រថយន្តសេរីទំនើបចំនួន ០២គ្រឿង និងម៉ូតូរាប់សិបគ្រឿងរងការខួចខាតស្ទើរទាំងស្រុង ដោយសារអគ្គីភ័យឆាបឆេះ

រថយន្តសេរីទំនើបចំនួន ០២គ្រឿង និងម៉ូតូរាប់សិបគ្រឿងរងការខួចខាតស្ទើរទាំងស្រុង ដោយសារអគ្គីភ័យឆាបឆេះ

ខេត្តកំពត៖ ព្រះអគ្គីបានលេបត្របាក់ហាងលក់ម៉ូតូដ៏ធំមួយកន្លែងក្នុងក្រុងកំពតបណ្ដាលឲ្យរថយន្តសេរីទំនើបចំនួនពីរគ្រឿង និងម៉ូតូរាប់សិបគ្រឿងរងការខួចខាតស្ទើរទាំងស្រុង ដោយប្រើប្រាស់រថយន្តពន្លត់អគ្គិភ័យ៣គ្រឿង ប្រើទឹកអស់៦ស៊ីទែន។

លោកឧត្តមសេនីយ៍ទោ ម៉ៅ  ច័ន្ទមធុរិទ្ធ ស្នងការនៃស្នងការដ្ឋាននគរបាលខេត្តកំពតបានបញ្ជាក់ឲ្យបណ្ដាញព័ត៌មាន ដឹងនៅរសៀលថ្ងៃនេះថា ជាការសន្និដ្ឋានជំហានដំបូង ករណីនេះបណ្តាលមកពីទុស្សេចរន្តអគ្គិសនី។ ទោះមិនមានសមាជិកគ្រួសារណាម្នាក់គ្រោះថ្នាក់ធ្ងន់ធ្ងរក៏ពិតមែន តែហេតុការណ៍នេះ បណ្តាលឱ្យខូចខាតម៉ូតូកំពុងដាក់តាំងលក់ចំនួន៥៤គ្រឿង និងរថយន្តចំនួនត០២គ្រឿង គឺរថយន្តឡិចស៊ីស៥៧០ពណ៌ស មួយគ្រឿង និងរថយន្តម៉ាកហុងដា CRV សេរីឆ្នាំ២០១៨ មួយគ្រឿង។

លោកស្នងការបន្ថែមថា លោកនៅមិនទាន់ទទួលបានរបាយការណ៍ស្តីពីទំហំថវិកា នៃការខាតបង់ក្នុងករណីគ្រោះអគ្គីភ័យនេះនៅឡើយទេ៕