លោកវរសេនីយ៍ឯក ឡាក់ ម៉េងធី នាំយកកុំព្យូទ័រមួយឈុតជាអំណោយរបស់លោកស្នងការខេត្តកណ្តាលប្រគល់ជូនលោកនាយកសាលាបឋម ហ៊ុន សែន ដើមអង្កោល

លោកវរសេនីយ៍ឯក ឡាក់ ម៉េងធី នាំយកកុំព្យូទ័រមួយឈុតជាអំណោយរបស់លោកស្នងការខេត្តកណ្តាលប្រគល់ជូនលោកនាយកសាលាបឋម ហ៊ុន សែន ដើមអង្កោល

ផ្សាយនៅថ្ងៃទី១០ ខែមីនា ឆ្នាំ២០២២ វេលាម៉ោង១៧:៣២នាទី

កណ្តាល៖ នៅរសៀលថ្ងៃទី១០ ខែមិនា ឆ្នាំ២០២២នេះ លោកវរសេនីយ៍ឯក ឡាក់ ម៉េងធី ស្នងការរងនគរបាលខេត្តកណ្តាល តំណាងដ៏ខ្ពង់ខ្ពស់លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បាននាំយកអំណោយជាកុំព្យូទ័រលើតុមួយឈុត ម៉ាក Dell  ដែលមានតម្លៃសរុប ៦៧៤ដុល្លារ ប្រគល់ជូនលោក ជុំ បូរ៉ាឌីន នាយកសាលាបឋម ហ៊ុន សែន ដើមអង្កោល ស្ថិតនៅក្នុងភូមិលេខ៤ សង្កាត់ស្វាយរលំ ក្រុងតាខ្មៅ ខេត្តកណ្តាល។

នាឱកាសនេះ លោកវរសេនីយ៍ឯក ឡាក់ ម៉េងធី បានពាំនាំប្រសាសន៍ផ្ដាំផ្ញើសួរសុខទុក្ខពីលោកឧត្ដមសេនីយ៍ស្នងការខេត្តកណ្ដាល បន្តរួមគ្នាថែរក្សាសុខភាពឲ្យបានល្អ ដោយអនុវត្តន៍តាមប្រសាសន៍ណែនាំដ៏ខ្ពង់ខ្ពស់របស់សម្តេចតេជោ «៣កុំ ៣ការពារ»និងបន្តអនុវត្តន៍តាមការណែនាំរបស់ក្រសួងសុខាភិបាលឲ្យបានជាប់ជាប្រចាំ។

ជាមួយគ្នានេះ លោក ជុំ បូរ៉ាឌីន នាយកសាលាបឋម ហ៊ុន សែន ដើមអង្កោលឲ្យដឹងថា លោកសប្បាយចិត្តណាស់ដែលលោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលបានផ្ដល់អំណោយជាកុំព្យូទ័រមួយឈុតនេះ សម្រាប់ប្រើប្រាស់កិច្ចការងាររដ្ឋបាលទូទៅក្នុងសាលា ហើយចំពេលដែលកំព្យូទ័រមុនត្រូវបានខូចប្រើលែងកើត។ លោកនាយកក៏សូមថ្លែងអំណរគុណយ៉ាងជ្រាលជ្រៅបំផុតចំពោះលោកឧត្ដមសេនីយ៍ទោស្នងការខេត្តនិងក្រុមការងារ និងសូមជូនពរឲ្យជួបតែពុទ្ធពរទាំងបួនប្រការគឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕