បាក់ប្លង់សេសំណង់ដែរកំពុងសាងសង់ បង្ក​ឲ្យ​ភ្ញាក់ផ្អើលទាំងព្រឹក ដល់អាជ្ញាធរនិងសមត្ថកិច្ច​

បាក់ប្លង់សេសំណង់ដែរកំពុងសាងសង់ បង្ក​ឲ្យ​ភ្ញាក់ផ្អើលទាំងព្រឹក ដល់អាជ្ញាធរនិងសមត្ថកិច្ច​

បន្ទាយ​មានជ័យ​៖ នៅថ្ងៃទី០៧ ខែសីហា ឆ្នាំ២០២១​ព្រឹកមិញនេះ មានករណីបាក់ប្លង់សេ​មួយកន្លែង​ស្ថិតនៅភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ តាមបណ្ដោយផ្លូវជាតិលេខ៥ និង​មានមនុស្សចំនួន ៣នាក់របូស ត្រូវ​បាន​បញ្ជូនទៅមន្ទីរពេទ្យ​ដើម្បី​សង្រ្គោះ​បន្ទាន់​។​ 

តាម​ប្រភព​ពី​រដ្ឋបាលក្រុងប៉ោយប៉ែតបានបញ្ជាក់ប្រាប់សារព័ត៌មានថា៖ កំពុងរៀបចំឯកសារបិទជាបណ្តោះអាសន្នចំពោះការសាងសង់មួយនេះ​។​

បើ​តាម​ការ​បញ្ជាក់​ពី លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានថ្លែងប្រាប់សារព័ត៌មានថា៖ ម្ចាស់អគារមានឈ្មោះ យឹម គឹមអៀង អាយុ ៤០ឆ្នាំ ភេទ ប្រុស ជនជាតិខ្មែរ រស់នៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តន្ទាយមានជ័យ មុខរបរលក់ខុនដូរ អគារកំពុងសាងសង់ដែលមាន ទទឹង​១២ម៉ែត្រ បណ្តោយ ១៦ម៉ែត្រ។​

តាម​ប្រភព​ព័ត៌មាន​បានឲ្យដឹងថា៖ នៅពេលកំពុងសាងសង់ស្រាប់តែប្លង់សេកំពុងសាងសង់ចាក់ជាន់ទី១​បាក់ធ្លាក់មកក្រោមទាំងផ្ទាំង​ៗ បណ្តាលឲ្យមានគ្រោះថ្នាក់ដល់មនុស្សម្នាក់ឈ្មោះ នី ស្រីនិច អាយុ ១៩ឆ្នាំ ភេទស្រី​ជនជាតិខ្មែរ ជាកម្មករសំណង់ រស់នៅភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ របួសបាក់ជើងខាងស្តាំ ត្រូវបានបញ្ជូនទៅសង្គ្រោះបន្ទាន់នៅគ្លីនិកអគារថ្មី។

បើ​តាម​ប្រភព​ព័ត៌មាន​ពី​សមត្ថកិច្ច​បាន​ឲ្យដឹងថា៖មូលហេតុដែរបង្កឲ្យបាក់អគារខាងលើនេះ ដោយសារ​តែ​ការសាងសង់ខុសបច្ចេកទេស៕