ល្បែងស៊ីសងខុសច្បាប់ដុះស្លែដល់ធំ កំពុងបើកដំណើរការយ៉ាងរលូន ដោយមិនទាន់មានសមត្ថកិច្ចមូលដ្ឋានណាម្នាក់ហ៊ានចេញមុខមកបង្ក្រាបឡើយ_វគ្គ១

ល្បែងស៊ីសងខុសច្បាប់ដុះស្លែដល់ធំ កំពុងបើកដំណើរការយ៉ាងរលូន ដោយមិនទាន់មានសមត្ថកិច្ចមូលដ្ឋានណាម្នាក់ហ៊ានចេញមុខមកបង្ក្រាបឡើយ_វគ្គ១

ផ្សាយនៅថ្ងៃទី០២ ខែធ្នូ ឆ្នាំ២០២១ វេលាម៉ោង១៤:៣៧នាទី

ភ្នំពេញ៖ ទីតាំងល្បែងស៊ីសងខុសច្បាប់ «ភ្នាល់បៀ ភ្នាល់បាល់ និងល្បែងស៊ីសងផ្សេងទៀតប្រភេទអនឡាញ» ស្ថិតនៅផ្លូវ៤៧៤ សង្កាត់បឹងត្របែក ខណ្ឌចំការមន រាជធានីភ្នំពេញ កំពុងតែបើកដំណើរការបានយ៉ាងរលូន ដោយគ្មានអាជ្ញាធរនិងសមត្ថកិច្ចក្នុងមូលដ្ឋានណាម្នាក់ហ៊ានចេញមុខមកបង្ក្រាបឡើយ។

តាមប្រភពព័ត៌មាន ជាក់ស្ដែងនៅថ្ងៃទី០២ ខែធ្នូ ២០២១ បានឲ្យដឹងថា៖ «ទីតាំងបនល្បែងស៊ីសងខុសច្បាប់ដុះស្លែដល់ធំ តាមអនឡាញ ខាងលើនេះ កំពុងតែបង្វក់ដល់ពលរដ្ឋខ្មែរឲ្យចូលមកលេង ល្បែងភ្នាល់ ដាក់លុយ យ៉ាងគគ្រឹកគគ្រេង ដោយគ្មានខ្លាចញញើតសមត្ថកិច្ចបន្តិចសោះឡើយ»។

ចំណែកឯលោក យិន សាន អធិការ នៃអធិការដ្ឋាននគរបាល ខណ្ឌចំការមន ហាក់បីដូចជាមិនយកចិត្តទុកដាក់ជាមួយការងារសន្តិសុខក្នុងដែនសមត្ថកិច្ចរបស់ខ្លួនបន្តិចសោះឡើយ (ពោលគឺ) ទីតាំងល្បែងស៊ីសងខុសច្បាប់កំពុងតែធ្វើព្យុះភ្លៀងពេញដែនគ្រប់គ្រងរបស់ខ្លួនបែរជាមិនដឹងមិនឮ។

មហាជនជាច្រើន បានសម្តែងការ ព្រួយបារម្ភយ៉ាងខ្លាំង ចំពោះវត្តមានទីតាំងបនល្បែងខុសច្បាប់ខាងលើ ដែលបើកទទួលភ្ញៀវគ្រប់មជ្ឈដ្ឋានមកពពាក់ពពូនគ្នា លេងល្បែងភ្នាល់ដាក់លុយយ៉ាងអនាធិបតេយ្យ ដោយគ្មានការបង្ក្រាបពីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន។

មហាជន បានលើកឡើងថា ល្បែងស៊ីសងខុសច្បាប់ខាងលើនេះ គឺជាដើមចមនៃការបង្កបង្កើត នៃបទល្មើស ជាពិសេស បទល្មើសហិង្សា បទល្មើសលួច បទល្មើសឆក់ បទល្មើសប្លន់ ហើយនឹងព្រាត់ប្រាសប្រពន្ធកូន គឺកើតចេញពីល្បែងនេះឯង។

ប្រជាពលរដ្ឋ ជាច្រើនសង្ឃឹមថា៖ លោក យិន សាន អធិការនៃអធិការដ្ឋាននគរបាលខណ្ឌចំការមន នឹងចាត់វិធានការបង្ក្រាបបទល្មើសខុសច្បាប់ក្នុងដែនសមត្ថកិច្ចរបស់ខ្លួន។

ប្រជាពលរដ្ឋស្នើសុំដល់លោក ថេង សុថុល អភិបាលនៃគណៈអភិបាលខណ្ឌចំការមន ជួយដាស់តឿនដល់មន្ត្រីក្រោមឱវាទចុះបង្ក្រាបល្បែងស៊ីសងដុះស្លែខាងលើនេះផងទាន។

ជុំវិញការចុះផ្សាយខាងលើនេះ អង្គភាពសារព័ត៌មានយើរង់ចាំការបំភ្លឺពីអាជ្ញាធរនិងសមត្ថកិច្ចពាក់ព័ន្ធរៀងរាល់ម៉ោងធ្វើការ៕ សូមអរគុណ!

ទំនាក់ទំនងការិយាល័យនិពន្ធ៖
☎️077 90 66 64 Cellcard
☎️098 90 66 64 Smart