ខណ្ឌដង្កោ៖ ជនសង្ស័យមួយក្រុម បានធ្វើសកម្មភាព គំរាមកាប់ ប្លន់ បានសម្រេច នៅបណ្តោយផ្លូវ៥០ម៉ែត្រ

ខណ្ឌដង្កោ៖ ជនសង្ស័យមួយក្រុម បានធ្វើសកម្មភាព គំរាមកាប់ ប្លន់ បានសម្រេច នៅបណ្តោយផ្លូវ៥០ម៉ែត្រ

ភ្នំពេញ៖ កាលពីវេលាម៉ោង៩យប់ថ្ងៃទី០៧ ខែកញ្ញាឆ្នាំ១០២១ មានជនសង្ស័យមួយក្រុមជិះម៉ូតូពីរ គ្រឿងបានធ្វើសកម្មភាពដេញធ្លាក់ផ្តួលម៉ូតូមួយគ្រឿងជិះដោយយុវជនម្នាក់ រួចដកដាវគំរាមកាប់ ហើយប្លន់យកម៉ូតូ បានសម្រេច នៅចំណុចមុខបុរី ឡុង នី តាមបណ្ដោយផ្លូវ៥០ ម៉ែត្រ ក្បែរវត្តឫស្សីសាញ់ ក្នុងសង្កាត់ព្រៃស ខណ្ឌដង្កោ រាជធានីភ្នំពេញ។

ជនរងគ្រោះមានឈ្មោះ ពៅ វុត្ថា ភេទប្រុស អាយុ២១ឆ្នាំ ស្នាក់នៅភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ ជិះម៉ូតូមួយគ្រឿងម៉ាកឌ្រីមសង់ ស៊េរីឆ្នាំ២០២១ ពណ៌ខ្មៅពាក់ស្លាកលេខភ្នំពេញ1IR-0035 (ម៉ូតូបង់រំលួស)។

តាមការរៀបរាប់ជនរងគ្រោះបានប្រាប់ឲ្យដឹងថាមុនកើតហេតុរូបគេជិះម៉ូតូមួយគ្រឿងចេញពីកន្លែងធ្វើការមួយកន្លែង គោលបំណងប្រឡប់ទៅផ្ទះ ដោយធ្វើដំណើរតាមបណ្តោយផ្លូវ៥០ម៉ែត្រ ទិសដៅពីជើងទៅត្បូង លុះមកដល់ចំណុចកើតហេតុខាងលើ ស្រាប់តែលេចមុខជនសង្ស័យចំនួន៤នាក់ជិះម៉ូតូឌ្រីមសង់ចំនួនពីរ គ្រឿងមិនចាំស្លាកលេខ បានធ្វើសកម្មភាពដេញមកពីក្រោយហើយបានធាក់ទៅលើរូបគេបណ្ដាលឲ្យដួលម៉ូតូទៅនិងថ្នល់ រងរបួសយ៉ាងដំណំ។

ប្រភពដដែរបានបន្តទៀតថា ភ្លាមនោះរូបគេក៏បានងើបឡើងប្រតាយប្រតប់ជាមួយជនសង្ស័យដែរ តែបក្ខពួកជនសង្ស័យបានដកដាវមកគំរាមកាប់ទៅលើរូបគេទៀត ធ្វើអោយរូបគេភិតភ័យស្លន់ស្លោ រត់យករួចខ្លួនសិន ហើយស្រែករកអ្នកជួយ តែទីកន្លែងកើតហេតុនោះស្ងាត់ពេក ធ្វើឲ្យជនសង្ស័យមានឱកាសលើកយកម៉ូតូជិះគេចខ្លួនបាត់ដោយសុវត្ថិភាព។

ក្រោយកើតហេតុភ្លាមៗរូបគេក៏បានទំនាក់ទំនងទៅក្រុមគ្រួសារប្រាប់ថាមានគេប្លន់ម៉ូតូយកទៅបាត់ហើយ ទើបបង្កឲ្យមានការភ្ញាក់ផ្អើលដល់បងប្អូនជាពលរដ្ឋនិងអ្នកសារព័ត៌មានជាច្រើនស្ថាប័នចុះទៅធ្វើការឡាយផ្ទាល់ភ្លាមៗនិងមានកម្លាំងសមត្ថកិច្ចមូលដ្ឋានចុះទៅដល់បាននាំជនរងគ្រោះមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រៃស ដើម្បីឲ្យសមត្ថកិច្ចធ្វើការស្រាវជ្រាវស្វែងរកចាប់ខ្លួនជនសង្ស័យយកមកផ្តន្ទាទោសទៅតាមផ្លូវច្បាប់៕