ខណ្ឌពោធិ៍សែនជ័យ៖ ទីតាំងល្បែងស៊ីសងមួយកន្លែង កំពុងតែបើកដំណើរការយ៉ាងរលូន ខណៈអាជ្ញាធរមានសមត្ថកិច្ចមើលមិនឃើញ

ខណ្ឌពោធិ៍សែនជ័យ៖ ទីតាំងល្បែងស៊ីសងមួយកន្លែង កំពុងតែបើកដំណើរការយ៉ាងរលូន ខណៈអាជ្ញាធរមានសមត្ថកិច្ចមើលមិនឃើញ

ភ្នំពេញ៖ ទីតាំងល្បែងស៊ីសងដុះស្លែ «មាន់ជល់ ហាយឡាយ» មួយកន្លែងស្ថិតនៅចំណុចផ្សារបូរីសន្តិភាព២ សង្កាត់ចោមចៅ២ ខណ្ឌពេាធិសែនជ័យ កំពុងតែបើកដំណើរការយ៉ាងរលូន ខណៈអាជ្ញាធរនិងសមត្ថកិច្ចមូលដ្ឋាន មើលមិនឃើញ។

ពាក់ព័ន្ធទៅនឹងករណីល្បែងស៊ីសងខាងលើនេះ ខាងសារព័ត៌មានបានរាយការណ៍ប្រាប់លោក សាន ប៉ែត នាយប៉ុស្តិ៍នគរបាលរដ្ឋបាលសង្កាត់ចោមចៅ២ ឲ្យជ្រាបជាព័ត៌មានរួចហើយ ប៉ុន្តែលោកបានឆ្លើយថារវល់។

ចំណែកលោក ម៉ន វុធី អធិការនគរបាលខណ្ឌពោធិ៍សែនជ័យ បានប្រាប់សារព័ត៌មានថាលោកនឹងមានចំណាត់ការចំពោះទីតាំងល្បែងស៊ីសងខាងលើ។

ជុំវិញករណីខាងលើនេះប្រជាពលរដ្ឋជាច្រើន កំពុងតែរង់ចាំមើលចំណាត់ការរបស់លោក ម៉ន វុធី អធិការនគរបាលខណ្ឌពោធិ៍សែនជ័យ ចាត់វិធានការក្តៅចំពោះទីតាំងល្បែងស៊ីសងខុសច្បាប់ខាងលើនេះ៕

សូមចូលរួមទប់ស្កាត់រាល់ការឆ្លងរីករាលដាលនៃជំងឺកូវីដ១៩ ដោយប្រកាន់ខ្ជាប់នូវវិធានការ «៣កុំ និង ៣ការពារ»។