ផ្ទុះភ្លើងប្រច័ណ្ឌ! បុរសជាប្តីបានយកកាំបិតចិតបន្លែចុងស្រួចចាក់សម្លាប់ប្រពន្ឌ របស់ខ្លួនឲ្យស្លាប់ក្នុងថ្លុកឈាមយ៉ាងអាណោចអាធ័ម
ផ្ទុះភ្លើងប្រច័ណ្ឌ! បុរសជាប្តីបានយកកាំបិតចិតបន្លែចុងស្រួចចាក់សម្លាប់ប្រពន្ឌ របស់ខ្លួនឲ្យស្លាប់ក្នុងថ្លុកឈាមយ៉ាងអាណោចអាធ័ម
កំពង់ស្ពឺ៖ ដោយសារភ្លើងប្រច័ណ្ឌឡើងដល់ចំណុចប្រកាសអាសន្នបណ្ដាលឲ្យបុរសជាប្តីម្នាក់ត្រូវមោបាំងទាំងកំរោល បានយកកាំបិតចិតបន្លែចុងស្រួចទៅចាក់ប្រពន្ឌបណ្តាលឲ្យស្លាប់ក្នុងថ្លុកឈាមយ៉ាងអាណោចអាធ័មបំផុត។
ហេតុការណ៍ដ៏មហារន្ធត់នេះកើតឡើងនៅព្រឹកព្រលឹមថ្ងៃទី២៤ ខែមករា ឆ្នាំ២០២២នេះ នៅក្នុងហាងយីហោ អាណាចក្រម្ហូបខែ្មរ ហៅរាត្រីអាំងឆ័រ ក្នុងភូមិព្រៃស្លឹក សង្កាត់ច្បារមន ក្រុងច្បារមន ខេត្តកំពង់ស្ពឺ។
នគរបាលប៉ុស្តិ៍ច្បារមនបានឲ្យដឹងថាស្ត្រីរងគ្រោះឈ្មោះ ទឹម ស្រីនី អាយុ ២២ឆ្នាំ ស្រុកកំណើតនៅភូមិរន្ទះ ខេត្តតាកែវ មុខរបរស្រ្តីបំរើហាងខាងលើ។ ដោយឡែកជនសង្ស័យជាប្តីមានឈ្មោះ ប៉ោក ធឿន អាយុ ២៨ឆ្នាំ នៅភូមិមានជ័យ ឃុំស្រែចារ ស្រុកស្នួល ខេត្តក្រចេះ។
ប្រភពដដែលបានបញ្ជាក់ថា ដំបូងឡើយជនរងគ្រោះ និងជនសង្ស័យ បានឈ្លោះប្រកែកគ្នា ដោយសារជនរងគ្រោះ ត្រូវជាប្រពន្ធ ប្រច័ណ្ឌប្ដី ថាប្តីមានស្រីថ្មី ហើយឈានដល់ការឈ្លោះប្រកែកគ្នាយ៉ាងតឹងសរសៃ.ក និងប្រតាយប្រតប់គ្នា ហើយក៏ត្រូវប្តីកំណាច ចិត្តតិរច្ឆាន យកកាំបិតចិតបន្លែ មកចាក់ចំដើមទ្រូងប្រពន្ធខាងឆ្វេង បណ្ដាលឱ្យហូរឈាមស្រោចពេញខ្លួនស្លាប់ភ្លាមៗតែម្ដង។
ក្រោយធ្វើកោសល្យវិច័យរួច សាកសពស្ត្រីរងគ្រោះត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។
ចំណែកឃាតករដៃដល់ត្រូវបានកម្លាំងនគរបាលប៉ុស្តិ៍សហការជាមួយកម្លាំងនគរបាលជំនាញយុត្តិធម៌ក្រុងច្បារមន ធ្វើការឃាត់ខ្លួនរួចបញ្ជូនទៅអធិការដ្ឋាននគរបាលក្រុងច្បារមនដើម្បីចាត់ការតាមច្បាប់៕
No comments