំ២០២១នេះ ក្រសួងប្រៃសណីយ៍ និងទូរគមនាគមន៍ បានចេញសេចក្តីប្រកាសព័ត៌មាន ស្តីពីចំណាត់ការលើប្រតិបត្តិករផ្តល់សេវាទូរសព្ទចល័ត ដែលលក់និងចែកចាយស៊ីមកាតដោយមិនទទួលយកឯកសារសម្គាល់អត្តសញ្ញាណរបស់អ្នកប្រើប្រាស់។

    ថ្មីៗនេះ ក្រសួងក៏បានរកឃើញជាក់ស្ដែងជាបន្តបន្ទាប់ថា ក្រុមហ៊ុនវៀតធេល (ខេមបូឌា) និងក្រុមហ៊ុនស្មាត អាស្យាតា (ខូ អិលធីឌី) បានធ្វើសកម្មភាពលក់ និងចែកចាយស៊ីមកាតនៅតាមទីតាំងមួយចំនួន ដោយពុំតម្រូវឲ្យមានឯកសារសម្គាល់អត្តសញ្ញាណរបស់អ្នកប្រើប្រាស់។

    ក្រសួងបានបន្តថា៖ សកម្មភាពនោះ បានបង្ហាញឲ្យឃើញពីការបន្តអនុវត្តផ្ទុយនឹងសារាចរអន្តរក្រសួង និងសេចក្ដីណែនាំរបស់ក្រសួងប្រៃសណីយ៍ និងនិយ័តករទូរគមនាគមន៍កម្ពុជា ។ ក្រសួងប្រៃសណីយ៍ បានបន្តថា ដើម្បីពង្រឹងសណ្ដាប់ធ្នាប់លើវិស័យទូរគមនាគមន៍ និងសន្តិសុខជាតិតាមរយៈការទប់ស្កាត់ការប្រើប្រាស់ស៊ីមកាតដែលមិនមានឯកសារសម្គាល់អត្តសញ្ញាណត្រឹមត្រូវ ក្រសួងចាត់វិធានាការលើប្រតិបត្តិករផ្ដល់សេវាទូរសព្ទចល័តទាំងពីរ ដោយតម្រូវឲ្យបញ្ឈប់ជាបន្ទាន់នូវការលក់ និងចែកចាយស៊ីមកាតដោយមិនយកឯកសារសម្គាល់អត្តសញ្ញាណអ្នកប្រើប្រាស់ តាមគ្រប់រូបភាព ឬមម្យោបាយ ចាប់ពីថ្ងៃជូនដំណឹងតទៅ។

    ជាមួយគ្នានោះ ក្រសួងបានព្រមានថា ក្នុងករណីជនទុច្ចរិតទិញស៊ីមកាតមិនមានឯកសារសម្គាល់អត្តសញ្ញាណពីក្រុមហ៊ុន ដើម្បីប្រព្រឹត្តអំពើខុសច្បាប់ ទោះបីក្រុមហ៊ុនមិនបានប្រព្រឹត្តក៏ដោយ នោះមានន័យថាក្រុមហ៊ុនបានចូលរួមចំណែកប្រព្រឹត្តអំពើខុសច្បាប់ ឬឃុបឃិតជាមួយជនទុច្ចរិតដោយប្រយោល។

    ក្រសួងប្រៃសណីយ៍ បានព្រមានទៀតថា ប្រសិនបើប្រតិបត្តិករផ្ដល់សេវាទូរសព្ទចល័តនៅតែមិនអនុវត្តតាមចំណាត់ការខាងលើនោះទេស ក្រសួងនឹង ព្យួរឬលុបអាជ្ញាបណ្ណប្រតិបត្តិការផ្ដល់សេវាទូរសព្ទចល័ត, បង្កករាល់ការស្នើសុំនានារបស់ប្រតិបត្តិករ, ចាត់វិធានការផ្សេងៗស្របតាមមាត្រា២៨នៃច្បាប់ស្ដីពីទូរគមនាគមន៍ និងរាល់បុគ្គលពាក់ពន្ធ័នឹងករណីខាងលើនោះ នឹងត្រូវប្រឈមចំពោះមុខច្បាប់ព្រហ្មទណ្ឌ។

    សូមជម្រាបថា កន្លងមក ការប្រើស៊ីមកាតគ្មានឯកសារបញ្ជាក់ត្រឹមត្រូវ បាននាំឲ្យជនខិលខូចអាចប្រើប្រាស់ប្រពន្ធ័ទូរសព្ទ័ដើម្បីបោកប្រាស់, ចាប់ជំរិត និងអំពើទុច្ចរិតមួយចំនួនផងដែរ៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ