បុរសម្នាក់កំពុងតែជិះម៉ូតូធ្វើដំណើរតាមដងផ្លូវត្រូវបានរថយន្តក្រឡុកស៊ីម៉ង់បើកបុកហើយកិនពីលើស្លាប់បាត់បង់ជីវិត....
![](https://blogger.googleusercontent.com/img/b/R29vZ2xl/AVvXsEg-Cm8jgHngiQ4m_aAcboU3B0Isr6hpnewaXnBbX5ADmvhGyRaRpK2LT2nc35msZiBuHMDwbRQp7xyqc11DHXJt0E2Cgfqi7mc8j2BHqh7H6_MIpkdXyKkVouqdjzAVLo5BdiDH89d62wfafcmaqZ51QPVm2AI6d1FIKZMLj7OJw6qYdnIp_dWT0ay8/s1600/Polish_20220330_145556614.jpg)
បុរសម្នាក់កំពុងតែជិះម៉ូតូធ្វើដំណើរតាមដងផ្លូវត្រូវបានរថយន្តក្រឡុកស៊ីម៉ង់បើកបុកហើយកិនពីលើស្លាប់បាត់បង់ជីវិត....
ផ្សាយនៅថ្ងៃទី៣០ ខែមីនា ឆ្នាំ២០២២ វេលាម៉ោង១៥:០០នាទីភ្នំពេញ៖ បុរសម្នាក់ត្រូវបានស្លាប់បាត់បង់ជីវិតភ្លាមៗយ៉ាងអាណោចអាធ័មនៅពេលដែលកំពុងជិះម៉ូតូរបស់ខ្លួនធ្វើដំណើរតាមដងផ្លូវ ត្រូវបានរថយន្តក្រឡុកស៊ីម៉ង់បើកមកបុកចំពេញទំហឹង។
ហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់មួយនេះបានកើតឡើងកាលពីវេលាម៉ោង១០នឹង៣០នាទីព្រឹក ថ្ងៃទី៣០ ខែមីនា ឆ្នាំ២០២២ ស្ថិតតាមបណ្ដោយផ្លូវសម្ដេចជាស៊ីម ក្នុងភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ។
សពជនរងគ្រោះមានឈ្មោះ ពៅ សំណាង ភេទប្រុស រីឯអ្នកបើកបររថយន្តបង្កមានឈ្មោះ មុឺន សារឹន ភេទប្រុស អាយុ២២ឆ្នាំ មានស្រុកកំណើតរស់នៅក្នុងភូមិបាយស្រា ឃុំទំព័រមាស ស្រុកសំរោងទង ខេត្តកំពង់ស្ពឺ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលហេតុការណ៍នេះបានកើតឡើងគេបានឃើញបុរសម្នាក់ជិះម៉ូតូម៉ាកទ្រីមសង់ស៊េរីឆ្នាំ ២០១៥ ពណ៌ខ្មៅមួយគ្រឿងពាក់ស្លាកលេខភ្នំពេញ1DQ-2160 ធ្វើដំណើរតាមបណ្ដោយផ្លូវសម្ដេចជាស៊ីម ខណៈពេលមកដល់ត្រង់ចំណុចកើតហេតុខាងលើក៏ស្រាប់តែមានរថយន្តក្រឡុកស៊ីម៉ង់ត៍មួយគ្រឿងបើកបរក្នុងល្បឿនលឿនមុខបុកចំពេញទំហឹងបណ្ដាលឱ្យដួលរួចកិនពីលើធ្វើឱ្យជនរងគ្រោះស្លាប់បាត់បង់ជីវិត ហើយក៏បានព្យាយាមបើករត់រហូតមកដល់ទល់មុខនឹងការ៉ាសសាំងលីហ៊ាងជាប់និងផ្សារបឹងបៃតងទើបសមត្ថកិច្ចនិងប្រជាពលរដ្ឋតាមឃាត់បានទាំងអ្នកបើកបរនិងរថយន្តបង្ក។
ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីធ្វើការវាស់វែងនិងយករថយន្តបង្ករួមទាំងអ្នកបើកបរទៅកាន់ការិយាល័យនគរបាលចរាចរណ៍ផ្លូវគោកនៃស្នងការដ្ឋានរាជធានីភ្នំពេញដើម្បីរង់ចាំដោះស្រាយគ្នានៅពេលក្រោយ។
ចំណែកសពជនរងគ្រោះត្រូវបានសមត្ថកិច្ចជំនាញធ្វើកំណត់ហេតុនិងកុសល្យវិច្ច័យរួចរាល់ទើបទាក់ទងទៅសាច់ញាតិនិងក្រុមគ្រួសារឲ្យមកទទួលយកទៅធ្វើបុណ្យតាមប្រពៃណី។
![](https://blogger.googleusercontent.com/img/b/R29vZ2xl/AVvXsEjiDJXabSPln-olUHUqX4Yl3ryXvbOAfhpRfuiW4HL-Hnee2L60LTuE8CFRhnKeEYEjIz-mUkjMpWJ4lFp345LYcL5FCCaeN4mLAIND4Y4a001ZZheWi3tpKy1uWMqAKMlofzS-AVtq8BZNbXHn2kfkYIZ1ZIk50pKiooztqMPe_vjgDDL343qROOTJ/s1600/FB_IMG_1648626558631.jpg)
![](https://blogger.googleusercontent.com/img/b/R29vZ2xl/AVvXsEinkL1eQZfcr9keQK_RtEaXDxuv2SXJDtuBubRsoubRWntVoMAkUtVv9GRsUrciHCOAjTv-EMEde_M11EoyGzP2qIQ9QheFe7K2WwVpAtlV2KHDxIHJL5aOLXQVn460_BnStw-1hLBY9Om50t-dNM9V_m--y5CAaSdBsGU_6yCb84LTOZIdtbrkWdjV/s1600/FB_IMG_1648626561100.jpg)
![](https://blogger.googleusercontent.com/img/b/R29vZ2xl/AVvXsEgTBQUDsoXB9VB6NkNxw2THMvOowNFTqZUa3CVYncXI0x2pahHEBwq-dZP-xS6ddKXKJlr7WgyrRcvHRQtF4ZkML21SDiMoZprsTD60OoNadXh_M9iugLIYe-FrzzcyK3BtZ3giGAXACewABZZ-3JWolP5zXd-BTQcdeEM_X1bM95AF-uIccokQFF2g/s1600/FB_IMG_1648626563354.jpg)
![](https://blogger.googleusercontent.com/img/b/R29vZ2xl/AVvXsEjuFK-JIbly3BIyWmXBt2K8E_jP8Bg_Wwn-2byFL70NEbD65WH9dXezjjAmH-t6_oVHSddPvsM5NxXvIak3y5YDxTUCqaMiD6RzD2o3fb-Z8feA9_jeyTuL9jwdk4NHOVGFbiEEpdk5V2oJqE0r_rDbUTd4J4YUGZqwvhYnwKpdr69lIXa1ZivhOYtg/s1600/FB_IMG_1648626566219.jpg)
![](https://blogger.googleusercontent.com/img/b/R29vZ2xl/AVvXsEhOOjtvOLjwBcogij1kOA3lwMNNc9b1Hys9VOaCt0GE94dtepEZEj9UR2GSNhC_OgWMO6_rwA34NqeHyQjxKX8d0wUCmR8JE2AC258FM8rWFdLlKfCZK6CiTG4zFDhM7ieJRfhMwyHE494s58SxW-sOujECjBXdS5z7m2EyfjN2FVfhY-bocWNqEA7v/s1600/FB_IMG_1648626568721.jpg)
![](https://blogger.googleusercontent.com/img/b/R29vZ2xl/AVvXsEgAKpzRCI0a5JtBS1nCtNFl_9CGWUfC7lJRLYa_Ns2TLsMqXeH4Nkf98UH8Iuv1TdXnMK5gzdb73vx-sLnCvKrCV2PM5QiAYBR4NUw0TGzLvEbUp81kdtgXS7u4EXJ-_Eyhz3wQdFEuva3OSJerpl3fm_J_VJooGGoNVibHTql-Olds5bxGlcl-LCnT/s1600/FB_IMG_1648626571058.jpg)
![](https://blogger.googleusercontent.com/img/b/R29vZ2xl/AVvXsEgVJ4JbeHgiL3x4ZdMgIcv5wIXm3W4HwK3hBIN7tIfT-XBoS-LiAFSXuWm4mSMRdL3yhxSAkZ5DCoFTPRLUvJroFHn1VZG82GMjpF-rV47r8LJk7zoEyEgc41gcD4d-HrWa289_7lm9omQLwvwUYFON3KhN4L3R209rXYL6pGhepKM606LtOa7WjF01/s1600/FB_IMG_1648626577529.jpg)
![](https://blogger.googleusercontent.com/img/b/R29vZ2xl/AVvXsEhZRidsDIcgMjIbx63r8A8dcwWp0b1rnkaiaLi-Ba07hxlzt5jDSVlm0Xpy85Iu-hunLfvAYQJ5-G2VIOR8YABvFRO3l77NDf9aXMwGkHsaQP9UPctcrWi2zblfCUz4r8_mm3v-wQd9DgQhrB6kmBmN-m6K36_JJ8FbiVSK-aNt5bTxvl1oAfNyAWsI/s1600/FB_IMG_1648626580832.jpg)
![](https://blogger.googleusercontent.com/img/b/R29vZ2xl/AVvXsEixSDArZEMHABO8fJavCtarmu2kkpEwyE4YwMBg8asLjwsjNRHGcLzW5f9lmRyf39JjCcFIjKNBIHIlaPSe5wEJjSIuxfa6Cbznsszlag1f_3wbyKjpeRF8Qr73nr7YcINdySIgKkdudFG7HgSBGyovWxi9kvN6zVsyT5QVxdWTti9PrxYjSSkHF-4X/s1600/FB_IMG_1648626583752.jpg)
No comments