បិទទីតាំងល្បែងស៊ីសង និងក្លឹបបាល់ទះ ដោយមិនអនុញ្ញាតឲ្យមានការលេងល្បែងស៊ីសង គ្រប់ប្រភេទ នៅខណ្ឌដូនពេញ

បិទទីតាំងល្បែងស៊ីសង និងក្លឹបបាល់ទះ ដោយមិនអនុញ្ញាតឲ្យមានការលេងល្បែងស៊ីសង គ្រប់ប្រភេទ នៅខណ្ឌដូនពេញ

ភ្នំពេញ៖ នៅព្រឹកថ្ងៃទី១១ ខែតុលា ឆ្នាំ២០២១ វេលាម៉ោង ៩និង០០នាទី ក្រោយពីទទួលបានពត៍មានថានៅទីតាំងតារាងបាល់ក្រោយអគ្គិសនី អាគាលេខ៥ ភូមិ​៥សង្កាត់វត្តភ្នំ ខណ្ឌដូនពេញ មានលេងល្បែង​ មាន់ជល់និងអាប៉ោង នោះ កម្លាំងខណ្ឌប៉ុស្តិ៍​ និងកម្លាំងគណៈបញ្ជាការឯកខណ្ឌ ដឹកនាំដោយលោក សុខ​ ពេញ​វុធ អភិបាលនៃគណៈអភិបាលខណ្ឌដូនពេញ និងលោក​ទៀង ចន្ទ័សារ​ បានដឹកនាំកំលាំងចុះបង្ក្រាបទីតាំងនោះ ប៉ុន្តែ​ពុំឃើញមានការលេង និង​ សំភារៈសំរាប់លេងនៅទីតាំងនោះទេ។​

ប្រជាពលរដ្ឋបានដាក់ការសង្ស័យថា៖ ប្រហែលជាម្ចាស់ទីតាំងដឹងខ្លួនមុន ទើបរើឥវ៉ាន់រត់គេចខ្លួនបាត់ស្រមោល។ 

ដោយយោងតាមកំណត់ហេតុ របស់ រដ្ឋបាលខណ្ឌដូនពេញ បានបញ្ជាក់ថា៖ ទីតាំងល្បែងស៊ីសងខុសច្បាប់ខាងលើ និងត្រូវ បិទទាំងស្រុង ដោយមិនអនុញ្ញាតឲ្យមានការលេងស៊ីសង គ្រប់ប្រភេទ។

ប្រជាពលរដ្ឋ ជាច្រើន បានសម្តែងក្តីរីករាយ សាទរចំពោះចំណាត់ការរបស់អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន និងសង្ឃឹមយ៉ាងមុតមាំថា ទីតាំងល្បែងស៊ីសងខុសច្បាប់ខាងលើនេះ នឹងមិនមានវត្តមាន ជាថ្មី ទៀតឡើយ៕