ឈ្មោះ មុត តុង ត្រូវបានសមត្ថកិច្ចស្រុកកៀនស្វាយ ឃាត់ខ្លួនកាលពីថ្ងៃទី០៨ ខែសីហាម្សិលមិញ....

ឈ្មោះ មុត តុង ត្រូវបានសមត្ថកិច្ចស្រុកកៀនស្វាយ ឃាត់ខ្លួនកាលពីថ្ងៃទី០៨ ខែសីហាម្សិលមិញ....

ខេត្តកណ្តាល៖ នាថ្ងៃទី០៨ ខែសីហា ឆ្នាំ២០២១ លោក ព្រុំ សំណាង អធិការនគរបាលស្រុកកៀនស្វាយ បានបញ្ជាអោយកម្លាំងអន្តរាគមន៍ កម្លាំងផ្នែកនគរបាលព្រហ្មទណ្ឌ សហការណ៍ជាមួយកម្លាំងនគរបាលប៉ុស្តិ៍ឈើទាល ចុះធ្វើការបង្ក្រាបនិងឃាត់ខ្លួនបានអ្នកបាញ់អាប៉ោងម្នាក់ឈ្មោះ មុត តុង ភេទប្រុស អាយុ ៥៥ឆ្នាំ ជនជាតិខ្មែរ មុខរបររត់ម៉ូតូឌុប មានទីលំនៅភូមិព្រែកស្វាយ ឃុំឈើទាល ស្រុកកៀនស្វាយ ខេត្តកណ្តាល ចំណែកអ្នកលេងល្បែងផ្សេង ទៀតរត់គេចខ្លួនបាត់ស្រមោល។

ចំពោះអ្នកបាញ់អាប៉ោងឈ្មោះ មុត តុង រួមជាមួយវត្ថុតាង ត្រូវបានបញ្ចូនមកកាន់អធិការដ្ឋាននគរបាលស្រុក ដើម្បីស្រាវជ្រាវរកមុខសញ្ញាប្រព្រឹត្តល្បែងសុីសងខាងលើនឹងបន្តនីតិវិធី។

ចុងក្រោយលោក ព្រុំ សំណាង សូមអំពាវនាវ ដល់ប្រជាពលរដ្ឋក្នុងស្រុកកៀនស្វាយសូមជួយផ្ដល់ពត៍មានគ្រប់គោលដៅដែលមានល្បែងសុីសងគ្រប់ប្រភេទ ដើម្បីធ្វើការចុះបង្ក្រាប អោយខានតែបាន ដើម្បីអោយភូមិឃុំមានសុវត្តិភាព នឹងគោរពតាមក្រសួងសុខាភិបាល រក្សាគម្លាត មិនអោយមានការជួបជុំប្រមូលផ្ដុំ ខ្លាចកើតមានជំងឺកូវីដ១៩ នឹង មេរោគថ្មី ដែលតា សូមពុកម៉ែ បងប្អូនទាំងអស់រក្សានូវវិធានការ «៣កុំ និង ៣ការពារ» ដែលជាអនុសាសន៍របស់ប្រមុខរាជរដ្ឋាភិបាលកម្ពុជា៕