គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ប្រជាពលរដ្ឋស្នើសុំដល់ឯកឧត្តម ឃួង ស្រេង អភិបាលរាជធានីភ្នំពេញ សូមជួយពិនិត្យមើលដងផ្លូវជាតិលេខ១ ផងខ្ទិចអស់ហើយ

    ប្រជាពលរដ្ឋស្នើសុំដល់ឯកឧត្តម ឃួង ស្រេង អភិបាលរាជធានីភ្នំពេញ សូមជួយពិនិត្យមើលដងផ្លូវជាតិលេខ១ ផងខ្ទិចអស់ហើយ

    ផ្សាយនៅថ្ងៃទី៣០ ខែវិច្ឆិកា ឆ្នាំ២០២១ វេលាម៉ោង១៩:៥១នាទី
    ភ្នំពេញ៖ នៅបណ្តោយផ្លូវជាតិលេខ១ ចំណុចមុខក្រុមហ៊ុនក្រឡុកស៊ីម៉ង់ត៍ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ កំពុងតែរងការខូចខាតយ៉ាងដំណំ ខណៈដែលរថយន្តធុនធំមានទម្ងន់រាប់សិបតោនបើកកាត់ចំគំរបលូ បាក់បែកខ្ទេច បណ្តាលឲ្យមានការកកស្ទះទឹក មិនហូរចូលក្នុងលូ ហូរតែពីលើលូធ្វើឱ្យប៉ះពាល់ដល់បរិស្ថាន ពលរដ្ឋដែលរស់នៅក្បែរនោះ។

    ប្រជាពលរដ្ឋដែលរស់នៅក្បែរនោះ មានការ​សោកស្តាយ ចំពោះ​សមិទ្ធផល​ហេដ្ឋារចនាសម្ព័ន្ធ គឺ​ផ្លូវជាតិលេខ១​ ដែលមានបណ្តាញប្រព័ន្ធលូបង្ហូរទឹក បែរជារងការខូចខាតជា​បណ្តើរៗ ដោយសារតែ​រថយន្តធុនធំរបស់​ក្រុម​ឈ្មួញ​មួយចំនួន កំពុង​នាំគ្នា​ដឹក​យ៉ាង​គគ្រឹកគគ្រេង មាន​ទម្ងន់​រាប់​សិបតោន បណ្តាលឱ្យ​ផ្លូវ និង​លូ ខូចខ្ទិច ក្លាយទៅជា​ជង្ហុក​តូចធំ រីឯ​អាជ្ញាធរខណ្ឌ​ច្បារអំពៅ ដែល​ដឹកនាំ​ដោយ​លោក ចេង មុនីរ៉ា អភិបាល​ខណ្ឌ​ បែរជា​នៅ​សម្ងំ​ស្ងៀម ហាក់​បី​ដូច​ជា​មិន​អើពើបន្តិច​សោះ​ឡើយ​។​

    ​ប្រជាពលរដ្ឋ​បន្តទៀតថា៖ «រថយន្ត​ធុន​ធំ​ទាំងនោះ មិន​ត្រឹមតែ​ដឹក​ធ្ងន់​នោះទេ គឺបើកបរ​គ្មាន​សំចៃ​ឡើយ ក្នុង​ល្បឿន​លឿន ទោះបីជា​ផ្លូវត្រូវ​បត់ ឬផ្លូវចង្អៀត ក៏​មិន​គិតពី​សុវត្ថិភាព​ប្រជាពលរដ្ឋ​រស់នៅ​តាម​ដងផ្លូវ​ដែរ​»។

    ​ពលរដ្ឋ​រូប​នោះបាន​បញ្ជាក់ថា៖ បើសិនជា​រថយន្ត​ទាំងនោះ នៅតែដឹកបែបនេះ ទោះបីជាថ្នាក់​ដឹកនាំ​ខិតខំ​ជួសជុល ឬ​ធ្វើ​ផ្លូវ​ក្រាល​កៅស៊ូ​ថ្មីៗ ដាក់​ប្រព័ន្ធ​លូ ចំណាយ​អស់​ថវិកាជាតិ​រាប់លាន​ដូល្លា ក៏​មិនអាច​ប្រើប្រាស់​ផ្លូវ​នោះបាន​យូរអង្វែង​ដែរ (ពោលគឺ​៖ ខូចខាត​អស់​ទៅវិញ​យ៉ាង​ឆាប់រហ័ស ដោយសារតែ​ក្រុម​ឈ្មួញ​មួយ​ក្តាប់​តូច ជា​អ្នក​បំផ្លិចបំផ្លាញ​)។

    ប្រជាពលរដ្ឋ ក៏បានរិះគន់ចំៗ ចំពោះភាពអសកម្មរបស់អាជ្ញាធរមូលដ្ឋាន (ពោលគឺ) ពលរដ្ឋរាយការណ៍និងស្នើសុំឱ្យជួយចុះពិនិត្យ បែរជាឆ្លើយយ៉ាងខ្លីថា៖ «ទទួលបានបង» រីឯភាពទទួលខុសត្រូវបែរជាស្ងាត់ជ្រងំ។

    ប្រជាពលរដ្ឋជា​ច្រើន ស្នើសុំ​ដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ សូមមេត្តាចាត់មន្ត្រីចុះពិនិត្យមើលស្ថានភាពផ្លូវនៅចំណុចខាងលើនេះផងទាន៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ