រដ្ឋមន្ត្រីក្រសួងកសិកម្ម ឆ្លើយតបរឿងមន្ត្រីចុះចាប់ហាមឃាត់ពលរដ្ឋមិនឲ្យកាប់ពពែ!
រដ្ឋមន្ត្រីក្រសួងកសិកម្ម ឆ្លើយតបរឿងមន្ត្រីចុះចាប់ហាមឃាត់ពលរដ្ឋមិនឲ្យកាប់ពពែ!
កណ្តាល៖ ក្រោយពីសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា មានប្រតិកម្មនៅព្រឹកថ្ងៃទី១៨ ខែកញ្ញា ឆ្នាំ២០២១ រឿងមន្ត្រីថ្នាក់ក្រោម ចុះចាប់ហាមឃាត់ប្រជាពលរដ្ឋ មិនអោយសម្លាប់ពពែ យកសាច់នោះ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឆ្លើយតបតាមរយៈការខមិន យ៉ាងដូច្នេះថា «ការចិញ្ចឹមសត្វ និងការសម្លាប់សត្វក្នុងគោលបំណង ដើម្បីផ្គត់ផ្គង់ជីវភាពក្នុងគ្រួសារ គឺពុំមានទោសទណ្ឌ និងមានចែងនៅក្នុងច្បាប់ស្តីពីសុខភាពសត្វ និងផលិតកម្មសត្វ នោះទេ ហើយក៏គ្មានជាប់ពាក់ព័ន្ធទៅការប្រព្រឹត្តបទល្មើសអ្វីដែរ លើកលែងតែការសម្លាប់សត្វក្នុងគោលបំណងធ្វើអាជីកម្មតែប៉ុណ្ណោះ»។
ឯកឧត្តម វេង សាខុន បានគោរពជម្រាបជូនសម្តេចតេជោ ទៀតថា ដោយឡែក ទាក់ទងទៅនឹងបញ្ហាខាងលើ សង្ឃឹមថា អាជ្ញាធរមូលដ្ឋាន ខេត្តកណ្តាល ដែលបានធ្វើការកិច្ចការនេះផ្ទាល់ នឹងផ្តល់ជូនរបាយការណ៍លម្អិត ជូនសម្តេចតេជោ ឲ្យបានជ្រាបដ៏ខ្ពង់ខ្ពស់បន្ថែម ។ សូមជម្រាបឡើងវិញថា សម្តេចតេជោ ហ៊ុន សែន បានចោទជាសំនួរថា តើមន្ត្រីយើងធ្វើដល់ថ្នាក់នេះជាមួយប្រជាជនមែនទេ ? រដ្ឋមន្ត្រីក្រសួងកសិកម្មនិងអភិបាលខេត្តដឹងរឿងនេះឬទេ ? តើរាជរដ្ឋាភិបាលមានដែលហាមឃាត់ប្រជាជនមិនអោយសម្លាប់ពពែយកសាច់ជាអាហារពីពេលណាមក ទើបបានជាមន្ត្រីយើងធ្វើមកលើប្រជាជនបែបនេះ ?។
សម្តេចតេជោ ហ៊ុន សែន បន្តថា យើងលើកទឹកចិត្តអោយប្រជាជនចិញ្ចឹមសត្វ មិនមែនទុកសម្រាប់ទុកតាំងពិពរណ៍ទេ គឺសម្រាប់ជាចំណីអាហារ ។ ហេតុអីបានប្រជាជនចិញ្ចឹមសត្វ គ្មានសិទ្ធិសម្លាប់សត្វយកសាច់ទទួលទាន ហើយតម្រូវឲ្យសុំច្បាប់ ។ បើមានក្នុងច្បាប់ គឺត្រូវធ្វើវិសោធនកម្មច្បាប់ ។យ៉ាងណាសម្តេចតេជោ ហ៊ុន សែន មិនដឹងថា រូបភាពក្នុងវីដេអូឃ្លីបមួយនេះ កើតនៅក្នុងខេត្តណាទេ ។ ប៉ុន្តែ សុំរដ្ឋមន្ត្រីក្រសួងកសិកម្ម និងអភិបាលខេត្ត ស្រាវជ្រាវហើយចូលមកបំភ្លឺអោយខ្ញុំតាមហ្វេសបុកនេះ ដើម្បីអោយប្រជាជនបានដឹងជាទូទៅ ។សម្តេចតេជោ ហ៊ុន សែន មានការហួសចិត្ត និងអាណិតប្រជាជនជាទីគោរពស្រលាញ់របស់សម្តេច៕
About កងមាស
No comments