នេះទើបគេហៅថាឆ្មក់បង្ក្រាប៖ កម្លាំងនគរបាល ខេត្តបាត់ដំបង ចុះបង្រ្កាបទីតាំងជល់មាន់ និងឃាត់ខ្លួន មនុស្សបានជិត១០នាក់
នេះទើបគេហៅថាឆ្មក់បង្ក្រាប៖ កម្លាំងនគរបាល ខេត្តបាត់ដំបង ចុះបង្រ្កាបទីតាំងជល់មាន់ និងឃាត់ខ្លួន មនុស្សបានជិត១០នាក់
ផ្សាយនៅថ្ងៃទី២៣ ខែកុម្ភៈ ឆ្នាំ២០២២ វេលាម៉ោង២២:០៣នាទីបាត់ដំបង៖ ដោយមានការដឹកនាំបញ្ជាផ្ទាល់ពីលោកឧត្ដមសេនីយ៍ទោ សាត គឹមសាន ស្នងការខេត្តបាត់ដំបង ដឹកនាំដោយលោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងមានការសម្របសម្រួលទៅលេីនីតិវិធីពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី២៣ ខែកុម្ភៈ ឆ្នាំ២០២២ វេលាម៉ោង ១៤:៤០ នាទី នៅចំណុចក្នុងចំការក្រូចឆ្មា ស្ថិតក្នុងភូមិសំរោងកោង ឃុំអូរដំបង១ ស្រុកសង្កែ ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំង ក្រុមអន្តរាគមន៍ បង្ការ បង្ក្រាប ចុះប្រតិបត្តិការ បង្ក្រាបករណី ល្បែងស៊ីសង ( ភ្នាល់មាន់ជល់ ) ០១ករណី និងបានធ្វេីការនាំខ្លួនមនុស្សចំនួន ០៧នាក់ មកកាន់ស្នងការដ្ឋាន។
កិច្ចប្រតិបត្តិការចុះបង្រ្កាបនេះ កម្លាំងជំនាញ បានធ្វើការដកហូត វត្ថុតាងរួមមាន ៖
- មាន់ជល់ចំនួន ០២ ក្បាល
- ជញ្ជីងសម្រាប់ថ្លឹងមាន់ជល់ចំនួន ០១
- សង្វៀនសម្រាប់ជល់មាន់ចំនួន ០២
- ឆ្នាំងដាំទឹកសម្រាប់ស្អំមាន់ជល់ចំនួន ០១
- ម៉ូតូចំនួន ០២ គ្រឿង
នៅរសៀលថ្ងៃទី២៣ ខែកុម្ភៈ ឆ្នាំ២០២២ លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានប្រាប់សារព័ត៌មាន ឲ្យដឹងថាបច្ចុប្បន្ននគរបាល ជំនាញកំពុងតែធ្វេីការសាកសួរ និង ស្រាវជ្រាវចាត់ការបន្តតាមនីតិវិធីច្បាប់៕
No comments