រដ្ឋបាលខណ្ឌដូនពេញ ចាត់កម្លាំងបញ្ជាការឯកភាព ចុះត្រួតពិនិត្យទីតាំងចំនួន០៤ និងដកហូតវត្ថុតាងមួយចំនួន

រដ្ឋបាលខណ្ឌដូនពេញ ចាត់កម្លាំងបញ្ជាការឯកភាព ចុះត្រួតពិនិត្យទីតាំងចំនួន០៤ និងដកហូតវត្ថុតាងមួយចំនួន

ផ្សាយនៅថ្ងៃទី១៤ ខែវិច្ឆិកា ឆ្នាំ២០២១ វេលាម៉ោង០៩:២៨នាទី

ភ្នំពេញ៖ កាលពីវេលាម៉ោង១៦:០០នាទីថ្ងៃទី១៣ ខែវិច្ឆិកា ឆ្នាំ២០២១ ម្សិលមិញនេះ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់លោក ចាប ឌីណា នាយករដ្ឋបាលខណ្ឌដូនពេញចុះដឹកនាំកម្លាំងគណៈបញ្ជាការឯកភាពខណ្ឌត្រួតពិនិត្យទីតាំងចំនួន០៤ ដែលសង្ស័យប្រព្រឹត្តល្បែងសុីសងខុសច្បាប់តាមសេចក្តីរាយការណ៍ពីប្រជាពលរដ្ឋ។

ពេលចុះដល់ទីតាំងជាក់ស្តែងពិនិត្យឃើញថា មានអាជីវកម្មចំនួន ៣ទីតាំង បម្រុងនឹងបេីកនិងទីតាំងចំនួន០១​ បិទទ្វា។

ជាលទ្ធផលក្រុមការងារបានធ្វើកំណត់ហេតុបិទទីតាំងដែលបម្រុងបើកលេងល្បែងស៊ីសងខុសច្បាប់​ ដែលទីតាំងទី១​ ស្ថិតនៅផ្ទះលេខ៥៣​,៥៤​ សង្កាត់ស្រះចកខណ្ឌដូនពេញ ដោយក្រុមការងារបានដកហូតកុំព្យូទ័រ​២៧គ្រឿង​ និងម៉ូនីត័រចំនួន២៧​ ទូរទស្សន៍​មួយចំនួន​។ ទីតាំងទី២​ អប់រំណែនាំ (ព្រោះមិនមានសកម្មភាព)​ ទីតាំងទី៣​ បិទទ្វា​ និងទីតាំងទី៤​ ស្ថិតនៅផ្លូវលេខ​ ៨៦​ សង្កាត់ស្រះចក​ ដកហូតបានទូរទស្សន៍​ ០១​ និងកុំព្យូទ័រចំនួន១១​ គ្រឿង​ កៅអីចំនួន១៣​ យកមករក្សាទុកនៅរដ្ឋបាលខណ្ឌដូនពេញ។

បងប្អូនប្រជាពលរដ្ឋជាច្រើនបានសម្តែងនូវក្តីរីករាយសាទរចំពោះចំណាត់ការរបស់លោក សុខ ពេញវុធ អភិបាល នៃគណៈអភិបាលខណ្ឌដូនពេញ ចំពោះកិច្ចប្រតិបត្តិការបង្ក្រាបទប់ស្កាត់រាល់អំពើល្មើសច្បាប់ទាំងឡាយណាដែរមាននៅក្នុងមូលដ្ឋាន៕