ជនសង្ស័យចំនួនបួននាក់ ត្រូវបានកម្លាំងសមត្ថកិច្ចនគរបាលក្រុងប៉ោយប៉ែត ធ្វើការឃាត់ខ្លួន ពាក់ព័ន្ធករណីលួច និងទទួលផលចោរកម្

ជនសង្ស័យចំនួនបួននាក់ ត្រូវបានកម្លាំងសមត្ថកិច្ចនគរបាលក្រុងប៉ោយប៉ែត ធ្វើការឃាត់ខ្លួន ពាក់ព័ន្ធករណីលួច និងទទួលផលចោរកម្ម

ផ្សាយនៅថ្ងៃទី២៥ ខែកុម្ភៈ ឆ្នាំ២០២២ វេលាម៉ោង០៧:២៥នាទី

បន្ទាយមានជ័យ៖ ក្រោមការដឹកនាំបញ្ជាផ្ទាល់ពីលោក ឧត្តមសេនីយ៍ទោ និងមានការសម្របសម្រួលដោយព្រះរាជអាជ្ញាអមសាលាដំបូងខេត្តបន្ទាយមានជ័យ ថ្ងៃទី២៣ ខែកុម្ភៈ ឆ្នាំ២០២២វេលាម៉ោង១២:០០នាទី លោក សៅ សារឿន អធិការនគរបាលក្រុងប៉ោយប៉ែត ដឹកនាំកម្លាំងចុះឃាត់ខ្លួនជនសង្ស័យចំនួនបីនាក់ ជាបន្តបន្ទាប់។

យោងតាមរបាយការណ៍បានឲ្យដឹងថា៖ ជនរងគ្រោះឈ្មោះ ពៅ រដ្ឋា ភេទប្រុស អាយុ ៣០ឆ្នាំ ស្នាក់នៅភូមិ គីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បានមកដាក់ពាក្យបណ្ដឹង លើឈ្មាះមុិល យ៉ុង ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ពីបទលួចកន្ទុយម៉ាសុីនត្រជាក់នៅក្នុងបូរីសុខស្រេង២ អស់ចំនួន២២
គ្រឿង។

ក្រោយពីទទួលបានពាក្យបណ្តឹង នឹងគោរពតាមបទញ្ជា ដ៏មុឺងមាត់របស់ឧត្តមសេនីយ៍ស្នងការនគរបាលខេត្ត និងមានសម្របសម្រួលតិវិធីដោយព្រះរាជអាជ្ញាអមសាលាដំបូងខេត្តបន្ទាយមានជ័យ លោក សៅ សារឿន អធិការនគរបាលក្រុងប៉ោយប៉ែត បានដឹងនាំកម្លាំងចុះឃាត់ខ្លួនជនសង្ស័យឈ្មោះ មុិល យ៉ុង ភ្លាមៗ ហើយជនសង្ស័យម្នាក់នោះបានសារភាពថាខ្លួនពិតជាបានលួចកន្ទុយម៉ាសុីនត្រជាក់នៅបូរីសុខស្រេងពិតមែន។

ជនសង្ស័យឈ្មោះ មុិល យ៉ុង បានសារភាពទៀតថា ខ្លួនបានយកទៅលក់អោយឈ្មោះ ឈន់ តារាវុធ ភេទប្រុស អាយុ ៣៥ឆ្នាំ ជនជាតិខ្មែរ មានទីលំនៅភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ចំនួន១២កន្ទុយម៉ាសុីនត្រជាក់។ ហើយឈ្មោះ ឈន់ តារាវុធ បានសារភាពដែរថានៅដើមខែកុម្ភះ ខ្លួនបានទិញម៉ាសុីនត្រជាក់ចំនួន ៣ឈុត ក្នុងមួយឈុត១២០ដូល្លា ចឹងស្មើរ ៣៦០ដូល្លា ចំពោះកន្ទុយ ១២គ្រឿងនេះខ្ញុំឲ្យលុយអស់៧០០ដូល្លាមុនហើយព្រោះខ្លួនទិញតែឈុតៗ អត់ទិញដាច់គ្នាទេមូលហេតុដែលខ្ញំទិញ ព្រោះគាត់ជាជាងម៉ាសុីនត្រជាក់ ហើយគាត់ថាគាត់កាត់ពីគេ ខ្ញុំអត់ដឹងគាត់លួចគេទេ។

ហើយជនសង្ស័យ មុិល យ៉ុង បានសារភាពទៀតថាខ្លួនយកទៅលក់ឲ្យឈ្មោះ សេង បូរី ភេទប្រុស អាយុ៣០ឆ្នាំជនជាតិខ្មែរ មានទីលំនៅភូមិបាលិលេយ្យ១ សង្កាត់/ក្រុងប៉ោយប៉ែត ចំនួន ៣កន្ទុយម៉ាសុីនត្រជាក់។

ឈ្មោះ សេង បូរី បានឲ្យដឹងថា មូលហេតុដែលខ្លួនទិញ ព្រោះគាត់ប្រាប់ខ្ញុំថាគាត់ជាងម៉ាសុីនត្រជាក់គាត់លក់កន្ទុយម៉ាសុីត្រជាក់ ៣យកលុយចាយ មួយតម្លៃ៣០ដូល្លា ខ្ញុំទិញអស់លុយ ៣៦០០០រៀល លុះថ្ងៃម៉ោង១រលៀលស្រាប់តែសមត្ថកិច្ចមកយកកន្ទុយម៉ាសុីនត្រជាក់នោះវិញ ដោយប្រាប់ជននោះលួចគេទេ ហើយខ្លួនក៏យល់ព្រមជូនសមត្ថកិច្ចវិញ។

ជនសង្ស័យមុិល យ៉ុង បានសារភាពបន្តៀតថាខ្លួនបានកន្ទុយម៉ាសុីនត្រជាក់ចំនួន ៧គ្រឿងអោយឈ្មោះម៉ៅ មករា ភេទប្រុស អាយុ៣៤ឆ្នាំជនជាតិខ្មែរ មុខរបរជាងម៉ាសុីនត្រជាក់មានទីលំនៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត បានទិញកន្ទុយម៉ាសុីនត្រជាក់ចំនួន៧គ្រឿង ក្នុងមួយគ្រឿង ៣៥ដូល្លា ជនសង្ស័យឈ្មោះម៉ៅ មករា បានប្រាប់ថាកន្ទុយម៉ាសុីនត្រជាក់ខ្លួនបានកាត់ពីឃ្លាំងកាសុីណូទើបខ្លួនទិញ ។

សម្ភារៈដកហូតបាន ត្រូវបានសមត្ថកិច្ចប្រគល់ជូនម្ចាស់យកទៅប្រើប្រាស់វិញ មានម៉ាសុីនត្រជាក់ចំនួន ៣ឈុត និងកន្ទុយម៉ាសុីនត្រជាក់ ចំនួន២៣គ្រឿង ។

ចំណែកឯជនសង្ស័យទាំងបួននាក់ ត្រូវបានសមត្ថកិច្ចជំនាញនៃអធិការដ្ឋាននគរបាលក្រុងប៉ោយប៉ែត ធ្វើការឃាត់ខ្លួន កសាងសំណុំរឿងបញ្ជូនទៅកាន់តុលាការ៕