ត្រីគល់រាំង គឺជាមច្ឆជាតិ និមិត្តរូប នៃព្រះរាជាណាចក្រកម្ពុជា!
ត្រីគល់រាំង គឺជាមច្ឆជាតិ និមិត្តរូប នៃព្រះរាជាណាចក្រកម្ពុជា!
ភ្នំពេញ៖ ត្រីគល់រាំង មានឈ្មោះផ្សេងទៀតជាត្រីកាហោ ឬត្រីក្បាលឡាន គឺជាប្រភេទត្រីដែលកម្រ ហើយបច្ចុប្បន្ន ប្រភេទត្រីនេះកំពុងប្រឈមនឹងការផុតពូជដោយសារតែការនេសាទខុសច្បាប់។ នេះបើយោងតាមគណនីហ្វេសប៊ុករបស់ឯកឧត្តម នេត្រ ភក្ត្រា អ្នកនាំពាក្យនិងជារដ្ឋលេខាធិការក្រសួងបរិស្ថាន ដែលបណ្ដាញព័ត៌មានយើង ទើបទទួលបាននៅថ្ងៃទី២០ ខែតុលា ឆ្នាំ២០២១មុននេះបន្តិច។
ឯកឧត្តមរដ្ឋលេខាធិការបានលើកឡើងទៀតថា ត្រីគល់រាំងជាប្រភេទត្រីទឹកសាបធំជាងគេនៅកម្ពុជាដែលអាចមានទម្ងន់ពី១៥០ ទៅ៣០០គីឡូក្រាម និងមានប្រវែងដងខ្លួនពី២ ទៅ ៣ ម៉ែត្រ។
ជាមួយគ្នានោះ ឯកឧត្ដម នេត្រ ភក្ត្រា បានថ្លែងបញ្ជាក់ឲ្យដឹងទៀតថា ត្រីគល់រាំងជាប្រភេទត្រីស្លូតដែលពុំដេញចាប់ត្រីផ្សេងទៀតជាអាហារឡើយ។
ត្រីគល់រាំង ត្រូវបានចាត់ទុកជាមច្ឆជាតិនិមិត្តរូបនៃព្រះរាជាណាចក្រកម្ពុជា ដោយព្រះរាជក្រឹត្យលេខ នស/រកត/០៣០៥/១៤៩ ចុះថ្ងៃទី២១ ខែមីនា ឆ្នាំ២០០៥៕
No comments