រណ្តៅដីដ៏ធំមហិមា ដែលជីកគាស់កកាយដឹកយកអាចម៍ដីលក់ កំពុងតែធ្វើឱ្យពលរដ្ឋមានការព្រួយបារម្ភ ខណៈមន្ត្រីពាក់ព័ន្ធសម្ងំស្ងៀម
![](https://blogger.googleusercontent.com/img/b/R29vZ2xl/AVvXsEjtJFwtJ8sjcd56kR7cWkx8XpSJHhQKiBqanlBEc0MllELFTt2tEjozpzQ7tmTpGoXTZiGZQlOXq9l1Q0xSU2A7HSsVtB4cKUnSnyK3EOW461sYnF9jZxK286xhVjq2-mXT2Z-qILmf4pQZFt1PMrCDZlr0wdf07RpLJlQ7W6M67Z5bkA4T7XDXhD35/s1600/Polish_20220325_090605995.jpg)
រណ្តៅដីដ៏ធំមហិមា ដែលជីកគាស់កកាយដឹកយកអាចម៍ដីលក់ កំពុងតែធ្វើឱ្យពលរដ្ឋមានការព្រួយបារម្ភ ខណៈមន្ត្រីពាក់ព័ន្ធសម្ងំស្ងៀម
ផ្សាយនៅថ្ងៃទី២៥ ខែមីនា ឆ្នាំ២០២២ វេលាម៉ោង០៩:១១នាទីបន្ទាយមានជ័យ៖ រណ្តៅដីដ៏ធំមហិមាមួយកន្លែងស្ថិតនៅចំណុចក្រោយវត្តសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ត្រូវបានពពួកឈ្មួញជីកគាស់កកាយយកអាចម៍ដីទៅលក់ យកលុយដាក់ហោប៉ៅ ដោយមិនខ្វល់ពីផលប៉ះពាល់ដល់សុខសុវត្តិភាពពលរដ្ឋ។
តាមប្រភពព័ត៌មានបានឱ្យដឹងថា៖ រណ្តៅដីមួយកន្លែងនេះ មានម្ចាស់ជាកូនលោកធំម្នាក់ និងបានប្រើគ្រឿងចក្រជាច្រើនគ្រឿង ជីកគាស់កកាយយកអាចម៍ដីលក់ ដោយមានជម្រៅជ្រៅដល់ក្បាលប្រែត បង្កឱ្យប្រជាពលរដ្ឋមានការព្រួយបារម្ភយ៉ាងខ្លាំងអំពីសុវត្ថិភាពកូនចៅនិងគោក្របីធ្លាក់ចូលក្នុងរណ្តៅដីមួយនេះ។
ប្រភពបន្តទៀតថា៖ រណ្តៅដីដែលមានជម្រៅជ្រៅដល់ក្បាលប្រែតមួយកន្លែងនេះ កំពុងតែក្លាយជាកន្លែងមរណៈនៅថ្ងៃណាមួយជាក់ជាមិនខាន ហើយក្នុងមួយរយៈមកនេះក្រុមរថយន្តដឹកដីទាំងនោះកំពុងបើកបរធ្វើឲ្យធូលីដីហុយទៅលើផ្ទះរបស់ប្រជាពលរដ្ឋរស់នៅតាមដងផ្លូវបង្កឲ្យប៉ះពាល់ដល់សុខមាលភាពប្រជាពលរដ្ឋយ៉ាងខ្លាំង ហើយនៅរដូវមានភ្លៀងធ្លាក់ធ្វើឱ្យរអិលដួល។
ពាក់ព័ន្ធនឹងបញ្ហានេះដែរ ពលរដ្ឋជាច្រើនបានសង្កេតឃើញថា មន្ត្រីពាក់ព័ន្ធក្នុងមូលដ្ឋានម្នាក់ៗ កំពុងតែសម្ងំស្ងៀម ហាក់បីដូចជាបណ្តែតបណ្ដោយឲ្យឈ្មួញដែលគ្មានគោរពច្បាប់ទំលាប់ទាំងនោះជីកកកាយដឹកជញ្ជូនអាចម៍ដោយគឃ្លើន តើឲ្យពលរដ្ឋសង្ឃឹមអ្វី!
ចំណែកលោក យឹម សំណាង អភិបាលស្រុកអូរជ្រៅ ហាក់ដូចជាគ្មានចំណាត់ការទប់ស្កាត់ចំពោះក្រុមអាជីវកម្ម ដែលកំពុងជីកកាយដីលក់យកលុយទាំងនោះទាល់តែសោះ ដូចជាមានអ្វីលាក់បាំងខ្លាំងមែនទែន!
ទាក់ទិនករណីនេះដែរ ពលរដ្ឋជាច្រើនស្នើសុំដល់ លោក សុត វឌ្ឍនា ប្រធានមន្ទីររ៉ែ និងថាមពលខេត្តបន្ទាយមានជ័យ សូមលោកមេត្តាដឹកនាំកម្លាំងចុះពិនិត្យវាស់វែង ចំពោះរណ្តៅដីយក្ស មួយកន្លែងខាងលើនេះផង ដើម្បីសុខទុក្ខពលរដ្ឋ។
ប្រជាពលរដ្ឋសូមសំណូមពរដល់លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ សូមលោកអភិបាលជួយចេញបទបញ្ជាដល់មន្ត្រីជំនាញពាក់ព័ន្ធក្រោមឪវាទ ចុះបង្ក្រាបទប់ស្កាត់ករណីខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEhpbd6qyVwha7BQ8DdsW9hkTgwP1XFpXtS5dL-0XVdMd_XbCxL7QePWHvtj66PAkaQAjFQ9ZgY3UNJ2BmND_HpuEixoDwJrokCZYUXJh8mt1GAY7Vlrlh0isu6i6hdzaSgVoHm9-YCjdBpBkFOWvnpX7GIgGnVzivXZEW2uiEDVUvmny9okZ9coiFF8/s1600/20200604.3.jpg)
![](https://blogger.googleusercontent.com/img/b/R29vZ2xl/AVvXsEiEavWE6MCPkZs1fbHL5jv9LVvbSMDuaFkW4Ub56_bmYshVhYx9JxRDYikxgz1hM0kml-dAYSEukOrMzxc24IEoCwQRk7IKXTHbKzsC9A1x6Q5mIZTHyoWgI-bZl-BNH4cNh7w_S0QXKIkS5_PVxUcn14NrRWxddaqMOybPJ5PvfBnaxkblbTlha99N/s1600/IMG_20220217_160657.jpg)
![](https://blogger.googleusercontent.com/img/b/R29vZ2xl/AVvXsEi4lypga3QTCYDzFz39qk3gA8y2rDoAqNffCfbuu7q9wwhnC_VVfan3icOkBiiMcXE1GhOO5zBhGArr6cC1SY01hHlSxmYsUBWgPdONMYV0kUtaJDUAqbjeHqIkktkFQTyqWUBXZhhOPHOkhTPOXRl67Zq18SCTvGFxSTonbC95qlTQnOTfp9DHU58k/s1600/IMG_20220325_085452_246.jpg)
![](https://blogger.googleusercontent.com/img/b/R29vZ2xl/AVvXsEjMscOdZzz957DvN6oNUQQSCSWxtfBaTAPGD_bNrxJQr4x3en1T4T3JaJeA4ka8AClBjQ2Kp958sRFt8sCFO4JFwKOvLZUu1y51e3bUjNIcbVsW1fc0oMASXxXGBXQXihqZ_4QbQ6HtmSxP3QMlFgC3iGTqfwqATPS3c3gjniPwmRulX-0Fh-HFnMxh/s1600/IMG_20220325_085507_335.jpg)
![](https://blogger.googleusercontent.com/img/b/R29vZ2xl/AVvXsEg9WF84S8i7dpV79bHBtTV3izCP8c8Wzms2EuGCHQkVG0_zv3iXIJcFXFqM98plTXOxtnvkSU7FBwkdq3MpWcqJln7aIRbEXUMbFYo3I4zp2KtF25XjHhXvs2Vpfp0TVgRZhf_ZOFYvgvRwTeyfUOFboYV0TBeCnJnGAT_N9_FnjpMtOKtfTPCPmHOp/s1600/IMG_20220325_085509_564.jpg)
![](https://blogger.googleusercontent.com/img/b/R29vZ2xl/AVvXsEgzm1o65SGSgOMQK4j_QEsOsmF4XUrPg6tlBQEMHFC-WuSTPJlkn3cjbtNcTdG0iR9uosjR7RcQDF2DYvxVFW6q6KKg3EAsE8h2O4TlU9BCc567vsfMRvQxU6IsIenDyeW0lDL62_BALqzkIag8kokkzy7eVsUTInvkMbeUCsdPawqwfzcVjcQSC8Ya/s1600/IMG_20220325_085514_910.jpg)
![](https://blogger.googleusercontent.com/img/b/R29vZ2xl/AVvXsEiUmk_e2eLYLdmVE9Pu4-gmkPfRH9RRGibkLsm2gOggB2sNZTq4B1EvuH7DvRdU7TY8asEESqMqCe8-9-JV0y2EwM2ydSGlTyq5xbBHVrHPNQN2yUdUXUYLpf_pecbtkJqW_6fIIvoIBRf1HTuwLoyRpJWIcN_zgA0UeFJ3826qQSLDqjxS-wq_wm5R/s1600/IMG_20220325_085518_247.jpg)
![](https://blogger.googleusercontent.com/img/b/R29vZ2xl/AVvXsEivlfp6UkSqJzBoDWjqzLkfMUuq_pbgPT6MEdV7TcgAscefgxoYbYXkBwON0-BbBmOnNVgSoD5QGMpj7rndk2s7txnE8mUEPeSzOikWMiat57JduTaru806TOEsWBGvGgvzDPUPMuuMusEA63xqj6TZDIDlfVbAE6lsMlvCHgx7CMeeRQsQ7JX8FdUE/s1600/IMG_20220325_085520_407.jpg)
![](https://blogger.googleusercontent.com/img/b/R29vZ2xl/AVvXsEgi9Yvcpe5nYMiREwWicA8aQX_PEreYmO7xlt68DtFEc0vJ0WGsgnzDqWBeO1msXHmauMdxG_ecjxYLndn7f67OI_whYk9kEojZl4mWGpDFbWPALzOP6Va-RuKGwLLzpPx1DqXVoYnjWq-u1D9WKa-fIOz3SBh8eOinguY-jLUiVjDRxwAtMpnX9WG_/s1600/IMG_20220325_085523_714.jpg)
![](https://blogger.googleusercontent.com/img/b/R29vZ2xl/AVvXsEigbtEG-QESLkNXPisJan9lSuyWJx0XzkIAwUvfUKCil7QMU_YQXrNZfhq_HmdouBmOBLfTepH2RcrVlU4T982p5-oePoyjN688SrfGMYmO0DV_wR1x4N12GlcveuiKh0J7cfnQIOjpkwwUU9nUSFmCyWE6Wx51x3gnvEO7Yg8nuG15XWThWG7tAw1z/s1600/IMG_20220325_085526_776.jpg)
![](https://blogger.googleusercontent.com/img/b/R29vZ2xl/AVvXsEj3Op3Tvr80Tcoz778aP-cQAQFHplc71ZsyeVhnSDtwGHRCfEh8d4LarvLL0A-Y83XODR5uHaesGJRhLdyQgsW0_2tKmtsUEbIWcQ0Mf1t_rAbj8rjZcGp59RwBT9pFJeuAVDwolYNW2oY-7lFc-m9Lmpx4m7RYSwvQJR0uhVs9xGlES0zckA5qr_7F/s1600/IMG_20220325_085529_261.jpg)
![](https://blogger.googleusercontent.com/img/b/R29vZ2xl/AVvXsEjU5aDD1RLDskSm5n59ATG5zBUx29UseApikVFiCbMHQFr3Bihc0y19x2fcFINDcphMFisimdjsfEOGbxL9noZB5KWN6P5WGoQmXHSP7jpKbsBitD2MfLg0XvPeDYGc2l6nrveEaKRsJKJFZuiRLvnjQGfiFXTNS50Cab-KEswcPreMCnqJjpq_BEb8/s1600/Polish_20220325_090605995.jpg)
No comments