នារីក្លាហាន ២នាក់ ជិះម៉ូតូដេញប្រមាញ់ ក្រុមចោរឆក់ ក្រោយពីធ្វើសកម្មភាពឆក់ទូរស័ព្ទរបស់ខ្លួន
នារីក្លាហាន ២នាក់ ជិះម៉ូតូដេញប្រមាញ់ ក្រុមចោរឆក់ ក្រោយពីធ្វើសកម្មភាពឆក់ទូរស័ព្ទរបស់ខ្លួន
ផ្សាយនៅថ្ងៃទី០៤ ខែវិច្ឆិកា ឆ្នាំ២០២១ វេលាម៉ោង១០និង៤៩នាទីភ្នំពេញ៖ នារីក្លាហានពីរនាក់បើកម៉ូតូដេញតាមចាប់ក្រុមចោរឆក់រហូតធ្វើឲ្យក្រុមចោរភ័យស្លន់ស្លោដួលម៉ូតូរត់ប្រាស់ក្រញ៉ាំអស់បន្ទាប់ពីឆក់ទូរស័ព្ទដៃរបស់នាងហើយព្យាយាមបើកគេចខ្លួន។
ហេតុការណ៍នោះដែលបានកើតឡើងកាលពីរាត្រីថ្ងៃទី៤ ខែវិច្ឆិកា ឆ្នាំ២០២១ នៅចំណុចក្បែររង្វង់មូលគួចកាណុងក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
បើតាមការឲ្យដឹងពីនារីរងគ្រោះពីរនាក់នោះបានបំភ្លឺប្រាប់សមត្ថកិច្ចថា ពួកគេមានទីលំនៅនៅម្ដងសង្កាត់ព្រែកលាប ហើយបានទៅហូបស៊ុបនៅម្ដុំខាងជើងវត្តភ្នំ លុះពេលហូបស៊ុបរួចហើយពួកគេទាំងពីរនាក់ជិះម៉ូតូឌុបគ្នាឆ្ពោះទៅផ្ទះវិញដោយធ្វើដំណើរតាមផ្លូវលេខ៤៧ពីត្បូងមកជើង ខណៈពេលដែលកំពុងតែជិះម៉ូតូនោះនារីម្នាក់បានលើកទូរស័ព្ទតេទៅម្ដាយ គាប់ជួនពេលនោះក៏មានជនសង្ស័យ២នាក់ជិះម៉ូតូតាមមកពីក្រោយក៏ធ្វើសកម្មភាពឆក់យកទូរស័ព្ទដៃម៉ាក iphone 8 plus មួយគ្រឿងរបស់នាងក៏បើកម៉ូតូដេញតាមប្រផាប់ប្រភីងព្រមទាំងស្រែកឆោឡោថា ចោរផងនោះលុះមកដល់ចំណុចកើតហេតុជនសង្ស័យទាំងពីរនាក់ក៏ភ័យស្លន់ស្លោដួលម៉ូតូហើយរត់ប្រាស់ក្រញ៉ាំអស់ចោលម៉ូតូមួយគ្រឿងនៅចំណុចកើតហេតុតែម្ដង។
បន្ទាប់ពីកើតហេតុរួចមកសមត្ថកិច្ចមូលដ្ឋានប៉ុស្តិ៍ស្រះចកក៏បានចុះមកដល់កន្លែងកើតហេតុដកយកម៉ូតូរបស់ជនសង្ស័យម៉ាកសេ125 មួយគ្រឿងនោះ ព្រមទាំងនាំពួកនាងដែលជាជនរងគ្រោះទៅដាក់ពាក្យបណ្ដឹងដើម្បីធ្វើការស្រាវជ្រាវរកមុខសញ្ញា និងស្លាកលេខម៉ូតូដែលជាសញ្ញាមួយឈានទៅដល់ចាប់ក្រុមជនសង្ស័យយកមកផ្តន្ទាទោសតាមផ្លូវច្បាប់៕
About កងមាស
No comments