គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ស្រុកស្ទឹងត្រង់៖ សង្វៀនជល់មាន់និងអាប៉ោងដុះស្លែ មួយកន្លែង កំពុងតែបន្តបើកលេងយ៉ាងគគ្រឹកគគ្រេង បែរជាគ្មានសមត្ថកិច្ចចុះបង្ក្រាប_វគ្គ១

    ស្រុកស្ទឹងត្រង់៖ សង្វៀនជល់មាន់និងអាប៉ោងដុះស្លែ មួយកន្លែង កំពុងតែបន្តបើកលេងយ៉ាងគគ្រឹកគគ្រេង បែរជាគ្មានសមត្ថកិច្ចចុះបង្ក្រាប_វគ្គ១

    ផ្សាយនៅថ្ងៃទី២០ ខែកុម្ភៈ ឆ្នាំ២០២២ វេលាម៉ោង២២:៤៧នាទី
    កំពង់ចាម៖ ទីតាំងល្បែងសុីសងសង្វៀនជល់មាន់ ខ្នាតយក្ស និងអាប៉ោង ដុះស្លែ មួយកន្លែង ស្ថិតនៅចំណុចភូមិខ្ពបតាងួន ឃុំខ្ពបតាឃួន ស្រុកស្ទឹងត្រង់ ខេត្តកំពង់ចាម នៅបន្តបើកដំណើរការលេងយ៉ាងគគ្រឹកគគ្រេង បែរជាគ្មានសមត្ថកិច្ចពាក់ព័ន្ធណាចេញមុខមកបង្ក្រាបសោះឡើយ នេះហាក់ដូចជាបណ្តែតបណ្តោយពេកហើយ លោកសមត្ថកិច្ចអើយ។

    តាមប្រភពព័ត៌មានបានឲ្យដឹងថា៖ ទីតាំងល្បែងសុីសងដុះស្លែខាងលើ មានម្ចាស់ឈ្មោះ ផល្លា ជាមេក្លោង និងជាអ្នកប្រកូកប្រកាស ប្រមែប្រមូលមនុស្សគ្រប់មជ្ឈដ្ឋាន ឲ្យមកលេងល្បែងស៊ីសងនៅទីតាំងរបស់ខ្លួនដើម្បីយកតុង។

    ប្រភពបន្តទៀតថា៖ នៅតាមផ្លូវចូលទៅកាន់ទីតាំងល្បែងស៊ីសងខាងលើនេះ មានទាំងជនទំនើងឈរយាមផ្លូវមិនឲ្យមានសារព័ត៌មានណាម្នាក់ចូលទៅផ្តិតរូបភាពបាននោះទេ។

    ពាក់ព័ន្ធទៅនឹងករណីនេះមានប្រភពខ្លះ ប្រាប់ថា ទីតាំងល្បែងស៊ីសងខុសច្បាប់ខាងលើ ដែលមានម្ចាស់ឈ្មោះ ផល្លា ជាមេក្លោង ប្រហែលជាមានខ្សែធំ ទើបអាចបន្តបើកលេងបានដោយគ្មានការរំខានដល់សមត្ថកិច្ច។

    សូមរំលឹកថាកន្លងមកសម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្រ្តីនគរបាលពាក់ព័ន្ធក្រោមឱវាទទូរទាំងប្រទេស ត្រូវតែបង្រ្កាប ឲ្យអស់រាល់ល្បែងស៊ីសងខុសច្បាប់ គ្រប់ប្រភេទ មិនត្រូវមានការយោគយល់ឡើយ ដើម្បីធានាបាននៅសុខសុវត្តិភាពដល់ប្រជាពលរដ្ឋឲ្យស្របតាមគោលនយោបាយភូមិឃុំមានសុវត្តិភាពទាំង៧ចំណុច។ តែផ្ទុយទៅវិញទីតាំងល្បែងសុីសងជល់មាន់ និងអាប៉ោង មួយកន្លែងនៅស្រុកស្ទឹងត្រង់ ខេត្តកំពង់ចាម នៅតែបន្តបើកលេង ជារៀងរាល់ថ្ងៃ ម៉្យាងវិញទៀត កាលនៅពេលថ្មីៗនេះ ក្រសួងសុខាភិបាល បានចេញសេចក្តីប្រកាសព័ត៌មានមួយជូនដល់ពលរដ្ឋទូរទាំងប្រទេសថា សូមមានការប្រុងប្រយ័ត្នបំផុតចំពោះជំងឺកូវីដ-១៩,ទើបបម្លែងខ្លួនថ្មី ឈ្មោះថា អូមីក្រុង ដោយឡែកទីតាំងល្បែងសុីសងជល់មាន់និងអាប៉ោងខុសច្បាប់ខាងលើនេះ បើកលេងហាក់មិនញញើតនិងមិនគោរពតាមសារាចរណ៍ណែនាំរបស់រាជរដ្ឋាភិបាល និងក្រសួងសុខាភិបាល នោះឡើយ!

    ជុំវិញករណីនេះ អង្គភាពសារព័ត៌មានយើងមិនអាចសុំការបំភ្លឺពីលោក ឯម វឌ្ឍនា អធិការនគរបាលស្រុកស្ទឹងត្រង់បានទេ ព្រោះគ្មានលេខទូរស័ព្ទ។

    មហាជនជាច្រើនស្នើសុំដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការប្រយុទ្ធប្រឆាំងនឹងជំងឺឆ្លង សូមឯកឧត្តមអភិបាលជួយចាត់មន្ត្រីនៃសាលាខេត្តចុះស៊ើបអង្កេតលើករណីខាងលើនេះផងទាន។

    ស្នើសុំដល់លោកឧត្តមសេនីយ៍ទោ ឯម កុសល ស្នងការនៃស្នងការដ្ឋាននគរបាលខេត្តកំពង់ចាម សូមមេត្តា ជួយពិនិត្យមើលនូវការងាររបស់លោក នាយប៉ុស្តិ៍ឃុំខ្ពបតាឃួន ផងទាន ព្រោះបទល្មើសលេងយ៉ាងគគ្រឹកគគ្រេងបែរជាគាត់សម្ងំស្ងៀម៕

    ជុំវិញការចុះផ្សាយខាងលើនេះអង្គភាពសារព័ត៌មានយើងនឹងរង់ចាំការបំភ្លឺពីអាជ្ញាធរនិងសមត្ថកិច្ចពាក់ព័ន្ធរៀងរាល់ម៉ោងធ្វើការ។ សូមអរគុណ!

    ទំនាក់ទំនងការិយាល័យនិពន្ធ៖ 098906664/077906664

    No comments

    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY / Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ