គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ក្នុងស្ថានភាពប្រទេសមានសុខសន្តិភាព ទើបយើងមានឱកាសបានជួបជុំគ្នានាថ្ងៃនេះ!

    ក្នុងស្ថានភាពប្រទេសមានសុខសន្តិភាព ទើបយើងមានឱកាសបានជួបជុំគ្នានាថ្ងៃនេះ!

    ផ្សាយបន្តនៅថ្ងៃទី២៨ ខែកុម្ភៈ ឆ្នាំ២០២២ វេលាម៉ោង១៤:៣៩នាទី
    កណ្តាល៖ លោក ហ៊ាង ប៊ុនថា ស្ថាបនិក និងជាអគ្គនាយកអង្គភាពព័ត៌មាន The Mirror News ថ្នាក់ដឹកនាំ ទីប្រឹក្សាជាន់ខ្ពស់ សហការី លោក លោកស្រី សប្បុរសជននានា រួមទាំងបងប្អូនអ្នកសារព័ត៌មាន នៅរសៀលថ្ងៃទី២៧ ខែកុម្ភៈ ឆ្នាំ២០២២ បានចុះជួបសំណេះសំណាល, នាំយកអំណោយសប្បុរសជន និងថវិកាមួយចំនួនដើម្បីផ្ដល់ជូនប្រជាពលរដ្ឋចំនួន៥០គ្រួសារ ស្ថិតនៅក្នុងភូមិពាមប្រជុំ ឃុំព្រែកអំបិល ស្រុកស្អាង ខេត្តកណ្តាល។

    នាឱកាសនោះ លោកវរសេនីយ៍ឯក ឡាក់ ម៉េងធី ស្នងការរងតំណាងដ៏ខ្ពង់ខ្ពស់លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាលក៏បាននាំយកអំណោយជាថវិកា១លានរៀលរបស់លោកឧត្ដមសេនីយ៍ទោស្នងការដើម្បីផ្ដល់ជូនលោកយាយ លោកតា អ៊ំ ពូ មីងដែលមានជីវភាពខ្វះខាតនិងកំពុងស្នាក់នៅក្នុងបរិវេណវត្តពាមប្រជុំនិងវត្តព្រែកអំបិលផងដែរ។

    ជាមួយគ្នានោះ លោក ហ៊ាង ប៊ុនថា ក៏បានថ្លែងថា យើងខ្ញុំព្រមទាំង លោកយាយ លោកតា អ៊ំ ពូ មីង មានការជួបជុំគ្នានាថ្ងៃនេះ គឺយើងទាំងអស់គ្នាកំពុងស្ថិតនៅក្នុងស្ថានភាពប្រទេសមានសុខសន្តិភាព ដែលបានកើតចេញពីនយោបាយ ឈ្នះ ឈ្នះ របស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា។ លោកបានបន្តថា អំណោយជាសប្បុរសធម៌ ក៏ជាសិល្បៈនៃការចែករំលែក ហើយក៏ជាផ្នែកមួយនៃយុទ្ធសាស្ត្ររបស់រាជរដ្ឋាភិបាលក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាដើម្បីលើកស្ទួយជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋទូទៅ ដោយមិនទុកឲ្យប្រជាពលរដ្ឋណាម្នាក់ស្លាប់ដោយសារដាច់ស្បៀងដែលអាជ្ញាធរភូមិឃុំស្រុកខេត្តនិងរាជរដ្ឋាភិបាលមិនបានដឹងនោះឡើយ។

    ទន្ទឹមគ្នានោះ លោក ហ៊ាង ប៊ុនថា បានផ្តាំផ្ញើរដល់ប្រជាពលរដ្ឋដែលបានមកទទួលស្បៀងថ្ងៃនេះ និងបានផ្តាំផ្ញើរឲ្យប្រជាពលរដ្ឋបន្តអនុវត្តនូវវិធានការ ៣កុំ និង៣ការពារ ឲ្យបានជាដាច់ខាត ដើម្បីការពារសុខភាពខ្លួនយើង គ្រួសារយើង សហគមន៍យើង និងប្រទេសជាតិយើង ចាកផុតពីជម្ងឺឆ្លងកូវីដ-៩។ លោកបន្តទៀតថា យើងត្រូវបង្កើនប្រសិទ្ធិភាពការពាររាង្គកាយពីមេរោគកូវីដ-១៩ ពិសេសគឺប្រភេទបំប្លែងថ្មី «អូមីក្រុង»។ យើងត្រូវបន្តអនុវត្តតាមវិធានការណ៍ណែនាំរបស់ក្រសួងសុខាភិបាល។

    លោក ហ៊ាង ប៊ុនថា អគ្គនាយកអង្គភាពព័ត៌មាន The Mirror News សូមគោរពថ្លែងអំណរគុណយ៉ាងជ្រាលជ្រៅបំផុតចំពោះសប្បុរសជននានាដែលបានរួមចំណែកទាំងពេលវេលា ថវិកា និងសម្ភារៈមួយចំនួនដើម្បីញុំាងឲ្យកម្មវិធីនាថ្ងៃនេះទទួលបានជោគជ័យយ៉ាងត្រចះត្រចង់និងសូមអរគុណដល់បងប្អូនអ្នកសារព័ត៌មានយើងដែលបានអញ្ជើញចុះមកចូលរួមយ៉ាងអធិកអធ័មនិងជួយជម្រុញការផ្សព្វផ្សាយយ៉ាងទូលំទូលាយពីកម្មវិធីនាឱកាសនេះ និងសូមជូនពរដល់លោកយាយ លោកតា អ៊ំ ពូ មីង បងប្អូន សប្បុរសជន និងបងប្អូនអ្នកសារព័ត៌មានសុំជួបប្រទះតែឧត្ដមពរ៤ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

    សប្បុរសជនដែលបានរួមចំណែកក្នុងកម្មវិធីខាងលើនេះរួមមាន៖
    ១-មហាឧបាសកពុទ្ធសាសនូបត្ថម្ភក៍ ឈឹម បាវ និងមហាឧបាសិកាពុទ្ធសាសនូបត្ថម្ភក៍ នៅ សា ចំនួន១លានរៀល
    ២-លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ចំនួន១លានរៀល
    ៣-លោកវរសេនីយ៍ឯក ឡាក់ ម៉េងធី ស្នងការរងខេត្តកណ្តាល៥សែនរៀល
    ៤- លោកឧត្ដមសេនីយ៍ទោ កៃ កុសល អនុប្រធាននាយកដ្ឋានអធិការកិច្ច៥សែនរៀល
    ៥- លោក សំ វណ្ណដា ម្ចាស់ភោជនីយដ្ឋាន សន្យា ៥សែនរៀល
    ៦- លោក លឹម ជាវលី និងភរិយា ព្រមទាំងបុត្រចំនួន២៥០$
    ៧- លោក វ៉ាន វ៉ាត និងភរិយា ម្ចាស់ភោជនីយដ្ឋាន ដីដុះ ចំនួន២សែនរៀល និងប្រេងកូឡា ៦០ប្រអប់
    ៨- ម្ចាស់ភោជនីយដ្ឋាន និងខារ៉ាអូខេ ឡាយ អេន ហ្គោល ចំនួន១០០$
    ៩- លោក ហ៊ ឈាងលីម ទីប្រឹក្សាផ្ទាល់ ចំនួន២សែនរៀល
    ១០- លោក ខុន សេរីរដ្ឋា អភិបាលស្រុកអង្គស្នួលចំនួន១០០$
    ១១- លោក ចាប ច័ន្ទវិទ្យា អភិបាលស្រុកលើកដែកចំនួន១០០$
    ១២- លោក កន សុខកាយ អភិបាលស្រុកល្វាឯមចំនួន១០០$
    ១៣- លោក ចាន់ តារា អភិបាលរងស្រុកខ្សាច់កណ្តាលចំនួន១០០$
    ១៤- លោក រាជ សារ៉ាត ចាងហ្វាងរស្មីគោកធ្លក សាប៊ូ មេឌីមុិច ចំនួន១០០ដុំ
    ១៥-ម្ចាស់ហាងលក់ម៉ូតូ ម៉ាក់ ទ្រី ភេសជ្ជៈ៥កេស និងថវិកាចំនួន២សែនរៀល៕

    No comments

    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY / Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ