មន្ត្រីយោធាម្នាក់ រួមនិងបក្សពួកជាច្រើននាក់ បានល្មើសនិងបម្រាមរាជរដ្ឋាភិបាល ប្រមូលផ្តុំគ្នាលេងល្បែង ថែមទាំងព្រួតគ្នាវាយអ្នកសារព័ត៌មាន

មន្ត្រីយោធាម្នាក់ រួមនិងបក្សពួកជាច្រើននាក់ បានល្មើសនិងបម្រាមរាជរដ្ឋាភិបាល ប្រមូលផ្តុំគ្នាលេងល្បែង ថែមទាំងព្រួតគ្នាវាយអ្នកសារព័ត៌មាន

ខេត្តព្រៃវែង៖ មន្ត្រីយោធាម្នាក់ដែរជាម្ចាស់ទីតាំងសង្វៀន «ជល់មាន់ និង អាប៉ោង» អាងខ្លួនជាទាហាន ប្រមូលផ្ដុំបក្សពួក ល្មើសបំរាមរាជរដ្ឋាភិបាល និងក្រសួងសុខាភិបាល បង្កើតល្បែងស៊ីសងខុសច្បាប់ក្នុងមូលដ្ឋាន ថែមទាំងវ៉ៃអ្នកសារព័ត៌មានទៀតផង។

តាមប្រភពព័ត៌មានបានឲ្យដឹងថា៖ យោធាអត់គោរពវិន័យម្នាក់ដែលល្មើសបម្រាមរាជរដ្ឋាភិបាលមានឈ្មោះ រិន ជាអ្នកបង្កើតល្បែងស៊ីសង និងបង្កើតបក្សពួកបងតូចបងធំ ដើម្បីទុកវ៉ៃអ្នកសារព័ត៌មាន។

ជាក់ស្តែងនៅថ្ងៃទី០៧ ខែសីហា ឆ្នាំ២០២១នេះ ក្រុមអ្នកសារព័ត៌មាន មានលោក ផាត់ ហ៊ន និងអ្នកផ្សេងទៀត ចុះយកផ្តិតរូបភាពជាក់ស្តែង ត្រូវក្រុមអ្នកញៀនល្បែងបញ្ជល់មាន់និងអាប៉ោង ដេញវាយរត់បាតជើងស ព្រាត ដែលស្ថិតនៅភូមិព្រែកគុយ ឃុំគោខ្ចក ស្រុកកំពង់ត្របែក ខេត្តព្រៃវែង។

ពាក់ព័ន្វករណីនេះលោក សួន សំអឿន អធិការនគរបាលស្រុកកំពង់ត្របែក នៃស្នងការនគរបាលខេត្តព្រៃវែងបានឲ្យដឹងថា៖ ពិតជាមានលេងមែន តែទើបបាន១គូរ២គូតែប៉ុន្នោះ តែត្រូវសារព័ត៌មានទៅដល់ ហើយកើតជាជម្លោះតែម្តងទៅ ហើយជម្លោះនេះត្រូវបានបញ្ចប់គ្នាអស់ហើយ។

ហើយមហាជននិងអ្នកសារព័ត៌មានក្នុងស្រុករងចាំមើលថា៖ តើអាជ្ញាធរនឹងមន្ត្រីពាក់ព័ន្វនៅ ស្រុកកំពង់ត្របែក និងខេត្តព្រៃវែង មានវិធានការបែបណា ទៅលើម្ចាស់ «សង្វៀនជល់មាន់និងអាប៉ោង» ដែលហ៊ានបើកលេង ប្រឆាំងរាជរដ្ឋាភិបាលនិងក្រសួងសុខាភិបាល ដែលជាអំពើល្មើសច្បាប់មិនអាចលើកលែងអោយបាន។

ជុំវិញករណីខាងលើនេះតើលោក ជា សុមេធី អភិបាលខេត្តព្រៃវែង និងលោក ព្រំ សន្ធរ ស្នងការនគរបាលខេត្តព្រៃវែង មានចំណាត់ការ បែបណាទៅលើក្រុមជនដៃដល់និងម្ចាស់សង្វៀនជល់មាន់និងអាប៉ោងដែលហ៊ានបើកលេងល្មើសបំរាមរបស់រដ្ឋាភិបាលនិងក្រសួងសុខាភិបាល៕

សូមចូលរួមទប់ស្កាត់រាល់ការឆ្លងរីករាលដាលនៃជំងឺកូវីដ១៩ ដោយប្រកាន់ខ្ជាប់នូវវិធានការ «៣កុំ និង ៣ការពារ»។