គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    វគ្គបណ្តុះបណ្តាលលើកទី៧ របស់សមាគមសេរីភាពអ្នកសារព័ត៌មានកម្ពុជា " សី្តពីការសរសេរព័ត៌មានសុីជម្រៅនិងប្រកបដោយវិជ្ជាជីវ:

    វគ្គបណ្តុះបណ្តាលលើកទី៧ របស់សមាគមសេរីភាពអ្នកសារព័ត៌មានកម្ពុជា " សី្តពីការសរសេរព័ត៌មានសុីជម្រៅនិងប្រកបដោយវិជ្ជាជីវ:

    កណ្តាល៖ នៅថ្ងៃទី ១៦ ខែមករា ឆ្នាំ ២០២២ នៅទីស្នាក់ការសមាគមសេរីភាពអ្នកសារព័ត៌មានកម្ពុជា មានប្រារព្ធកម្មវិធីវគ្គបណ្ដុះបណ្ដាលលើកទី ៧ របស់សមាគម ក្រោមប្រធានបទ " ការសរសេរព័ត៌មានសុីជម្រៅនិងប្រកបដោយវិជ្ជាជីវ: "  រយៈពេលមួយថ្ងៃពេញ។

    ក្នុងឱកាសបើកវគ្គបណ្ដុះបណ្ដាលនេះ ក៏មានការអញ្ជើញចូលរួមក្រោមអធិបតីភាព ឯកឧត្តម ផុស សុវណ្ណ ប្រតិភូរាជរដ្ឋាភិបាលទទួលបន្ទុកអគ្គនាយកដ្ឋាននៃអគ្គនាយកដ្ឋានព័ត៌មាននិងសោតទស្សន៍ ក្រសួងព័ត៌មាន និង ឯកឧត្តម យ៉ែម ណយ ទីប្រឹក្សាក្រសួងព័ត៌មាននិងជា ប្រធាននាយកដ្ឋានមណ្ឌលព័ត៌មាន ព្រមទាំងបងប្អូនអ្នកសារព័ត៌មានអញ្ជើញមកពីគ្រប់បណ្ដារាជធានីខេត្ត ចំនួន ៧០ អង្គភាពផងដែរ។

    ថ្លែងស្វាគមន៍នៅក្នុងឱកាសបើកវគ្គបណ្ដុះបណ្ដាលអ្នកសារព័ត៌មាននេះ លោក ទេស វិបុល ប្រធានសមាគមសេរីភាពអ្នកសារព័ត៌មានកម្ពុជាបានមានមតិថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំក្រសួងព័ត៌មាន ដែលបានឆ្លៀតពេលវេលាដ៏មានតម្លៃដើម្បីចូលរួមពិធីបើកវគ្គបណ្ដុះបណ្ដាលនេះ គឺបានផ្ដល់ភាពកក់ក្តៅ អនុសាសន៍និងបទពិសោធន៍ល្អៗ ផ្ដល់ជាយោបល់និងគំនិត ដើម្បីរួមចំណែកឱ្យបងប្អូនអ្នកសារព័ត៌មានយើងទាំងអស់អនុវត្តឱ្យបានក្រមសីលធម៌និងវិជ្ជាជីវៈ ដែលជាអាវក្រោះដ៏សំខាន់ ដើម្បីការពារខ្លួនយើងក្នុងអាជីពជាអ្នកសារព័ត៌មាន។

    លោក ទេស វិបុល បានបន្ថែមថា វគ្គបណ្ដុះបណ្ដាលលើកទី ៧ របស់សមាគមសេរីភាពអ្នកសារព័ត៌មានកម្ពុជានេះ ប្រារព្ធឡើង ដោយមិនមានជំនួយឧបត្ថម្ភគាំទ្រពីអង្គការក្រៅរដ្ឋាភិបាលណាមួយនៅឡើយទេ ប៉ុន្តែកើតឡើងពី ការចំណាយថវិកាផ្ទាល់ខ្លួនរបស់លោក និង ការរួបរួមសាមគ្គីគ្នារបស់បងប្អូនអ្នកសារព័ត៌មានដែលមកពីគ្រប់ទិសទី បានជួយឧបត្ថម្ភគាំទ្រទាំង សម្ភារៈ ថវិកា ស្មារតី ឲ្យវគ្គបណ្ដុះបណ្ដាលនេះប្រារព្ធទៅគួរជាទីមោទនៈ។

    មានមតិសំណេរសំណាល ក្នុងពិធីបើកវគ្គបណ្ដុះបណ្ដាលអ្នកសារព័ត៌មាននេះ ឧត្តម ផុស សុវណ្ណ បានមានមតិផ្ដាំផ្ញើការសាកសួរសុខទុក្ខពីសំណាក់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ដល់បងប្អូនអ្នកសារព័ត៌មានយើង ។
    សម្រាប់ឯកឧត្តមផ្ទាល់ សូមសំដែងនូវការកោតសរសើរនិងវាយតម្លៃខ្ពស់ចំពោះការខិតខំប្រឹងប្រែងរបស់ សមាគមសេរីភាពអ្នកសារព័ត៌មានកម្ពុជា ដែលបានរួមចំណែកជាមួយក្រសួងព័ត៌មាន ក្នុងការរៀបចំវគ្គបណ្ដុះបណ្ដាលដល់អ្នកសារព័ត៌មានជាច្រើនវគ្គ និងបានជួយឧបត្ថម្ភគាំទ្រ ដល់បងប្អូនអ្នកសារព័ត៌មានដែលមានជីវភាពខ្វះខាតទីទាល់ក្រ ជួបការលំបាក ជួបឧបទ្ទវហេតុដោយចៃដន្យផ្សេងៗ ព្រមទាំងជួយការពារផ្នែកផ្លូវច្បាប់ ដល់បងប្អូនអ្នកសារព័ត៌មានដែលរងបណ្តឹងផ្សេងៗឬមានក្តីក្តាំនៅតុលាការជាដើម។

    ឯកឧត្តមបានក្រើនរំលឹកថា ថា សូមបងប្អូនអ្នកសារព័ត៌មាន មានការប្រុងប្រយ័ត្នខ្ពស់ចំពោះការចុះយកព័ត៌មាននិងការផ្សាយផ្ទាល់ផ្សេងៗ ដោយត្រូវតែប្រកាន់យកជានិច្ចនូវក្រមសីលធម៌និងវិជ្ជាជីវៈឲ្យបានត្រឹមត្រូវដើម្បីជៀសផុតអំពីបញ្ហានិងរឿងរ៉ាវដែលកើតឡើងចំពោះខ្លួនយើងក្នុងអាជីពជាអ្នកសារព័ត៌មាន។

    មានមតិថ្លែងនៅក្នុងការបិទវគ្គបណ្ដុះបណ្ដាលអ្នកសារព័ត៌មាននេះដែរ ឯកឧត្តម យ៉ែម ណយទីប្រឹក្សាក្រសួងព័ត៌មាននិងជាប្រធាននាយកដ្ឋានមណ្ឌលព័ត៌មាន បានសំដែងនូវការកោតសរសើរចំពោះការរៀបចំវគ្គបណ្ដុះបណ្ដាលនេះ និងបានវាយតំលៃខ្ពស់ចំពោះការខិតខំប្រឹងប្រែងរបស់លោក ទេស វិបុល ប្រធានសមាគមសេរីភាពអ្នកសារព័ត៌មានកម្ពុជានិងថ្នាក់ដឹកនាំសមាគម ហើយឯកឧត្តម បានមានមតិផ្ដាំផ្ញើចំពោះបងប្អូនអ្នកសារព័ត៌មាន ត្រូវចេះរួបរួមសាមគ្គីគ្នា ជួយយកអាសារគ្នា ស្រឡាញ់រាប់អានគ្នា នឹងត្រូវប្រកាន់ភ្ជាប់ជានិច្ច នូវក្រមសីលធម៌និងវិជ្ជាជីវៈគ្រប់ពេលវេលាទាំងអស់ ដើម្បីការពារខ្លួនយើង។

    ជាចុងក្រោយឯកឧត្តមក៏បានសំណូមពរដល់សមាគមសេរីភាពអ្នកសារព័ត៌មានកម្ពុជាពិនិត្យលទ្ធភាពបើកវគ្គបណ្ដុះបណ្ដាលដល់បងប្អូនអ្នកសារព័ត៌មានយើងជាបន្តបន្ទាប់ទៅទៀត ដើម្បីរួមចំណែកជាមួយក្រសួងព័ត៌មាន ជួយដល់បងប្អូនអ្នកសារព័ត៌មាន ឲ្យពួកគាត់មានការយល់ដឹងអំពីតួនាទី ភារកិច្ច និងកាតព្វកិច្ច ចំណេះដឹង សមត្ថភាព របស់ខ្លួន នៅក្នុងសង្គមប្រជាធិបតេយ្យនិងនិងសង្គមមានសុខសន្តិភាព ដោយដើរតួជាព្រាបនាំសារប្រកបដោយក្រមសីលធម៌និងវិជ្ជាជីវៈគ្រប់ពេលវេលា។

    ថ្លែងក្នុងឱកាសបិទកម្មវិធីនោះដែរ លោកព្រឹទ្ធាចារ្យ ហង្ស ចក្រា អនុប្រធានទី ២ នៃសមាគមសេរីភាពអ្នកសារព័ត៌មានកម្ពុជា  បានសំណូមពរដល់បងប្អូនអ្នកសារព័ត៌មានយើងទាំងអស់ ជួយឧបត្ថមជា ថវិកានិងសម្ភារៈ ដល់ លោក អ៊ុំ សារិន ប្រធានសមាគមការពារអ្នកកាសែត ដែលមានវ័យចាស់ជរាហើយមានជំងឺប្រចាំកាយទៀតផង។

    នៅចុងបញ្ចប់នៃកម្មវិធីវគ្គបណ្ដុះបណ្ដាលក៏មានការចែកជូនវិញ្ញាបនបត្របញ្ជាក់ការសិក្សាជូនដល់សិក្ខាកាម ជាអ្នកសារព័ត៌មានទាំងអស់ព្រមទាំងមានការជួបជុំគ្នាហូបអាហារសាមគ្គីរួមគ្នាក្រោមបរិយាកាសជាភាតរភាព ដ៏សប្បាយរីករាយបំផុត៕

    No comments

    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY $ 001964056 CHHOM DANY ៛/ Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ