ល្បែងស៊ីសងក្នុងកាស៊ីណូ យីហោ 8888 និង168 ប្រចាំក្រុងបាវិត កំពុងតែប្រព្រឹត្តអំពើផ្ទុយពីច្បាប់ ដោយបើកដៃអោយពលរដ្ឋខ្មែរ ចូលលេងយ៉ាងអនាធិបតេយ្យ_វគ្គ១

ល្បែងស៊ីសងក្នុងកាស៉ីណូ យីហោ 8888 និង168 ប្រចាំក្រុងបាវិត កំពុងតែប្រព្រឹត្តអំពើផ្ទុយពីច្បាប់ ដោយបើកដៃអោយពលរដ្ឋខ្មែរ ចូលលេងយ៉ាងអនាធិបតេយ្យ_វគ្គ១

ផ្សាយនៅថ្ងៃទី២១ ខែកុម្ភៈ ឆ្នាំ២០២២ វេលាម៉ោង១៨:២៦នាទី

ស្វាយរៀង៖ ទីតាំងល្បែងស៊ីសងក្នុងកាស៊ីណូ យីហោ 8888 និង 168 ហ្គេមបាញ់ត្រី ស្ថិតនៅភូមិបាវិត សង្កាត់បាវិត ក្រុងបាវិត ខេត្តស្វាយរៀង កំពុងតែប្រព្រឹត្តអំពើល្មើសច្បាប់ យ៉ាងធ្ងន់ធ្ងរ ដោយបើកដៃពលរដ្ឋខ្មែរ ចូលទៅលេងយ៉ាងសស្រាក់សស្រាំ ជាហេតុបង្កបង្កើននូវបទល្មើសជាច្រើន។

តាមប្រភពព័ត៌មានបានឲ្យដឹងថា៖ ទីតាំងល្បែងស៊ីសងក្នុងកាស៊ីណូ ដែលមានយីហោដូចខាងលើនេះ បានប្រើប្រាស់អាជ្ញាប័ណ្ណកាស៊ីណូ ដើម្បីតែបំភ័ន្តភ្នែកថ្នាក់ដឹកនាំតែប៉ុណ្ណោះ តែធាតុពិតគឺ ជាកន្លែងប្រព្រឹត្តបទល្មើស ពោលគឺ៖ ប្រមូលផ្ដុំដោយពលរដ្ឋខ្មែរឲ្យចូលលេងបំពានគោលការណ៍ច្បាប់ នៃព្រះរាជាណាចក្រកម្ពុជា។

មានប្រភពខ្លះបានបង្ហើបទាំងស្រពិចស្រពិលថា៖ ទីតាំង បនល្បែង កាស៊ីណូ យីហោ 8888 និង 168 ខាងលើនេះ ដូចជាគ្មានមានច្បាប់អនុញ្ញាតនោះទេ (គ្មានអញ្ញាប័ណ្ណ) ព្រោះថាបើសិនជាមានអញ្ញាប័ណ្ណ មិនមែនបណ្តោយឲ្យពលរដ្ឋខ្មែរចូលលេងយ៉ាងអនាធិបតេយ្យនោះទេ។

សូមរំលឹកថាកន្លងមក សម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីនៃក្រសួងមហាផ្ទៃ ធ្លាប់ដាក់បទបញ្ជាឲ្យមន្រ្តីនគរបាលពាក់ព័ន្ធក្រោមឱវាទទូរទាំងប្រទេស ត្រូវតែបង្រ្កាបឲ្យអស់រាល់ល្បែងស៊ីសងខុសច្បាប់ គ្រប់ប្រភេទ មិនត្រូវមានការយោគយល់ឡើយ ដើម្បីធានាបាននៅសុខសុវត្តិភាពដល់ប្រជាពលរដ្ឋឲ្យស្របតាមគោលនយោបាយភូមិឃុំមានសុវត្តិភាពទាំង៧ចំណុច។

តែផ្ទុយទៅវិញទីតាំងល្បែងសុីសង ក្នុងកាស៊ីណូ ដែលមានយីហោ 8888 និង168 ស្ថិតនៅក្រុងបាវិត ខេត្តស្វាយរៀង កំពុងតែបើកទទួលពលរដ្ឋខ្មែរឲ្យចូលលេងយ៉ាងគឃ្លើន ជារៀងរាល់ថ្ងៃ ម៉្យាងវិញទៀត កាលនៅពេលថ្មីៗនេះ ក្រសួងសុខាភិបាល បានចេញសេចក្តីប្រកាសព័ត៌មានមួយជូនដល់ពលរដ្ឋទូរទាំងប្រទេសថា សូមមានការប្រុងប្រយ័ត្នបំផុតចំពោះជំងឺកូវីដ-១៩,ទើបបម្លែងខ្លួនថ្មី ឈ្មោះថា អូមីក្រុង ដោយឡែកទីតាំងល្បែងសុីសងក្នុងកាស៊ីណូខាងលើនេះ ហាក់មិនញញើតនិងមិនគោរពតាមសារាចរណ៍ណែនាំរបស់រាជរដ្ឋាភិបាល និងក្រសួងសុខាភិបាល នោះឡើយ!

មហាជនជាច្រើនស្នើសុំដល់លោកឧត្តមសេនីយ៍ទោ កឹង ឃន ស្នងការនៃស្នងការដ្ឋាននគរបាលខេត្តស្វាយរៀង សូមលោកស្នងការជួយចាត់កម្លាំងចុះអន្តរគមករណីនេះផង ព្រោះពលរដ្ឋខ្មែរជាច្រើនកំពុងតែរងគ្រោះដោយសារតែកាស៊ីណូដែលបំពានច្បាប់ទាំងនេះ៕

ជុំវិញការចុះផ្សាយខាងលើនេះអង្គភាពសារព័ត៌មានយើងនឹងរង់ចាំការបំភ្លឺពីអាជ្ញាធរនិងសមត្ថកិច្ចពាក់ព័ន្ធរៀងរាល់ម៉ោងធ្វើការ។ សូមអរគុណ!

ទំនាក់ទំនងការិយាល័យនិពន្ធ៖ 098906664/077906664