លោកឧត្តមសេនីយ៍ទោ ឈឿន សុចិត្ត និងលោកស្រី អញ្ជើញជាអធិបតីក្នុងពិធីអបអរសាទរសិទ្ធិនារីអន្តរជាតិ៨មីនា លើកទី១១១ ឆ្នាំ២០២២

លោកឧត្តមសេនីយ៍ទោ ឈឿន សុចិត្ត និងលោកស្រី អញ្ជើញជាអធិបតីក្នុងពិធីអបអរសាទរសិទ្ធិនារីអន្តរជាតិ៨មីនា លើកទី១១១ ឆ្នាំ២០២២

ផ្សាយនៅថ្ងៃទី១១ ខែមីនា ឆ្នាំ២០២២ វេលាម៉ោង១៦:៣៤នាទី

ខេត្តកណ្តាល៖ លោកឧត្តមសេនីយ៍ទោ ឈឿន សុចិត្ត​ ស្នងការ នៃស្នងការដ្ឋាននគរបាលខេត្តកណ្តាល និងលោកស្រី រ៉េត ផល្លីដា នៅព្រឹកថ្ងៃទី១១ ខែមីនា​ ឆ្នាំ២០២២ បានអញ្ជើញជាអធិបតីក្នុងពិធីអបអរសាទរសិទ្ធិនារីអន្តរជាតិ៨មីនា លើកទី១១១ ឆ្នាំ២០២២ ដែលរៀបចំដោយស្នងការដ្ឋាននគរបាលខេត្តកណ្ដាល។

ក្នុងពិធីដ៏អធិកអធមនេះក៏មានការអញ្ជើញចូលរួមពីលោក-លោកស្រីស្នងការរង និងភរិយា លោកនាយការិយាល័យ លោកអធិការនគរបាលគ្រប់ស្រុក-ក្រុង និងកងកម្លាំងនគរបាលជាស្ត្រីចំនួន១៩២នាក់។

នាឱកាសដ៏មហាប្រសើរនេះ លោកឧត្ដមសេនីយ៍ស្នងការនិងលោកស្រីក៏សូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាឆ្នាំថ្មី ទេវតាថែរក្សាទឹកដីនៃ ព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សាអភិបាលប្រោះព្រំសព្ទសាធុការពរជ័យជូនលោក-លោកស្រីស្នងការរង និងភរិយា លោកនាយការិយាល័យ លោកអធិការនគរបាលគ្រប់ស្រុក-ក្រុង និងកងកម្លាំងនគរបាលជាស្ត្រីទាំងចំនួន១៩២នាក់ សូមមានសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាវាងវៃភ្លឺថ្លា និងសូមបានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ។

គួរជម្រាបជូនថា៖ ក្នុងឱកាសនោះលោកឧត្តមសេនីយ៍ទោ ឈឿន សុចិត្ត​ ស្នងការនគរបាលខេត្ត និងលោកស្រី រ៉េត ផល្លីដា បានផ្តល់ជូនកងកម្លាំងជាស្ត្រីក្នុងម្នាក់ៗទទួលបានសំពត់សូត្រចំនួន១ និងថវិកាចំនួន១០០,០០០រៀល៕