ឯកឧត្តម អ៊ីវ លាង អញ្ជើញដឹកនាំកិច្ចប្រជុំ ស្តីពីលទ្ធផលនៃការចុះផ្សាយលើគេហទំព័រថា មន្ត្រីពន្ធនាគារខេត្ត ប្តឹងមេកើយខ្លួនឯង

ឯកឧត្តម អុីវ លាង អញ្ជើញដឹកនាំកិច្ចប្រជុំ ស្តីពីលទ្ធផលនៃការចុះផ្សាយលើគេហទំព័រថា មន្ត្រីពន្ធនាគារខេត្ត ប្តឹងមេកើយខ្លួនឯង

ផ្សាយនៅថ្ងៃទី០៩ ខែកុម្ភៈ ឆ្នាំ២០២២ វេលាម៉ោង១២:០៣នាទី

ភ្នំពេញ៖ ព្រឹកថ្ងៃពុធ ៨កើត ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៩ ខែកុម្ភៈ ឆ្នាំ២០២២ នៅសាលប្រជុំរបស់អគ្គាធិការដ្ឋាន ឯកឧត្តម អុីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សារបាយការណ៍ស្តីពីលទ្ធផលនៃការធ្វើអធិការកិច្ចពាក់ព័ន្ធនឹងខ្លឹមសារ ដែលបានចុះផ្សាយលើគេហទំព័រថា មន្ត្រីពន្ធនាគារខេត្ត ប្តឹងមេកើយខ្លួនឯងជិត១ឆ្នាំហើយ មេនៅតែមេដដែល ថែមទាំងភ្ជាប់មកជាមួយពាក្យបណ្តឹង របស់មន្ត្រីពន្ធនាគារចំនួន២១រូប ដោយមានចោទប្រកាន់ចំនុចដូចខាងក្រោម៖
- គ្មានសីលធម៌ វិជ្ជាជីវៈ ជេរប្រមាថថ្នាក់ដឹកនាំ និងមន្ត្រី
- យកគ្រួសារមកនៅកន្លែងធ្វើការនិងចិញ្ចឹមសត្វឆ្កែបង្កភាពកង្វក់ និងខាំមន្ត្រី
- ប្រជុំហាមមន្ត្រីមិនឱ្យគោរពតាមការណែនាំរបស់អនុប្រធានពន្ធនាគារទទួលផែន
- បក្សពួកនិយម គៀបសង្កត់មន្ត្រីមិនឱ្យមានការតវ៉ានិង ពុករលួយ
- បំបែកបំបាក់សាមគ្គីភាពផ្ទៃក្នុង អាងអំណាចមិនឱ្យមន្ត្រីគោរពអ្នកណាក្រៅពីខ្លួន។

កិច្ចប្រជុំនេះមានការអញ្ជើញចូលរួមពី  ឯកឧត្តម លោកជំទាវ អគ្គាធិការរង  ប្រធាននាយកដ្ឋាន អនុប្រធាននាយកដ្ឋាន តំណាងក្រុមការងារអគ្គនាយកដ្ឋានពន្ធនាគារនិងមន្រ្តីពាក់ព័ន្ធ៕